Filipi 2:11 - Muna Southern Dialect

¹¹ Kosasawindo naꞌa daꞌumakui putae Yesus Kristus maitu o Ompu, somo kakalabhiano Lahataꞌala Amantoomu.

Filipi 2:11 Iomraidhean Croise

Matius 10:32

Laꞌae mangakuno ne wisendo manusia putae anoa noangkafi Idi, aꞌumakuiꞌe dua te wiseno Amaku te surugaa.

Lukas 2:11

Sealo itu we kotano Daud nolentemo so hintimiu Omputo Fosalamatino, Ompu Kristus.

Yohanes 12:42

Mahinggamo peda anaꞌa, dobhahi dua neangkando miendo Yahudi marasaeano ne Yesus. Tamaka miina daokadoa doꞌakui kaparasaeando kapaꞌamo doteꞌi miendo Farisi, bhahaꞌi tadoꞌeleꞌaanda damesua weo lambu kasambaheaꞌa.

Yohanes 13:13

Hintimiu kona kanauꞌomu guru bhe Ompu, ingka anoamo naꞌa, kapaꞌamo Idimo ini guru bhe Ompu.

Yohanes 13:14

Dadiꞌanomo ane Idi Ompu bhe gurumiu afewaniu aꞌemiu, hintimiu tetewei beano dua pofewa-fewaniuꞌomu aꞌe.

Yohanes 14:13

O ae maka dua kamesalomiu weo neaku, amangkafie, neanomo kakalabhiano Amaku natiwohamo ne Anano.

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

Yohanes 17:1

Pada nopugau peda naꞌa Yesus nototohanamo te lani maka nopugau ambano, “Ama, nohatomo tempono, fotiwoha kakalabhiano Anamu ⸤ Idimo ini⸥ , neanomo Anamu namotiwoha dua kakalabhiamu.

Yohanes 20:28

Ambano Tomas ne Yesus, “Ompuku bhe Lahataꞌalaku.”

Yohanes 5:23

neanomo sabhaha mie damosibhala Anano napototo bhe Amano. Sasuka tapa mosibhalano Anano, anoa miina dua namosibhala Amano tumuduno Anano.

Yohanes 9:22

Kapugauꞌando kamungkulano peda maitu doteꞌi miendo Yahudi, kapaꞌamo miendo Yahudi domafakaanemo sasuka kumonano Yesus maitu Mesias Omputo Fosalamatino, daꞌumeleꞌaanda damesua weo lambu kasambaheaꞌa.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

Roma 14:11

Hampano notibuhi weo Kitabi peda aini, “Bhoasaono Ompu ⸤ bhe nofemata⸥ , ‘Bhe dadiku wutoku, kosasawindo mie dasumudhu datumaohao sombado ne wiseku, sabhaha mie daꞌumakui kanau Idimo Lahataꞌala.’ ”

Roma 14:9

Kapaꞌamo ingka anaꞌaemo kamateꞌano bhe kawanuꞌano Kristus, neanomo naembali Ompundo mie dumadi bhe mie mate.

Roma 15:9

Kanandooꞌanomo dua peda amaitu, neanomo sabhaha bansano liwu sigaoꞌano damekakalabhia Lahataꞌala hampano rahamatino netahimando. Aini noposahataa bhe tibuhino weo Kitabi peda aini, “Hampano anaꞌa amudhiko ne olotando sabhaha bansano liwu, aelagu amekalabhia neamu.”

1 Korintus 12:3

Dadiꞌanomo naetaa amohatokoomu putae o manusia neatono Rohino Lahataꞌala paise bhe kapoolia nabhatataꞌiao Yesus. Pedamo dua aitu miina bhe manusia so pugauno putae Yesus maitu o Ompu ane pae namatoe Rohino Lahataꞌala.

1 Korintus 15:47

Manusia kabhao-bhaono nomaiꞌao we dhunia, mbadhano nomaiꞌao we bungahasi; manusia mbuhumaino nomaiꞌao te surugaa.

1 Korintus 8:6

tamaka so intaodiomu ampamo Lahataꞌala Kaseemie-mieꞌano, Amantoomu. Anoamo mokonandoono bhahi-bhahiꞌae, dadintoomu somo dua Anoa. So intaodiomu Ompu seemie-mieno dua, Yesus Kristus. Noangka ne Anoa bhahi-bhahiꞌae dofokonandooꞌe, hampanomo dua Anoa kadadiꞌantomoomu.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

1 Yohanes 4:15

Mie umakuino putae Yesus Anano Lahataꞌala, ingka Lahataꞌala noseꞌise bhe anoa bhe anoa noseꞌisemo bhe Lahataꞌala.

1 Yohanes 4:2

Nada aini so notipandeꞌaoꞌao bhahaꞌi rohi ne mie anaꞌa Rohino Lahataꞌala bhahaꞌi suano: sasuka mie mangakuno noparasaea Yesus Kristus nomai we dhunia ini peda seemie manusia, rohino mie aitu nomaiꞌao ne Lahataꞌala.

2 Yohanes 1:7

Kaebuhiꞌaku peda aini hampano dobhahimo mpahaguru-guruno dolili te dhunia ini dofobhohe-bhoheꞌi. Andoa maitu miina daꞌumakuiꞌe putae Yesus Kristus nomai we dhunia ini peda seemie manusia. Mie pedando naꞌa o fobhohe-bhoheꞌino bhe kaewano Kristus.

Powoha 3:5

Sasuka fotalono damopakeane pakea kapute pedando naꞌa; neando tibuhino weo Kitabino Mie Dumadi paemo amosaliea. Ne wiseno Amaku bhe ne wisendo dua malaꞌekatino, aꞌumakuida putae andoa maitu fehebuaꞌaku.