Filipi 1:9 - Muna Southern Dialect

⁹ Sambaheaku sio-siomo kanini kaasimiu sadhulu-dhulu kabhahi ampa napontalabhi-labhi, nasedhuluꞌa dua mandeꞌaoꞌomu kabanara bhe meꞌawaomu fekihi kotimbangi.

Filipi 1:9 Iomraidhean Croise

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

2 Korintus 8:7

Hintimiu hangkaeamoomu weo kaparasaea, hangkaeamoomu weo folimbaꞌano fekihi bhe kapande, hangkaeamoomu dua weo kakampuu-mpuu so potulu-tulumiꞌa, hangkaeamoomu weo kanini kaasi ne insaodi. Naetaa mpuu ane humangkaeaꞌomu dua weo kahadhaano kanini kaasi ini.

Efesus 5:17

Kanandooꞌanomo koise kabhohe-bhoheomu, tamaka uleiꞌeomu lalomiu ondofiomu kapoindalono Ompu.

Kolose 1:9

Dadiꞌanomo notanda tafetingke peda naꞌa, miina bhe fengaasia tasambaheaꞌangkoomu. Taesalo sio-siomo Rohino Lahataꞌala namaꞌangkoomu timbangi bhe pomaꞌana metaa, neanomo lumosangieꞌomu mpuu kapoindalono Lahataꞌala.

Kolose 3:10

Ampa aitu dowaꞌangkomoomu dadi buꞌou, hintimiu membalimoomu manusia buꞌou. Mokonandoono dadi buꞌou naꞌa nopahabuꞌounikoomu kansuhu ampa sifatimiu napototo bhe Wutono. Patudhuno neanomo mandeꞌaaneomu mpuu wutono Lahataꞌala maitu.

1 Tesalonika 3:12

Sio-siomo dua Ompu namodhulu kabhalano kanini kaasimiu sapada-pada hintimiu bhe ne sabhaha mie ampa napontalabhi-labhi, pedamo dua kanini kaasi mani ne hintimiu.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

Filemon 1:6

Asambahea sio-siomo dadi pobhahitie weo kaparasaeantoomu nakohasili metaa, maꞌanano nasedhuluꞌa dua dalumosangie sabhaha kabarakati netahimantoomu hampano doseꞌisemo bhe Kristus.

Ibrani 5:14

Tamaka oti motuꞌa so mie motangkano dadi, andoa dokaneamo wutondo dopake matando, tingalando bhe siitondo, sampe nembalimo dopofelesaane metaaꞌano bhe modaiꞌano.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.