Filemon 1:22 - Muna Southern Dialect

²² Tadua sehonda kamesaloku: mefontaa-ntaa kanau so kabutuꞌaku, kapaꞌamo aposahunaꞌao hampano sambaheamu, dapikifosuli kanau we hintimiu.

Filemon 1:22 Iomraidhean Croise

Tula-tulando rasulu 27:24

‘Paulus, koe moteꞌia, tetewei powise bhe Omputo Kaisar. Hampano rahamatino Lahataꞌala kosasawindo mie owaꞌamu weo bhangka ini dasumalamati, mbaꞌinomo bhe hintu.’

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Roma 15:24

maka patudhuku weo kala-kalaku ahumope we Spanyol, naembali amangka apoꞌawaangkoomu. Mahingga nasebantaha kaowu, natisangke dua laloku dapoꞌawa-awaomu, mada anaꞌa naembali tumulumi kanauꞌomu amopansuhu kala-kalaku ne watu.

2 Korintus 1:11

Bhe hintimiu dua tumulumi kainsami weo sambaheamiu. Ane peda anaꞌa, dabhahi mie so mefoampeno katumpuno lalo ne Lahataꞌala hampano kadawu neꞌawa mani ini, mbaꞌinomo kabhahino sambaheando so insaodi.

Filipi 1:19

kapaꞌamo apandeꞌaane mbaꞌinomo sambaheamiu bhe katulumino Rohino Yesus Kristus damolapa kanau.

Filipi 2:24

Tamaka aparasaea mpuu, ane Ompu namaꞌa kanau kalalesa, paemo dua naomponaa ahumatokomoomu wutoku.

Ibrani 13:19

Puuno kamesaloku sambaheaꞌomu, neanomo naehimba damosuli kanau we hintimiu.

Ibrani 13:23

Naetaa mandeꞌaaneomu bhahitientoomu Timotius dofolimbaemo maiꞌao we katohongku. Ane napikihato se ini, awowoꞌoe amai we hintimiu itu.

Yakobus 5:16

Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.

2 Yohanes 1:12

Nandoo nobhahi sepaliꞌa so nefohatoꞌaoku ne hintimiu, ampamo kaowu naetaa pae abuhie ne suha. Aposahunaꞌao amai adumongawikoomu maka daetula-tula dapowise-wiseomu, nosangkaꞌao kaꞌiantoomu.

3 Yohanes 1:14

Aposahunaꞌao naehimba dapoꞌawa toha maka daetula-tula dapowise.