Filipi 1:5 - Muna Southern Dialect

⁵ Notumpu laloku ne Lahataꞌala mbaꞌinomo hintimiu mealaomu dawu tulumi kanauꞌomu weo foleleꞌano Bhihita Metaa, notanda oleo kabhao-bhaono ⸤ parasaeaꞌomu⸥ taꞌampamo aitu.

Filipi 1:5 Iomraidhean Croise

Tula-tulando rasulu 2:42

Andoa sadhia dokampuu-mpuu dofintahaki kafoinaꞌundo rasulu, dopohompu-hompu bhe dosekakolalo. Andoa sadhia dua dopoharoa bhe dosambahea.

Roma 11:17

Haꞌano puꞌuno zaitun sigaꞌa dolobhisiemo ⸤ aini apulaoꞌao miendo Yahudi⸥ , maka defopikaane tunano puꞌuno zaitun ngkahoku, aini apulaoꞌao hintimiu ⸤ mie suano Yahudi⸥ . Hintimiu tunano zaitun ngkahoku itu, ingka mepehapimoomu dua dadi menowu maiꞌao ne pahakano zaitun sakotuꞌuno.

Roma 12:13

Tulumidaomu bhahitie marasaeano mokaeno! Fotiampedaomu mie bhaimu mengkalalono!

Roma 15:26

Kapaꞌamo umati we Makedonia bhe Akaya dosekabhotumo daefoꞌonu dhoi so datumulumiꞌao umati mokaeno we Yerusalem.

1 Korintus 1:9

Lahataꞌala nokampuu-mpuu ne dhandino. Ingka Anoamo bhasikoomu seꞌiseomu bhe Anano, Yesus Kristus Ompuntoomu.

2 Korintus 8:1

Bhahitieꞌiku, tamohatoangkoomu dua kataano lalono Lahataꞌala ne tombu-tombudo umati we kadieno Makedonia.

Efesus 3:6

Rahasia anaꞌa peda aini: noangka ne foleleꞌano Bhihita Metaa mie suano Yahudi deꞌawamo dua dawu ne kabarakati nefontaa-ntaano Lahataꞌala so miendo Yahudi. Mie suano Yahudi dembalimo dua katokano mbadha dosembadhamo bhe miendo Yahudi. Andoa dotahimamo dua dhandino Lahataꞌala weo kaseꞌisendo bhe Kristus Yesus.

Filipi 1:12

Bhahitieꞌiku, gaoku mandeꞌaaneomu putae kumadhadhiaꞌano ne idi ini ⸤ maꞌanano dotohongku kanau ini⸥ , mbali kaowu nofodhuluꞌao kaꞌewano leleno Bhihita Metaa.

Filipi 1:16

Andoa melaano lalo ini dohabu peda aini mbaꞌinomo kanini kaasindo ne Lahataꞌala bhe ne idi, kapaꞌamo dopandeꞌaane kahatoꞌaku ne ini so apotunduꞌao Bhihita Metaa.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Filipi 2:22

Ingka wohaemoomu bukutiino Timotius ini nokofahalaamo, anoa sadhia notulumi kanau weo foleleꞌano Bhihita Metaa, kabeanga anano bhe amano.

Filipi 4:3

Hintu dua, posabhangkaꞌaku mpuu, aesaloiko tulumida hobhine hoduano maitua. Kapaꞌamo andoa ini dokahadhaa mobhie bhe idi weo foleleꞌano Bhihita Metaa, pedamo dua Klemens bhe sabhangkaꞌiku sigaoꞌano kumahadhaano bhe idi. Neando andoa ini notibuhi weo Kitabindo Mie Dumadi.

Filemon 1:17

Dadiꞌanomo ane kona kanau pobhaiꞌamu weo kahadhaano Ompu, suli tahimae kanggetumo tahima idi.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.