Efesus 6:8 - Muna Southern Dialect

⁸ Ingka pandeꞌaanemoomu, ane dohabu metaaꞌano, tetewei daeꞌawa kabhoosino maiꞌao ne Ompu, naetaa bhatua naetaa mie bebasi.

Efesus 6:8 Iomraidhean Croise

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 20:7

Dotobhoosimo ambado, ‘Ingka miina bhe monambo kainsamia.’ Ambano dua, ‘Kalaomu dua bhe hintimiu te kaampono angguruku bahangka.’

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

Matius 6:1

“Tandaiꞌeomu, koise angkafiomu tubhono agamamiu mefewohaomu kaowu ne mie bhahi. Ane peda naꞌa Amamu te surugaa pae namaꞌangkoomu ponambo.

Matius 6:4

Sadhakaamu koemo dopandeꞌaanea bhaindo, maka Amamu mohano tifebuniꞌano nabholosiangkoe.”

Lukas 14:14

Ane nada naꞌa hintu kodawua mpuu, kapaꞌamo andoa maitu miina bhe ae-aenondoa so kabhoosino habu metaamu. Habu metaamu naꞌa nabholosiangkoe Lahataꞌala nahumato kawanuꞌando mie banara maiꞌao ne mate.”

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Kolose 3:24

Ingka pandeꞌaanemo mada kaowu metahimaomu ponambo maiꞌao ne Ompu. Ponambomiu naꞌa o kadawu toka nefontaa-ntaano Ompu so umatino. Kapaꞌamo kafeompuꞌa sakotuꞌuno neꞌondofaomiu ingka wutono Kristus, hintimiu o bhatuano.

Kolose 3:25

Laꞌae kokaꞌalano, natumongkuꞌao wutono kaꞌalano, kapaꞌamo Ompu miina naepoꞌala-alaꞌao manusia.

Ibrani 10:35

Dadiꞌanomo, koise hunsaomu kaposahunaꞌaomiu! Ane sadaa-daa kaposahunaꞌaomiu, ingka nandoo bhe ponambo bhalano so netahimamiu.

Ibrani 11:26

Weo fekihino Musa, kafekaꞌaebu neꞌawano hampano kaparasaeano ne Mesias Omputo Fosalamatino, noliuꞌe kakoharagaano bhe kosasawiꞌae arataano witeno Mesir, hampano nofeki-fekihi ponambo te oleo mbuhumai.