Efesus 6:5 - Muna Southern Dialect

⁵ Hintimiu bhatua, meangkaomu ne kafeompuꞌamiu te dhunia ini. Fosibhaladaomu bhe meangkaomu mpuu maiꞌao weo totono lalomiu mohelasiꞌano, peda meangkaomu ne wutono Kristus.

Efesus 6:5 Iomraidhean Croise

Matius 6:22

O mata kantaleanomo mbadha. Ane netaa matamu, nentaleamo dua mbadhamu.

Matius 6:24

Miina bhe bhatua dohodua kafeompuꞌano. Ane nada naꞌa tetewei seemiea nabansie, seemie namasiane, tawa nokampuu-mpuu lalono ne seemieno maka seemieno miina nakumonaꞌi miea. Hintimiu pae naembalia meompuomu ne Lahataꞌala bhe ne kahangkaeano dhunia.”

Matius 8:9

Kapaꞌamo idi ini bhe neangkaku dua maka nandoo dua tantara neowaku. Ane apugau ne seemie tantara, ‘Kala!’, lasao nokala. Pedamo dua apugau, ‘Mai!’ lasao nomai, bhahaꞌi apugau ne bhatuaku, ‘Kahadhaa aini!’, lasao nokahadhaaꞌe.”

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Roma 9:3

Ahelasimo nakumangkanai kanau balaano narakaa sampe apogaati bhe Kristus so kaetaaꞌano bhahitieꞌi saliwuku ⸤ miendo Yahudi⸥ sesampuꞌano bhe idi.

1 Korintus 2:3

Wakutuuno amai we hintimiu itu, idi ini aonale sepaliꞌa, bhe nogugu kanau kateꞌi.

1 Korintus 7:22

Hampano seemie bhatua nebhasino Ompu ingka nofobebasie Ompu. Pedamo dua mie bebasi nebhasino Ompu, ingka nembalimo bhatuano Kristus.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 7:15

Aitu sedhuluꞌamo dua kabhalano kanini kaasino ne hintimiu, hampano nofeꞌulai kosasawimiu angkafiomu pugauno, wakutuuno tahimaeꞌomu fosibhalae bhe mihikieꞌomu.

Efesus 5:22

Hintimiu hobhine, tuhupieꞌomu moꞌanemiu peda katuhumiu ne Ompu.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Filemon 1:16

Aitu anoa suanomo seemie bhatua, tamaka nolaloiꞌemo, ingka nembalimo seemie bhahitiemu timoasiꞌaono. Sanginomo o idi aoasianemo, bhemo toha hintu. Tantumo moasiane, naetaa mbaꞌinomo mie bhaimu, naetaa mbaꞌinomo bhahitiemu weo Ompu.

1 Petrus 3:2

Kapaꞌamo tetewei damohae kamoindano bhe kalebeno dadimiu.