Filipi 2:5 - Muna Southern Dialect

⁵ Lalomiu tabeano napototo bhe lalono Kristus Yesus.

Filipi 2:5 Iomraidhean Croise

Matius 11:29

Tongkuomu wowoꞌoku ⸤ maꞌanano angkafi pahintaku⸥ bhe poguhuomu ne Idi, kapaꞌamo Idi ini netaa laloku bhe afekapanda Wutoku. Tetewei meꞌawaomu kalalesano lalo.

Lukas 22:27

Laꞌae bhahaa foliuno kabhala? Mengkohano momaano kaa foꞌondofaono? Ingka momaano. Tamaka Idi ini ne olotamiu kanggetu foꞌondofaono.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 20:35

Ne sabhaha nehabuku ini afotiwohaangkomoomu sandaha putae tabeano dokahadhaa moꞌosa peda aini so datumulumiꞌao mie kumadee-deeno. Ingka nofaraluu datumandai nepugauꞌaono Ompu Yesus, kapaꞌamo padamo nopugau ambano, ‘Nobahakati dofowaꞌao bhe detahimaa.’ ”

Roma 14:15

Tamaka ane fekalea lalono bhahitiemu mbaꞌinomo nehumaamu, ingka habumu itu nopotagali bhe kanini kaasi. Koe dai-dai mie bhaimu dhohono oti nehumaamu, ingka Kristus padamo nomate dua so mie aitu.

Roma 15:3

Kapaꞌamo Kristus miina dua namekihi kaoꞌiaꞌano Wutono. Weo Kitabi notibuhi ⸤ wambano Kristus ne Lahataꞌala⸥ , “Sabhaha wamba kafekaꞌaebu nefolimbando so Hintu nokangkanaimo Idi.”

Roma 15:5

Sio-siomo Lahataꞌala fowaꞌaono kakosabaha dapotaami bhe kalawesino lalo ne manusia, natumulumikoomu dumadi weo kaseꞌise, noposahataa bhe kapoindalono Yesus Kristus.

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

1 Petrus 2:21

Dokosabaha weo kakadee-dee, ingka anaꞌamo katibhasiꞌamiu ne Lahataꞌala, kapaꞌamo wutono Kristus padamo dua nokadee-dee so hintimiu. Pedamo anaꞌa ingka nehunsaangkoomu sandaha so neangkafimiu, tumapiomu koinaꞌano.

1 Petrus 4:1

Mbadha kamanusiano Kristus nenamisi kakadee-dee, dadiꞌanomo hintimiu dua tetewei fekamatangka fekihimiu so nohelasiꞌao kumadee-deeꞌomu. Kapaꞌamo mie madano menamisino kakadee-deeno mbadha, nokukundomo dhosa.

1 Yohanes 2:6

Laꞌae mugauno nodadi noseꞌise bhe Lahataꞌala, tabeano nadumadi namangkafi sandahano dadino Yesus Kristus.