Filipi 2:1 - Muna Southern Dialect

¹ Ingka notangkamo lalomiu mbaꞌinomo seꞌisemoomu bhe Kristus. Ingka notilawesi dua lalomiu mbaꞌinomo noniniangkoomu Kristus. Ingka pobhahi-bhahitieꞌomu weo kaseꞌise bhe Rohino Lahataꞌala. Ingka pomoa-moasiꞌaoꞌomu, pomoni-moniniꞌaoꞌomu.

Filipi 2:1 Iomraidhean Croise

Lukas 2:25

We Yerusalem nandoo seemie koneaꞌano Simeon. Anoa ini mie banara lumebeno, nontaa-ntaa kasalamatiꞌando miendo Israel. Rohino Lahataꞌala nopobhaiane,

Yohanes 14:18

Paise ahumunsakoomu nada anaꞌi moꞌelu, tetewei asumulikikoomu.

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Yohanes 17:13

Aitu asumulimo te Hintu. Aekapunaꞌao kosasawiꞌae ini tinangke nandoo kanau we dhunia ini, neanomo andoa dakumabhintida mpuu kawulano laloku.

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Tula-tulando rasulu 4:32

Kosasawindo marasaeano doseꞌise, dosefekihi bhe dosekakolalo. Bhe naseemie miina bhe kumonano fehebuaꞌano so wutono kaowu, tamaka fehebuaꞌano seemie mbalimo dua fehebuaꞌando kosasawindo.

Roma 5:5

Posahunaꞌao aini paise nafofekandidiki lalo, kapaꞌamo totono lalonto noponoꞌaomo kanini kaasino Lahataꞌala. Kanini kaasi ini noowae Rohino Lahataꞌala toka newaꞌaono ne intaodiomu.

Roma 8:26

Pedamo aitu intaodi mie monale notulumi kaita Rohino Lahataꞌala. Kapaꞌamo miina damandeꞌaaneomu peda amai dosambahea bhe o ae so nesambaheaꞌao. Ampamo kaowu wutono Rohi fosambaheaꞌaono, kaꞌuuno miina natibhoasaꞌaoa.

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

1 Korintus 15:31

Seꞌo-seꞌoleo aewiseki mate. Bhe kawoseno bhakeku ne hintimiu bhahitieꞌiku, pugauku ini nokotuꞌu, hampano weo Kristus Yesus Ompuntoomu nowoseangkoomu bhakeku.

1 Korintus 3:16

Miina mandeꞌaaneomua gahaꞌa putae hintimiu itu Lambuno Lahataꞌala? Miina mandeꞌaaneomua gahaꞌa putae Rohino Lahataꞌala neate weo totono lalomiu?

2 Korintus 2:14

Foampe kaitaomu katumpuno lalo ne Lahataꞌala, kapaꞌamo Kristus noowa kainsami tabhatompa weo hame-hameno kafotaloꞌano, hampano kaseꞌise mani bhe Anoa. Lahataꞌala nopake kainsami taefolele Bhihita Metaano Kristus ne amai maka dua tapedamo wonono mina-mina mowonduno.

Galatia 4:6

Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Efesus 4:4

Kapaꞌamo intaodiomu ini sembadha kaowu; Rohino Lahataꞌala, Kaseemie-mieꞌano. Pedamo dua kaposahunaꞌaondo mie nebhasino Lahataꞌala, ingka sehonda kaowu.

Filipi 1:8

Wutono Lahataꞌala sakusiino pugauku ini: nokamba mpuu laloku apoꞌawa bhe hintimiu, kapaꞌamo aoasiangkoomu tapedamo kanini kaasino wutono Yesus Kristus.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Kolose 2:2

Bhahi-bhahiꞌae ini ahabue so naotangkaꞌao lalondo umati bhe daseꞌise weo kanini kaasi. Ane nada naꞌa andoa daeꞌawa kabarakati bhalano, maꞌanano kotu-kotuꞌu dalumosangie kabanara, paemo dapoibhahaanea. Damandeꞌaane dua rahasiano Lahataꞌala, ingka wutono Kristus.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

1 Yohanes 3:24

Mie mangkafino pahintano Lahataꞌala dodadi doseꞌise bhe Lahataꞌala, Lahataꞌala noseꞌise bhe andoa. Katipandeꞌaoꞌano Lahataꞌala noseꞌise bhe intaodiomu, hampano padamo nofowaꞌao Rohino.

1 Yohanes 4:12

Miinaꞌo bhe mohano Lahataꞌala, tamaka ane dapomoa-moasiꞌao, Lahataꞌala naseꞌise bhe intaodiomu maka kanini kaasino nasumangka weo totono lalontoomu.

1 Yohanes 4:16

Ingka dopandeꞌaane bhe doparasaeaꞌemoomu kanini kaasino Lahataꞌala ne intaodiomu. Lahataꞌala maitu o kanini kaasi. Mie dumadino weo kanini kaasi noseꞌise bhe Lahataꞌala bhe Lahataꞌala neate weo totono lalono.