Filipi 2:19 - Muna Southern Dialect

¹⁹ Ane Ompu Yesus nofowaꞌao kalalesa, aposahunaꞌao paemo naomponaa atumudu Timotius namaiꞌikoomu, neanomo natilawesimo dua laloku ametingke bhihitamiu.

Filipi 2:19 Iomraidhean Croise

Matius 12:21

Anoamo so kaposahunaꞌaondo sabhaha bansano liwu.”

Tula-tulando rasulu 16:1

Paulus nopansuhumo we kotano Derbe we Listra. Ne itu nandoo seemie mangkafino Yesus, neano Timotius. Inano miendo Yahudi, noparasaea dua ne Yesus, tamaka amano miendo Yunani.

Roma 15:12

Peda dua ini nekosuahaꞌaono anabii Yesaya, “Namaiꞌao ne sampuꞌano Isai natiumba tunasino, tunasi aini namehe namintaha pahinta ne sabhaha bansano liwu. Anoamo dua so tumpuꞌano posahunaꞌaondo sabhaha bansano liwu.”

Roma 16:21

Salam maiꞌao ne Timotius, posabhangkaꞌaku weo kahadhaa, bhe Lukius, Yason bhe Sosipater, sanea saliwuku miendo Yahudi.

1 Korintus 4:17

Kanandooꞌanomo atuduangkoomu Timotius, anaku timoasiꞌaono bhe kumampuu-mpuuno ne Ompu. Anoa nameꞌulaiangkoomu kodadiku peda seemie mangkafino Kristus Yesus, pedamo nefoinaꞌuꞌaoku ne kosasawindo umati ne amai maka kahatoꞌaku.

Efesus 1:13

Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

Filipi 2:18

Peda dua hintimiu, tabeano naowula lalomiu, moꞌiaꞌomu bhe idi.

Filipi 2:28

Dadiꞌanomo sedhuluꞌamo dua kabhalano laloku amosuliangkoeꞌomu, neanomo poꞌawaaneomu kaowu moꞌiaꞌomu, totono laloku nahumempomo dua.

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

1 Tesalonika 3:5

Dadiꞌanomo, mbaꞌinomo miinamo natitagalia kakambano lalo mani, tatudumo Timotius, amandeꞌao kaowu koeateno kaparasaemiu. Kapaꞌamo nomihiangkoomu laloku, bhahasaa nopoolikoomu kawudhuno Kafeompuꞌando seetani sampe nasumia-sia kawule mani.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

Yakobus 4:15

Sakotuꞌuꞌano tabeano pugauꞌomu nada aini, “Ane napoangkafi bhe kapoindalono Ompu, tadumadi bhe taehabu aini tawa aitu.”

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.