Filipi 1:20 - Muna Southern Dialect

²⁰ Nemokambaꞌaono laloku bhe neposahunaꞌaoku, putae nehabuku ini pae aoambanoanea, tamaka sadaa-daa aokado apugau, mangke-mangke ne wakutuu aini. Neanomo mbadhaku ini somo mekakalabhiano Kristus, naetaa weo dadiku, naetaa weo mateku.

Filipi 1:20 Iomraidhean Croise

Yohanes 21:19

Kapugauꞌano peda anaꞌa nofohatoane nada amai so kamateꞌano Petrus, somo namekakalabhiaꞌao Lahataꞌala. Pada anaꞌa nopugaumo dua ne Petrus ambano, “Angkafimo Idi.”

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Tula-tulando rasulu 4:31

Pada dosambahea, lambu kapohompu-hompuꞌando tanomagegomo. Kosasawindo nokabhintidamo Rohino Lahataꞌala maka notangkamo lalondo defolele bhoasaono Lahataꞌala.

Roma 12:1

Dadiꞌanomo bhahitieꞌiku, hampano kataano lalono Lahataꞌala, aesalo mpuu ne hintimiu, owaomu mbadhamiu peda kapopanga dumadino, mongkilono bhe mekaꞌiano lalono Lahataꞌala. Nadamo aini tabeano kofeompumiu sakotuꞌuno ne Lahataꞌala.

Roma 5:5

Posahunaꞌao aini paise nafofekandidiki lalo, kapaꞌamo totono lalonto noponoꞌaomo kanini kaasino Lahataꞌala. Kanini kaasi ini noowae Rohino Lahataꞌala toka newaꞌaono ne intaodiomu.

Roma 6:13

Koemo owaomu katokano mbadhamiu ne dhosa, namakee so patudhu modai. Tamaka owa wutomiu ne Lahataꞌala peda mie madano mateno suli dodadi. Owaomu dua katokano mbadhamiu ne Lahataꞌala, neanomo namakee so dhumalangiꞌaoꞌomu kapoindalono.

Roma 6:19

Kaesambiliꞌaku bhatua, aesandaha kaowu ne dadindo manusia seꞌo-seꞌoleo, kapaꞌamo nomahasai melosangiomu. Endefiꞌini ingka owaomu katokano mbadhamiu membaliomu bhatuano sabhaha diu timohaku bhe patudhu modai meowano kadai. Tamaka ampa aitu owaomu katokano mbadhamiu membaliomu bhatua so mehabuno kabanara meowano dadi mongkilo.

Roma 8:19

Alamu bhalano nefokonandoono Lahataꞌala ini nokamba mpuu lalondo dofenta-fentaa tempono Lahataꞌala namotiumba medando ae anaꞌino.

Roma 9:33

Weo Kitabi notibuhi nopulaoꞌao kontu anaꞌa peda aini, ⸤ Ambano Lahataꞌala⸥ “Te kabhawono Sion padamo aeteiane sepoi kontu so katitunoꞌando mie, somo dua mefotiloleno mie. Tamaka laꞌae marasaeano ne Anoa pae nandidiki lalondoa.”

1 Korintus 15:31

Seꞌo-seꞌoleo aewiseki mate. Bhe kawoseno bhakeku ne hintimiu bhahitieꞌiku, pugauku ini nokotuꞌu, hampano weo Kristus Yesus Ompuntoomu nowoseangkoomu bhakeku.

1 Korintus 6:20

Kapaꞌamo hintimiu itu padamo doꞌolikoomu, olimiu padamo dotanduaꞌane. Dadiꞌanomo pakeomu mbadhamiu so kakalabhiano Lahataꞌala.

1 Korintus 7:34

sampe fekihino nopodawu-dawumo. Seemie hobhine tapa komoꞌaneno tawa seemie kalambe nofisiꞌonu fekihino so Ompu, neanomo mbadhano bhe alusuno naongkilo namekopuuniane Ompu. Tamaka hobhine gumaano nofisiꞌonu fekihino ne sabhaha kanandoono dhunia, gaono namekaꞌia moꞌaneno.

2 Korintus 10:8

Ingka paemo aambanoa, mahingga adho asumangke-sangke wutoku putae insaodi ini taeꞌawa kuasa ne Ompu, o kuasa so tamekamatangkaꞌao kaparasaemiu, suano kuasa so mohansurukoomu.

2 Korintus 3:12

Hampano pedamo anaꞌa neposahunaꞌao mani, maka insaodi ini taokado tapugau ⸤ taefolele Bhihita Metaa⸥ .

2 Korintus 4:10

Mateno Yesus sadhia tawoowae ne mbadha mani, neanomo dadino Yesus natiwoha dua ne mbadha mani.

2 Korintus 5:15

Kristus padamo nomate so kosasawindo manusia, neanomo manusia dumadino paemo dadumadi so wutondo tamaka so Kristus toka mateanda bhe nefowanu maiꞌao ne mate.

2 Korintus 7:14

Afowoseangkoomu bhakeku ne anoa, ingka miina mekandidikiomu lalokua. Endefiꞌini insaodi sadhia tapugauꞌao kumotuꞌuꞌano ne hintimiu, pedamo dua pugau mani tafowoseangkoomu bhake mani ne Titus, ingka saneamo kumotuꞌuꞌano.

2 Korintus 7:4

Aokado apugau mentalea-mentalea ne hintimiu, bhe nowoseangkoomu bhakeku. Weo sabhaha kakadee-dee mani notilawesi mpuu laloku bhe nopontalabhi-labhi kawulano laloku.

Filipi 1:14

Mbaꞌinomo dotohongku kanau, dobhahi dua bhahitie marasaeano ne kota ini sedhuluꞌa kamatangkano kaparasaeando ne Ompu, sampe sedhuluꞌa dua kakadondo, miinamo dakateꞌi-teꞌia defolele bhoasaono Lahataꞌala.

Filipi 2:17

Bheanea damongko kanau, heaku kanggetumo kabubusino kapopanga nefoampemiu ne Lahataꞌala. Kapopangamiu anaꞌa maꞌanano o kaparasaea weo feompumiu ne Lahataꞌala. Ane nokotuꞌu nada anaꞌa, naowula laloku, aoꞌia bhe kosasawimiu itu.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

1 Petrus 4:16

Tamaka ane kumadee-deeꞌomu mbaꞌinomo angkafiomu Kristus, koise moambanoaneomu, tamefoampemoomu katumpuno lalomiu ne Lahataꞌala hampano dokonakoomu mangkafino Kristus.

1 Yohanes 2:28

Dadiꞌanomo anaꞌiku, dadi seꞌiseomu bhe Kristus neanomo humato namotiwoha toha Wutono, daokado dapoꞌawaane, paise daꞌumukoꞌao kaambano ne oleo kahatoꞌano.