Filemon 1:7 - Muna Southern Dialect

⁷ Filemon, bhahitieku, kaasimu ne umati marasaeano itu nofekaꞌia bhe nofekatangka mpuu totono laloku, bhahamoa fodadiemo dua lalondo kosasawindo umatino Lahataꞌala.

Filemon 1:7 Iomraidhean Croise

1 Korintus 16:18

Andoa dolawesi totono laloku bhe totono lalomiu dua. Fosibhaladaomu mie pedando andoa itu!

2 Korintus 7:13

Katilawesiꞌanomo lalo mani. We simbalino kalawesi neꞌawa mani, mangke-mangkemo kawulano lalo mani tawoha kaꞌiano Titus, hampano fekatohopoeꞌomu lalono.

2 Korintus 7:4

Aokado apugau mentalea-mentalea ne hintimiu, bhe nowoseangkoomu bhakeku. Weo sabhaha kakadee-dee mani notilawesi mpuu laloku bhe nopontalabhi-labhi kawulano laloku.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

1 Tesalonika 2:19

Kapaꞌamo hintimiumo neposahunaꞌao mani, kaowulaꞌano lalo mani, kaowuleꞌa mani somo kaowoseꞌano bhake mani ne wiseno Ompuntoomu Yesus humato namai. Ane pae hintimiu, laꞌae dua?

1 Tesalonika 3:9

Katumpuno lalo mani ne Lahataꞌala pae bhe kokapoꞌaa, hampano kawulano lalo mani ne wiseno Lahataꞌalantoomu miina natikiha-kiha mbaꞌinomo hintimiu.

2 Timotius 1:16

Sio-siomo Ompu namosampu rahamatino ne polambuno Onesiforus, hampano nentelamo nofekaꞌia laloku. Anoa miina naoambano kanaua, mahinggamo atitohongku.

Filemon 1:20

Dadiꞌanomo bhahitieku, aefetulumi mpuu ne hintu hampano dopobhahitie weo Ompu; lawesi kanau, ingka intaodi doseꞌisemo bhe Kristus.

2 Yohanes 1:4

Nowula mpuu laloku afetingke anaꞌimu sigaꞌa dodadi doangkafi kabanara, pedamo pahinta netahimantoomu maiꞌao ne Lahataꞌala Amantoomu.