Filipi 1:10 - Muna Southern Dialect

¹⁰ Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.

Filipi 1:10 Iomraidhean Croise

Matius 16:23

Yesus nodolimo maka nopugau ne Petrus, “Gampi hintu seetani! Hintu onto-ontomi kanau, kapaꞌamo fekihimu suano fekihino Lahataꞌala, tamaka fekihino manusia.”

Matius 26:33

Petrus notobhoosimo ambano, “Mahinggamo kosasawindo naohungga kaparasaendo mbaꞌinomo Hintu sampe dahumunsako, o idi paise.”

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Yohanes 3:20

Sasuka humabu modaino nebansi tilanga maka miina nakumala ne kotilangaꞌano, keana notiwoha podiu modaino.

Tula-tulando rasulu 24:16

Dadiꞌanomo weo dadiku sadhia aꞌulei laloku ampuu-mpuuni kangkilono totono laloku ne pomatano Lahataꞌala bhe mie bhaiku.

Roma 12:2

Koemo mesandahaomu ne sabhaha podiu bhe kaneano dhunia ini, tamaka hunsaꞌanomo Lahataꞌala namahabuꞌouni fekihimiu sampe natibhalii dadimiu. Ane nadamo anaꞌa mandeꞌaaneomu medano ae kapoindalono Lahataꞌala: sabhaha podiu metaaꞌano, mekaꞌiano lalono bhe sumangkaꞌano.

Roma 12:9

Kamoasiꞌaomiu ne mie bhaimiu tabeano nahelasi. Fekakodoꞌo wutomiu ne modaiꞌano, fintaha ne metaaꞌano.

Roma 16:17

Bhahitieꞌiku, aesalo mpuu posiꞌondoomu ne mie meowano powengkeꞌa weo umati bhe kakodhosaꞌando mie marasaeano. Aitu nopoꞌala bhe kafoinaꞌu toka netahimamiu. Dadiꞌanomo gampiandaomu.

Roma 2:18

Kapoindalono Lahataꞌala pandeꞌaanemoomu, pandeꞌaanemoomu dua poꞌalaꞌaoꞌomu metaaꞌano bhe modaiꞌano, kapaꞌamo dofoinaꞌukoomu maiꞌao ne tubhono agama Yahudi.

Roma 7:16

Ane ahabu tapa nepatudhuiku, nokomaꞌana aꞌuumbetie putae tubhono agama Yahudi maitu netaa.

Roma 7:22

Totono laloku noꞌiaꞌane tubhono Lahataꞌala,

Roma 8:7

Fekihino mie nekuasaino kapoindalono mbadha sapoewangi bhe Lahataꞌala, mbaꞌinomo miina natumuhu ne pahintano Lahataꞌala. Mie medando aitu daanumo pae namoolia natumuhua ne Lahataꞌala.

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

1 Korintus 10:32

Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

1 Korintus 8:13

Dadiꞌanomo ane o oti nehumaa naembali kakodhosaꞌano bhahitieku, akiido sepaliꞌa aomaa oti aitu ampa suhue dadiku, keana aehabu dhosa so bhahitieku naꞌa.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

2 Korintus 6:3

⸤ Weo dhalangiꞌano taka mani⸥ takiido taehabu tingku so katifoꞌalaꞌa mani ne laꞌae maka dua, neanomo taka kaꞌondofao mani ini paise natisambili modaia.

2 Korintus 8:8

Apugau peda aini suano kanggetu pahinta, tamaka afotiwohaangkoomu kaowu kakampuu-mpuundo bhahitie sigaoꞌano dofotulumi, neanomo amandeꞌaanemo dua kahelasino kanini kaasimiu.

Galatia 5:11

Bhahitieꞌiku, pedamo dua wutoku ini. Ane ibahano nandoo afofoinaꞌuꞌao putae atorano suna nandoo nofaraluu, noafa gahaꞌa sadaa-daa dofodee-dee kanauꞌao? Ane ibahano nokotuꞌu afofoinaꞌu peda naꞌa, ingka nokomaꞌana bhihitano mateno Kristus te sau salipu paemo naembali tingkuno poꞌala-alatiꞌa.

Efesus 4:15

Tamaka ane damintaha ne kabanara, damugauꞌao kumotuꞌuꞌano weo kanini kaasi, tetewei dadintoomu dhulu kasumangka peda dadino Kristus, mefotu kaita.

Efesus 5:10

Ulei lalomiu so mandeꞌaoꞌomu o ae mekaꞌiano lalono Lahataꞌala.

Efesus 5:27

Kahabuꞌano peda amaitu, neanomo namowa umatino te wiseno Wutono ⸤ peda loꞌia buꞌou hobhine⸥ , naombena ulano, pae nakotindu-tindua, pae nakongkuhu-ngkuhua tawa kadengo sigaoꞌano, tamaka umati daongkilo bhe pae dakodengo-dengoa.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

Filipi 1:16

Andoa melaano lalo ini dohabu peda aini mbaꞌinomo kanini kaasindo ne Lahataꞌala bhe ne idi, kapaꞌamo dopandeꞌaane kahatoꞌaku ne ini so apotunduꞌao Bhihita Metaa.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

Filipi 2:16

poowa fintahakiomu bhe fosampeomu bhihita meowano dadi. Ane dadimiu nada naꞌa, ne oleo kahatoꞌano Kristus, naowoseangkoomu bhakeku. Kapaꞌamo anaꞌa katandainomo miina nasumia-siaꞌa apogolo, miina dua nasumia-siaꞌa aowuleangkoomu, ⸤ kahadhaaku nokohasili⸥ .

1 Tesalonika 3:13

Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

1 Tesalonika 5:21

Tamaka bhahi-bhahiꞌae tabeano damesoloe, metaaꞌano damintahakie.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

1 Yohanes 4:1

Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.

Powoha 2:2

Apandeꞌaanemo sabhaha kahadhaamiu, kawulemiu bhe kakosabaha potaamiomu. Apandeꞌaane hintimiu miina mesabahakiomu mie modai. Padamo fesolodaomu mie kumonano wutondo rasulu, gahaꞌaitumo sakotuꞌuno suano, pandeꞌaanemoomu andoa maitu mie kopaha.