Filipi 1:4 - Muna Southern Dialect

⁴ Taenomo dua asambahea so kosasawimiu sadhia nowula sepaliꞌa laloku.

Filipi 1:4 Iomraidhean Croise

Markus 5:5

Mentae mohondo nolili weo lia bhe te kabhawo poangka nopokakei-kei, uluno nopepekiane kontu.

Lukas 15:10

Amohatokoomu, nadamo dua anaꞌa malaꞌekatino Lahataꞌala daoꞌia hampano seemie kodhosa metompaꞌaono dhosano.”

Lukas 15:7

Amohatokoomu, nadamo dua anaꞌa te surugaa daoꞌia hampano seemie kodhosa metompaꞌaono dhosano, nalumiuꞌe kaꞌiando mbaꞌinomo mie banara siua fulu sisiuano tapa maraluuno dametompaꞌao dhosando.”

Roma 1:9

Taenomo asambahea sadhia dua afeꞌulaikoomu. Wutono Lahataꞌala sakusiino pugauku ini. Ingka Anoamo nefeompuniꞌiku sampuu-mpuuno laloku weo foleleꞌano Bhihita Metaano Anano.

Filipi 2:2

Dadiꞌanomo, hampano kosasawiꞌae naꞌa, fosangka kanaꞌeomu kawulano laloku: dadiomu sefekihi sekakolalo bhe sepatudhu, sekanini kaasi ne mie bhaimiu.

Filipi 3:18

Kapaꞌamo nentelamo afohatokoomu, aitu afenduaꞌemo dua nopotuhu bhe luuku, putae dobhahi mie kodadindo nopoewangi bhe patudhundo mateno Kristus te sau salipu.

Filipi 4:1

Dadiꞌanomo bhahitieꞌi nemoasiꞌaoku, fekatangka kofindamiu weo kaparasaea ne Ompu nada nepulaoꞌaoku naꞌa. Nokambaangkoomu laloku, hintimiumo mekawulano laloku, mekawosenomo bhakeku.

Kolose 2:5

Kapaꞌamo mahingga mbadhaku nokodoꞌo bhe hintimiu, totono laloku nopobhaiangkoomu. Nowula sepaliꞌa laloku awoha kaꞌosano kaseꞌisemiu bhe kamatangkano kaparasaeamiu ne Kristus.

1 Tesalonika 1:2

Insaodi sadhia taefoampe katumpuno lalo ne Lahataꞌala hampano kosasawimiu; taenomo tasambahea, tasambilikoomu ne wiseno Lahataꞌala, Amantoomu.

Filemon 1:7

Filemon, bhahitieku, kaasimu ne umati marasaeano itu nofekaꞌia bhe nofekatangka mpuu totono laloku, bhahamoa fodadiemo dua lalondo kosasawindo umatino Lahataꞌala.

2 Yohanes 1:4

Nowula mpuu laloku afetingke anaꞌimu sigaꞌa dodadi doangkafi kabanara, pedamo pahinta netahimantoomu maiꞌao ne Lahataꞌala Amantoomu.