Filipi 2:2 - Muna Southern Dialect

² Dadiꞌanomo, hampano kosasawiꞌae naꞌa, fosangka kanaꞌeomu kawulano laloku: dadiomu sefekihi sekakolalo bhe sepatudhu, sekanini kaasi ne mie bhaimiu.

Filipi 2:2 Iomraidhean Croise

Yohanes 3:29

Kohakuꞌaono loꞌia buꞌou hobhine ingka loꞌia buꞌou moꞌane; tamaka sabhangkano loꞌia buꞌou moꞌane neehe-ehe ne sohihino nofeti-fetingkeda. Nowula mpuu lalono ane nofetingke suahano loꞌia buꞌou moꞌane maitu. ⸤ Peda sabhangkano loꞌia buꞌou naꞌa,⸥ idi ini nowulamo mpuu laloku, nosungkumo kaꞌiaku.

Tula-tulando rasulu 1:14

Andoa ini sadhia dosekakolalo dosambahea. Dosabhangkada dua hobhineꞌi, bhe Maria inano Yesus bhe bhahitieꞌino Yesus.

Tula-tulando rasulu 2:1

Nohato hohaeaꞌano Pentakosta, kosasawindo mie marasaeano dopohompu-hompu ne seꞌonu lambu.

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Tula-tulando rasulu 5:12

Nobhahi tanda tapa mentela bhe giu timenteꞌaono nehabundo rasulu ne mie bhahi. Kosasawindo mie marasaeano sadhia dosekakolalo dopohompu-hompu we Tambino Salomo ne Lambuno Lahataꞌala.

Roma 12:16

Pometa-metaaꞌomu, koise nelangke diumiu tamaka posabhangkaomu bhe mie mepandano kaengkohaꞌa, koise abhi wutomiu mie mande!

1 Korintus 1:10

Bhahitieꞌiku! Aesalo mpuu ne hintimiu weo neano Ompuntoomu Yesus Kristus, sekakolaloomu! Koise bhe powengke-wengkeꞌa ne olotamiu, tamaka fekamatangka kaseꞌisemiu, sefekihiomu.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Korintus 2:3

Kanandooꞌanomo aebuhiangkoomu suha, neanomo humato amai paise nakompeaha laloku. Kapaꞌamo hintimiu sakotuꞌuno so mekaꞌia kanau. Aparasaeakoomu mpuu, kawulano laloku ingka kawulanomo dua lalomiu kosasawimiu.

2 Korintus 7:7

Suano kaowu taꞌo hatono Titus katilawesiꞌa mani, tamaka hampano dua tula-tulano neꞌawa kalawesino lalo ne olotamiu. Titus netula-tula kainsami kakambano lalomiu moha kanauꞌomu, kaguguhuno lalomiu, bhe kakampuu-mpuuno lalomiu potunduꞌa kanauꞌomu, sampe sedhuluꞌa dua kawulano laloku.

Filipi 1:4

Taenomo dua asambahea so kosasawimiu sadhia nowula sepaliꞌa laloku.

Filipi 2:16

poowa fintahakiomu bhe fosampeomu bhihita meowano dadi. Ane dadimiu nada naꞌa, ne oleo kahatoꞌano Kristus, naowoseangkoomu bhakeku. Kapaꞌamo anaꞌa katandainomo miina nasumia-siaꞌa apogolo, miina dua nasumia-siaꞌa aowuleangkoomu, ⸤ kahadhaaku nokohasili⸥ .

Filipi 2:20

Kapaꞌamo ampamo kaowu Timotius ini sefekihi sekakolalono bhe idi; pakade anoa nokotu-kotuꞌu noꞌondofao so kaetaaꞌamiu.

Filipi 4:2

Euodia bhe Sintike, aesalo mpuu ne hintimiu hoduano: pometaaꞌomu, sekakolaloomu peda bhahitie weo Ompu.

Kolose 2:5

Kapaꞌamo mahingga mbadhaku nokodoꞌo bhe hintimiu, totono laloku nopobhaiangkoomu. Nowula sepaliꞌa laloku awoha kaꞌosano kaseꞌisemiu bhe kamatangkano kaparasaeamiu ne Kristus.

2 Tesalonika 2:13

Bhahitieꞌi nemoasiꞌaono Ompu! Insaodi tabeano sadhia taefoampe katumpuno lalo ne Lahataꞌala hampano hintimiu, kapaꞌamo mpini kabhao-bhaono Lahataꞌala nopilikoomu namosalamatikoomu. Kasalamatimiu naꞌa noangka ne Rohino Lahataꞌala fofekangkilono bhe kaparasaeamiu ne kabanara.

2 Timotius 1:4

Afeꞌulai kaowu ndawuno luumu, nokamba laloku apoꞌawaangko toha, nosungkuꞌao kaꞌiaku.

Filemon 1:20

Dadiꞌanomo bhahitieku, aefetulumi mpuu ne hintu hampano dopobhahitie weo Ompu; lawesi kanau, ingka intaodi doseꞌisemo bhe Kristus.

2 Yohanes 1:4

Nowula mpuu laloku afetingke anaꞌimu sigaꞌa dodadi doangkafi kabanara, pedamo pahinta netahimantoomu maiꞌao ne Lahataꞌala Amantoomu.

3 Yohanes 1:4

Pae bhe so moliuno kawulano laloku afetingke anaꞌiku dodadi doangkafi kabanara.