Filipi 1:7 - Muna Southern Dialect

⁷ Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Filipi 1:7 Iomraidhean Croise

Tula-tulando rasulu 20:23

Ampamo kaowu nofohato kanau Rohino Lahataꞌala ne amai liwu kaangkaꞌaku taꞌo katohongku bhe kafodee-dee so neꞌawaku.

Tula-tulando rasulu 21:33

Panglima naꞌa nomaꞌoti Paulus, lasao nohakoe maka notududa datumapuane hante haa honda poowa nofeena bhahaꞌi laꞌae mie amaitu bhe nehabu ae.

1 Korintus 13:7

O kanini kaasi nesongkowi bhahi-bhahiꞌae, noparasaea bhahi-bhahiꞌae, noposahunaꞌao ne bhahi-bhahiꞌae, bhe nokosabaha netaami bhahi-bhahiꞌae.

1 Korintus 9:23

Bhahi-bhahiꞌae ini ahabue hampano Bhihita Metaa so aealaꞌao dua dawu weo kabarakatino.

2 Korintus 3:2

Hintimiu itu ingka suha kataranga manimo, tokamo notibuhi weo totono lalo mani, dopandeꞌaane bhe nembali dobasae sabhaha mie.

2 Korintus 7:3

Apugau peda ini miina amoꞌalakoomu; ingka padamo afohatokoomu insaodi ini taoasiangkoomu sepaliꞌa, dadiꞌanomo intaodiomu dosedadiꞌa semateꞌamo.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Efesus 3:1

Kanandooꞌanomo idi, Paulus asambaheaꞌangkoomu. Idi ini atitohongku hampano afeompu ne Kristus Yesus bhe aꞌondofao hintimiu mie suano Yahudi.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Efesus 6:20

Ingka hampanomo Bhihita Metaa aini, katituduꞌakumo sampe dotohongku kanau. Sambaheaꞌomu neanomo aokado amugauꞌao Bhihita Metaa ini, pedamo mantasiꞌano so idi.

Filipi 1:12

Bhahitieꞌiku, gaoku mandeꞌaaneomu putae kumadhadhiaꞌano ne idi ini ⸤ maꞌanano dotohongku kanau ini⸥ , mbali kaowu nofodhuluꞌao kaꞌewano leleno Bhihita Metaa.

Filipi 1:13

Mbaꞌinomo kadhadhia aitu, nentaleamo ne kosasawindo dhagano kamali bhe mie sigaoꞌano weo kota ini putae idi ini dotohongku kanau hampano afeompu ne Kristus.

Filipi 1:14

Mbaꞌinomo dotohongku kanau, dobhahi dua bhahitie marasaeano ne kota ini sedhuluꞌa kamatangkano kaparasaeando ne Ompu, sampe sedhuluꞌa dua kakadondo, miinamo dakateꞌi-teꞌia defolele bhoasaono Lahataꞌala.

Filipi 1:5

Notumpu laloku ne Lahataꞌala mbaꞌinomo hintimiu mealaomu dawu tulumi kanauꞌomu weo foleleꞌano Bhihita Metaa, notanda oleo kabhao-bhaono ⸤ parasaeaꞌomu⸥ taꞌampamo aitu.

Filipi 2:22

Ingka wohaemoomu bukutiino Timotius ini nokofahalaamo, anoa sadhia notulumi kanau weo foleleꞌano Bhihita Metaa, kabeanga anano bhe amano.

Filipi 4:14

Mahinggamo peda anaꞌa, netaa dua habumiu tulumi kanauꞌomu mealaomu dawu weo kasabhaku.

Filipi 4:15

Hintimiu miendo Filipi, ingka pandeꞌaaneomu mpuu, pakaefoleleku Bhihita Metaa, wakutuuno ahunsa kadieno Makedonia endefiꞌini, ampamo hintimiu umati marasaeano tumulumi kanaua. Ampamo hintimiu mealano dawu weo kakaeku naꞌa.

Filipi 4:3

Hintu dua, posabhangkaꞌaku mpuu, aesaloiko tulumida hobhine hoduano maitua. Kapaꞌamo andoa ini dokahadhaa mobhie bhe idi weo foleleꞌano Bhihita Metaa, pedamo dua Klemens bhe sabhangkaꞌiku sigaoꞌano kumahadhaano bhe idi. Neando andoa ini notibuhi weo Kitabindo Mie Dumadi.

Kolose 4:18

Idi, Paulus apakatuangkoomu dua salam, abuhiane limaku wutoku. Koe molimpuꞌa kanauꞌomu ingka nandoo atitohongku. Sio-siomo napobhaiangkoomu kabarakatino Ompu.

Kolose 4:3

Sambahea kainsamiomu dua, sio-siomo Lahataꞌala naelengka kainsami fointo tamolele bhihitano Kristus tifebuniꞌano endefiꞌini. Kapaꞌamo katitohongkuꞌaku mbaꞌinomo aefolele bhihitano Kristus ini.

1 Tesalonika 5:5

Kosasawimiu dadiomu ne mentaleaꞌano, sanea mie ole-oleo. Intaodiomu suano mie kohondoꞌa tawa dumadino weo kahohondo.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

2 Timotius 2:9

Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

Filemon 1:13

Sakotuꞌuno gaoku aꞌumeleꞌaane we ini so umondofa kanau, kanggetumo dua wutomu, tangasano aeate weo katohongku ini hampano Bhihita Metaa.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

2 Petrus 1:13

Kaomponano paeꞌo ahumunsa mbadha kasaraku ini, aabhiemo dua takaku sadhia ameꞌulaiangkoeꞌomu bhahi-bhahiꞌae ini.

1 Yohanes 3:14

Ingka dopandeꞌaanemoomu, intaodiomu ini kao-kaomo dogampiomu maiꞌao ne mate, dopesuaꞌomu ne dadi. Katipandeꞌaoꞌano mbaꞌinomo doasiꞌao bhahitieꞌintoomu. Mie tapa moasiꞌaono bhahitieno sadaa-daaꞌe nokuasaiꞌe mate.