Filipi 1:27 - Muna Southern Dialect

²⁷ Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Filipi 1:27 Iomraidhean Croise

Matius 12:25

Yesus nopandeꞌaane fekihindo lasao nopugau ne andoa ambano, “Ane seꞌonu kakolakiꞌa pae daseꞌise tamaka sadhia dopoewa-ewangi tetewei nabinasa; pedamo dua aitu ane seꞌonu liwu tawa seꞌonu polambu pae daseꞌise tamaka sadhia dapogiha-giha pae dua naentaraa.

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Tula-tulando rasulu 24:24

Nopooli haa oleo tolu oleo Feliks nohatomo bhe hobhineno koneaꞌano Drusila, anoa ini miendo Yahudi. Anoa nofotuduꞌaomo Paulus, nametingkeꞌao bhihitano kaparasaeano ne Yesus Kristus.

Tula-tulando rasulu 4:32

Kosasawindo marasaeano doseꞌise, dosefekihi bhe dosekakolalo. Bhe naseemie miina bhe kumonano fehebuaꞌano so wutono kaowu, tamaka fehebuaꞌano seemie mbalimo dua fehebuaꞌando kosasawindo.

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Roma 1:9

Taenomo asambahea sadhia dua afeꞌulaikoomu. Wutono Lahataꞌala sakusiino pugauku ini. Ingka Anoamo nefeompuniꞌiku sampuu-mpuuno laloku weo foleleꞌano Bhihita Metaano Anano.

Roma 10:8

Tamaka ingka wambano Kitabi peda aini, “Bhoasaono Lahataꞌala nomaꞌo sepaliꞌa bhe hintimiu, neate ne wiwimiu bhe ne totono lalomiu.” Bhoasaomo aitu bhihitano kaparasaea nefosampe mani.

Roma 15:16

Takaku ini ingka aembali mie umondofaono Kristus Yesus ne olotando sabhaha bansano liwu suano Yahudi. Aembalimo kanggetu seemie imamu meowano Bhihita Metaa maiꞌaono ne Lahataꞌala, neanomo sabhaha bansano liwu daembali kanggetu kapopanga titahimano ne Lahataꞌala bhe nefekangkilono Rohino Lahataꞌala.

Roma 15:29

Apandeꞌaane humato amai apoꞌawaangkoomu, teteweimo aeowaangkoomu kabarakatino Kristus pontalabhi-labhino.

1 Korintus 1:10

Bhahitieꞌiku! Aesalo mpuu ne hintimiu weo neano Ompuntoomu Yesus Kristus, sekakolaloomu! Koise bhe powengke-wengkeꞌa ne olotamiu, tamaka fekamatangka kaseꞌisemiu, sefekihiomu.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

2 Korintus 9:13

Kawaꞌaomiu naꞌa bukutiinomo kaꞌondofaomiu, maka ⸤ umati marasaeano we Yudea⸥ damekakalabhia Lahataꞌala, hampano dowoha kakampuu-mpuumiu angkafiomu Bhihita Metaano Kristus neparasaeamiu. Damudhi dua Lahataꞌala hampano bhe kalalesano lalomiu podawu-dawuomu bhe andoa bhe sabhaha mie.

Galatia 1:7

Sakotuꞌuꞌano bhihita aitu suano Bhihita Metaaꞌa, ampamo kaowu nandoo mebhansu-bhansuleno Bhihita Metaa neowano Kristus, patudhuno dahumungga totono lalomiu.

Efesus 1:13

Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.

Efesus 1:15

Dadiꞌanomo safetingkeku putae parasaeamoomu ne Ompu Yesus bhe moasiandaomu kosasawindo umati mongkilo,

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Filipi 1:5

Notumpu laloku ne Lahataꞌala mbaꞌinomo hintimiu mealaomu dawu tulumi kanauꞌomu weo foleleꞌano Bhihita Metaa, notanda oleo kabhao-bhaono ⸤ parasaeaꞌomu⸥ taꞌampamo aitu.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Filipi 2:24

Tamaka aparasaea mpuu, ane Ompu namaꞌa kanau kalalesa, paemo dua naomponaa ahumatokomoomu wutoku.

Filipi 3:18

Kapaꞌamo nentelamo afohatokoomu, aitu afenduaꞌemo dua nopotuhu bhe luuku, putae dobhahi mie kodadindo nopoewangi bhe patudhundo mateno Kristus te sau salipu.

Filipi 3:20

Tamaka intaodiomu ini, o liwuntoomu ingka te surugaa. Surugaamo dua anaꞌa so kamaiꞌaoꞌano Omputo Fosalamatino Yesus Kristus nentaa-ntaantoomu.

Filipi 4:1

Dadiꞌanomo bhahitieꞌi nemoasiꞌaoku, fekatangka kofindamiu weo kaparasaea ne Ompu nada nepulaoꞌaoku naꞌa. Nokambaangkoomu laloku, hintimiumo mekawulano laloku, mekawosenomo bhakeku.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

1 Tesalonika 3:6

Ampa aitu Timotius nosulimo we insaodi, neowa lele timoꞌiaꞌaono, leleno kaparasaea bhe kanini kaasimiu. Ambano dua hintimiu sadaa-daa feꞌulai metaa kainsamiomu, nokamba dua lalomiu poꞌawa kainsamiomu, pedamo dua kakambano lalo mani.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

1 Timotius 1:11

Kafoinaꞌu anaꞌa nopoangkafi bhe Bhihita Metaa maiꞌaono ne Lahataꞌala, kumalabhiano bhe mantasiꞌano damosibhalae. Bhihita Metaa ainimo nefoposahunaꞌaono Lahataꞌala ne idi so amolele.

1 Timotius 1:19

Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.

2 Timotius 4:7

Idi ini ibahatino mie meangkafino pogoloꞌa dotende, apooli metaaꞌemo ampa hatoꞌano, kaparasaeaku ne Kristus sadaa-daa adhagani metaaꞌe.

Titus 2:10

Koise dokalima-lima, tamaka damotiwohae kalaano totono lalondo bhe datiparasaea. Ane podiundo nada anaꞌa, ingka dofotiwohaemo ne mie bhaindo kakesano kafoinaꞌuno Lahataꞌala Mosalamati kaita.

Filemon 1:5

kapaꞌamo afetingkeemo kanini kaasimu ne umati mongkilono bhe kaparasaeamu ne Ompu Yesus.

Yakobus 3:18

Daanumo o kataa bhe kabanara ingka hasilino pometaaꞌa, tapedamo bhakeno kantisa tumumbuno maiꞌao ne wine neꞌewindo mie meowano pometaa.

2 Petrus 3:11

Ane kosasawiꞌae damobinasae nada naꞌa, nada amai bhahaa beano so dadimiu? Ingka tabeano naongkilo bhe nalumebe mpuu podiumiu.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.