Filemon 1:17 - Muna Southern Dialect

¹⁷ Dadiꞌanomo ane kona kanau pobhaiꞌamu weo kahadhaano Ompu, suli tahimae kanggetumo tahima idi.

Filemon 1:17 Iomraidhean Croise

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

Matius 18:5

Laꞌae tumahimano anaꞌi kahobu medando ini weo neaku, anoa notahimamo Idi.”

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Tula-tulando rasulu 16:15

Pada takadiu saranie bhe kosasawindo mie weo lambuno, nosaliꞌi kainsamimo ambano, “Ane fekihi kanauꞌomu idi ini aparasaeamo mpuu ne Yesus, mai butuomu se lambuku.” Nofosuhu kainsami sampe taangkafie kamesalono.

2 Korintus 8:23

Titus ini ingka sabhangkaku pobhai kanau takahadhaa so hintimiu; pedamo dua bhahitie ⸤ hoduano⸥ mangkafie itu, ingka andoa katudundo umati, mie meowano kafosibhala so Kristus.

Efesus 3:6

Rahasia anaꞌa peda aini: noangka ne foleleꞌano Bhihita Metaa mie suano Yahudi deꞌawamo dua dawu ne kabarakati nefontaa-ntaano Lahataꞌala so miendo Yahudi. Mie suano Yahudi dembalimo dua katokano mbadha dosembadhamo bhe miendo Yahudi. Andoa dotahimamo dua dhandino Lahataꞌala weo kaseꞌisendo bhe Kristus Yesus.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Filemon 1:10

Aitu aesalo mpuu ne hintu so anaku Onesimus. Anoa ini akonaemo dua anaku hampano apoolie afoparasaeaꞌe ne Kristus tangasano aeate weo katohongku ini.

Filemon 1:12

Aitu anaꞌi kamoasiꞌaoku sepaliꞌa ini, atuduemo nasumuli we hintu.

Filemon 1:18

Ane padamo nofekahugiko tawa nokodosa ne hintu, fewowoꞌoni kanaꞌe idi bhahi-bhahiꞌae.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.