Filipi 2:20 - Muna Southern Dialect

²⁰ Kapaꞌamo ampamo kaowu Timotius ini sefekihi sekakolalono bhe idi; pakade anoa nokotu-kotuꞌu noꞌondofao so kaetaaꞌamiu.

Filipi 2:20 Iomraidhean Croise

Yohanes 10:13

Kafileiꞌano mie amaitu neala kaowu ponambo, dadiꞌanomo miina napokihaꞌianda dhumba andoa maitu.

Yohanes 12:6

Kapugauꞌano peda naꞌa suano mbaꞌinomo noniniꞌao mie mokae, tamaka mbaꞌinomo anoa maitu seemie kasoꞌo, nentelamo nohumaa dhoi weo kaenteiꞌa dhoi neintahano.

Roma 15:5

Sio-siomo Lahataꞌala fowaꞌaono kakosabaha dapotaami bhe kalawesino lalo ne manusia, natumulumikoomu dumadi weo kaseꞌise, noposahataa bhe kapoindalono Yesus Kristus.

1 Korintus 16:10

Ane Timotius namai te hintimiu, uleiꞌeomu lalomiu keana nokateꞌi-teꞌi naeate bhe hintimiu, hampano anoa itu nokahadhaa so Ompu peda dua idi ini.

Filipi 2:2

Dadiꞌanomo, hampano kosasawiꞌae naꞌa, fosangka kanaꞌeomu kawulano laloku: dadiomu sefekihi sekakolalo bhe sepatudhu, sekanini kaasi ne mie bhaimiu.

Filipi 2:22

Ingka wohaemoomu bukutiino Timotius ini nokofahalaamo, anoa sadhia notulumi kanau weo foleleꞌano Bhihita Metaa, kabeanga anano bhe amano.

Kolose 4:11

Kapakatuno dua salam maiꞌao ne Yesus nekonando dua Yustus. Kabhahindo miendo Yahudi marasaeano ne Ompu Yesus, ampamo andoa totoluno pobhai kanau takahadhaa so Kafopahintaꞌano Lahataꞌala. Andoa ini dolawesi mpuu laloku.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

2 Timotius 1:5

Afeꞌulai dua kaparasaeamu kumampuu-mpuuno, tapedamo dua kaparasaeando Lois, awuamu hobhine bhe Eunike inamu. Miina apoibhahaanea, kaparasaeamo medano anaꞌa dumadino dua weo totono lalomu.

2 Timotius 3:10

Tamaka hintu, ingka tokamo angkafi kafoinaꞌuku bhe ehe mengkohaku. Ingka wohaemo dua patudhuno dadiku, kaparasaeaku bhe sabahaku, kanini kaasiku bhe kakampuu-mpuuno laloku apotaami.