Filipi 2:14 - Muna Southern Dialect

¹⁴ O ae maka dua habumiu ⸤ metaaꞌano⸥ , tahabumoomu, koise kamuntu-muntuomua, koise potaga-tagaliomua.

Filipi 2:14 Iomraidhean Croise

Matius 20:11

Hato dotahima, dofedeemo ne kafeompuꞌa naꞌa.

Markus 14:5

Ane damasoe, ingka nakolabhi tolu moꞌono woka pera, maka olino naꞌa naembali dadumawu-dawuandae mie mokae.” Dadiꞌanomo doꞌamahakimo hobhine anaꞌa.

Markus 9:14

Yesus bhe anaguhuꞌino totoluno maitu dosulimo toha we anaguhuꞌino sigaoꞌano, gahaꞌa dowohadamo nandoo dolibu-libuda mie bhahi. Nandoo dua pande-pande Kitabi tangasano dopotaga-tagali bhe andoa.

Lukas 5:30

Miendo Farisi bhe pande-pande Kitabi dokamuntu-muntu ne anaguhuꞌino Yesus ambado, “Noafa gahaꞌa pombali-mbaliꞌaoꞌomu bhe mealaꞌino sewa bhe mie kodhosa maitu?”

Tula-tulando rasulu 15:2

Tamaka Paulus bhe Barnabas doewangi bhe dotagali sepaliꞌa fekihindo maitu. Panda-pandano dobhotusiemo peda aini: Paulus bhe Barnabas bhe seemie hodua mie marasaeano ne itu dakumala dapoꞌawaꞌao rasulu sigaoꞌano bhe kamungkulaꞌi we Yerusalem so dapugau-gauꞌao kasabha netompaloindo naꞌa.

Tula-tulando rasulu 15:39

Poꞌalatindo Paulus bhe Barnabas noꞌosa sepaliꞌa sampe panda-pandano dopogaati. Barnabas nowowoꞌo Markus maka dosawi ne bhangka dohope we Siprus.

Tula-tulando rasulu 15:7

Nompona kaowu dopololi-loliꞌao fekihindo, noehemo Petrus maka nopugau ambano, “Bhahitieꞌiku, ingka pandeꞌaaneomu mpini kabhao-bhaono Lahataꞌala nopili kanau maiꞌao ne olotamiu, neanomo bansano liwu suano Yahudi dametingke bhe damarasaea Bhihita Metaa nefoleleku.

Tula-tulando rasulu 6:1

Wakutuu anaꞌa mie mangkafino Yesus sadhulu-dhulu kabhahi. Miendo Yahudi mepakeno wamba Yunani, dopahamuntuꞌao miendo Yahudi mepakeno wamba Ibrani, mbaꞌinomo bhihinandado miina natiꞌondofao metaaꞌa. Andoa ini miina daeꞌawa kafaraluu nedawu-dawundo seꞌo-seꞌoleo.

Roma 12:18

Uleiꞌe lalomiu ampa nepoo-poolimiu dadi pometaaꞌomu bhe kosasawindo mie.

Roma 14:1

Tahimadaomu metaa-metaa bhahitieꞌi pata motangkano kaparasaea, koise foꞌalada ane poꞌalaomu fekihi.

Roma 16:17

Bhahitieꞌiku, aesalo mpuu posiꞌondoomu ne mie meowano powengkeꞌa weo umati bhe kakodhosaꞌando mie marasaeano. Aitu nopoꞌala bhe kafoinaꞌu toka netahimamiu. Dadiꞌanomo gampiandaomu.

1 Korintus 10:10

Koise dua dokamuntu-muntuomu peda nehabundo seemie hodua ne olotando andoa naꞌa, sampe nopongkoda Malaꞌekati Fofekamateno.

2 Korintus 12:20

Kapaꞌamo nomihi laloku bhahasaa amai ahumatofikoomu napoꞌala bhe nepoindaloku, pedamo aitu hintimiu moha kanauꞌomu napoꞌala bhe nepoindalomiu. Nomihi laloku kunanomo bhe pogiha-gihaꞌa, pokondu-konduaꞌa lalo, amaha, kafosibhalano kafaraluuno wuto, poꞌumbu-umbu, pokamu-kamuntuiꞌao, kalangkeno diu, bhe kahungga.

Galatia 5:15

Tamaka ane sadhia posia-siakaomu, posiꞌondoomu bhahasaa mobinasaomu kosasawimiu.

Galatia 5:26

Koise nelangke diuntoomu, koise dopofekaleaꞌi lalo, koise dua dopokondu-konduaꞌao lalo.

Filipi 2:3

Koise konihabuomu mbaꞌinomo fekihi kaowu faraluuno wutomiu, tawa fekalangke diumiu. Tamaka fekapanda wutomiu, abhidaomu mie bhaimiu detaa dua andoa bhe wutomiua.

1 Tesalonika 5:13

Feompuniꞌida mpuu weo kanini kaasimiu hampano kahadhaando. Sadhia dadi pometa-metaaꞌomu.

1 Tesalonika 5:15

Posiꞌondoomu, habu modai koise dobhoosiane dua habu modai, tamaka sadhia uleiꞌomu lalomiu habu metaaꞌomu, sapada-pada hintimiu bhe ne sabhaha mie.

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

Yakobus 1:20

Kapaꞌamo mie umamahano miina nahumabu metaa peda nepoindalono Lahataꞌala.

Yakobus 3:14

Tamaka ane nakondua lalomiu ne mie bhaimu bhe sadhia ondofao kaowu kafaraluuno wutomiu, koise sangke-sangke wutomiu putae kotimbangiomu, kapaꞌamo ane nada aitu ingka bhansuleemoomu kabanarano Lahataꞌala.

Yakobus 5:9

Bhahitieꞌiku, koise kamuntu-muntuomu bhe pofeꞌa-feꞌalaomu keana meꞌawaomu kahukumu. Tandaiꞌeomu, Fobhitahakino neehe-ehemo ne wobhano fointo.

1 Petrus 3:11

Habu modai tabeano naꞌumohoe maka nahumabu metaaꞌano; naeꞌondofi pometaa, naꞌumuleiꞌe lalono ampa naꞌumawae.

1 Petrus 4:9

Pofoti-fotiampeomu ne lambumiu, koise fedeeꞌomu ane bhe mengkahatono we lambumiu.

Yudas 1:16

Andoamo ini mie kamuntu-muntuno, sadhia dofoꞌala mie bhaindo, doangkafi kapoindalondo modaiꞌano, dosangke-sangke wutondo bhe dokundeli mie bhaindo so deꞌawaꞌao laba.