Filipi 2:7 - Muna Southern Dialect

⁷ Tamaka kosasawiꞌae naꞌa nofosipulie, maka nofokatu Wutono peda bhatua. Anoa nokatu mie, nodadi peda seemie manusia.

Filipi 2:7 Iomraidhean Croise

Matius 12:18

⸤ Ambano Lahataꞌala⸥ “Ainimo katudu nepiliku, nemoasiꞌaoku, neposahasiꞌaono laloku. Rohiku atumeiꞌe we lalono, Anoamo so mefoleleno tubhono kasalamati ne sabhaha bansano liwu.

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Markus 9:12

Notobhoosimo Yesus, “Uumbe daanumo, Elia so maino wawo, namosintuwuꞌao sabhaha giu. Ampamo kaowu nada amai Anano Manusia, Idi ini? Ingka weo Kitabino anabii notibuhi nabhahi naenamisi kakadee-dee, pae dakumonaꞌie mie.

Lukas 22:27

Laꞌae bhahaa foliuno kabhala? Mengkohano momaano kaa foꞌondofaono? Ingka momaano. Tamaka Idi ini ne olotamiu kanggetu foꞌondofaono.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Roma 1:3

Bhihita Metaa aini nopulaoꞌao Anano Lahataꞌala, Yesus Kristus Ompuntoomu. Peda seemie manusia, nolente maiꞌao ne sampuꞌano omputo Daud.

Roma 15:3

Kapaꞌamo Kristus miina dua namekihi kaoꞌiaꞌano Wutono. Weo Kitabi notibuhi ⸤ wambano Kristus ne Lahataꞌala⸥ , “Sabhaha wamba kafekaꞌaebu nefolimbando so Hintu nokangkanaimo Idi.”

Roma 15:8

Amohatokoomu, Kristus padamo nembali mie umondofaono miendo Yahudi, so notiwohaꞌao kabanarano Lahataꞌala putae dhandino ne awuaꞌintoomu tetewei nakoꞌula.

Roma 8:3

O ae pata nepoolino tubhono agama Yahudi, hampano kanaleno mbadha kamanusia, padamo nohabue Lahataꞌala. Lahataꞌala notudu Anano wutono ⸤ nomai we dhunia ini⸥ nokatu mbadha kodhosa nembali kapopanga metolosino dhosa. Pedamo anaꞌa Lahataꞌala nohukumu dhosa nepake mbadha kamanusia.

2 Korintus 13:4

Daanumo kanaleno Kristus notiwoha wakutuuno dokantaiꞌe te sau salipu, tamaka ampa aitu nodadi hampano kuasano Lahataꞌala. Pedamo dua anaꞌa, insaodi seꞌiseno bhe Anoa taonale, tamaka hampano kuasano Lahataꞌala tadumadi tapoowa bhe Anoa so kaetaaꞌamiu.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

Filipi 2:6

Mahingga Anoa sakotuꞌuno Lahataꞌala, miina nakopatudhu kanandoono pasae Lahataꞌala maitu namintahakie kansuhu.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 13:3

Feꞌulaidaomu mie weo katohongku kao-kaomo hintimiu itu titohongkuomu dua bhe andoa. Feꞌulaidaomu mie nefompina-mpina kao-kaomo hintimiu dohabukoomu dua peda anaꞌa.

Ibrani 4:15

Imamuntoomu, o Imamu Bhalano numamisino dua sabhaha kanalentoomu. Anoa nopototo bhe intaodiomu ini, padamo nonamisie sabhaha kasoba, ampamo kaowu miina nakodhosaa.