Filipi 2:17 - Muna Southern Dialect

¹⁷ Bheanea damongko kanau, heaku kanggetumo kabubusino kapopanga nefoampemiu ne Lahataꞌala. Kapopangamiu anaꞌa maꞌanano o kaparasaea weo feompumiu ne Lahataꞌala. Ane nokotuꞌu nada anaꞌa, naowula laloku, aoꞌia bhe kosasawimiu itu.

Filipi 2:17 Iomraidhean Croise

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Roma 12:1

Dadiꞌanomo bhahitieꞌiku, hampano kataano lalono Lahataꞌala, aesalo mpuu ne hintimiu, owaomu mbadhamiu peda kapopanga dumadino, mongkilono bhe mekaꞌiano lalono Lahataꞌala. Nadamo aini tabeano kofeompumiu sakotuꞌuno ne Lahataꞌala.

Roma 15:16

Takaku ini ingka aembali mie umondofaono Kristus Yesus ne olotando sabhaha bansano liwu suano Yahudi. Aembalimo kanggetu seemie imamu meowano Bhihita Metaa maiꞌaono ne Lahataꞌala, neanomo sabhaha bansano liwu daembali kanggetu kapopanga titahimano ne Lahataꞌala bhe nefekangkilono Rohino Lahataꞌala.

2 Korintus 12:15

Dadiꞌanomo idi ahelasianemo sabhaha fehebuaꞌaku so hintimiu, bhahaa bhemo wutoku ini ahelasianemo so kaetaaꞌamiu. Ane idi sadhulu kamoasiꞌaoku ne hintimiu, nopantasi bhahaa sedhulu kakongkono kamoasiꞌaomiu ne idi?

2 Korintus 4:12

Pedamo anaꞌa insaodi sadhia taewiseki mate, tamaka hintimiu meꞌawaomu dadi.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

2 Korintus 7:4

Aokado apugau mentalea-mentalea ne hintimiu, bhe nowoseangkoomu bhakeku. Weo sabhaha kakadee-dee mani notilawesi mpuu laloku bhe nopontalabhi-labhi kawulano laloku.

Filipi 1:20

Nemokambaꞌaono laloku bhe neposahunaꞌaoku, putae nehabuku ini pae aoambanoanea, tamaka sadaa-daa aokado apugau, mangke-mangke ne wakutuu aini. Neanomo mbadhaku ini somo mekakalabhiano Kristus, naetaa weo dadiku, naetaa weo mateku.

Filipi 2:18

Peda dua hintimiu, tabeano naowula lalomiu, moꞌiaꞌomu bhe idi.

Filipi 2:30

Kapaꞌamo mbaꞌinomo kahadhaano Kristus nomaꞌo namate; anoa nopotahoꞌao inawano nofokapo nekaemimiu weo kaꞌondofaomiu ne idi.

Filipi 4:18

Kosasawiꞌae atahimaemo, nokapotiemo kafaraluuku, tanokolabhimo dua. Pada atahima kapakatumiu ne Epafroditus, miinamo akonikaea. Kawaꞌaomiu ini tapedamo kapopanga mowondu, mekaꞌiano lalono Lahataꞌala bhe nemoasiꞌaono.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

1 Tesalonika 2:8

Kabhalano kanini kaasi mani ne hintimiu, sampe tahelasimo suano kaowu tafohatoangkoomu Bhihita Metaa, tamaka tahelasimo dua tawaꞌangkoomu dadi mani. Kapaꞌamo taoasiangkoomu sepaliꞌa.

2 Timotius 4:6

Ane wutoku, ampa aini heaku nopotuhumo mbalimo kabubusino kapopanga so Lahataꞌala. Nomaꞌomo tempono ahumunsa dhunia ini.

1 Petrus 2:5

Hintimiu tapedamo dua kontu dumadino, dadiꞌanomo undaomu namakekoomu Lahataꞌala so namoeheꞌao lambu so katisombaiꞌano. Ane nada naꞌa, ingka membalimoomu imamu mongkilono mefoampeno kapopanga posahataano bhe lalono Lahataꞌala noangka ne Yesus Kristus.

1 Yohanes 3:16

Dopandeꞌaaneomu maꞌanano kanini kaasi, hampano Kristus nopotahoꞌao inawano so intaodiomu. Dadiꞌanomo intaodiomu tabeano dua dahumelasi dapotahoꞌao inawanto so bhahitieꞌintoomu.