Efesus 6:23 - Muna Southern Dialect

²³ Sio-siomo katohopono dadi, kanini kaasi bhe kaparasaea maiꞌao ne Lahataꞌala Amantoomu bhe maiꞌao ne Ompu Yesus Kristus sadhia napobhaiꞌao kosasawindo bhahitie marasaeano.

Efesus 6:23 Iomraidhean Croise

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Roma 1:7

Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

Roma 15:33

Sio-siomo Lahataꞌala kamaiꞌaoꞌano katohopono dadi napobhaiangkoomu. Amin.

1 Korintus 1:3

Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Galatia 6:16

Sio-siomo Lahataꞌala namosampu katohopono dadi bhe rahamatino ne kosasawindo mangkafino tubho aini bhe umatino Israel fehebuaꞌano Lahataꞌala.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

1 Tesalonika 5:8

Tamaka intaodiomu ini, mie ole-oleo, tabeano natumoho fekihintoomu. Damintaha ne kaparasaea ne Ompu bhe kanini kaasi ne mie bhainto; kaparasaea bhe kanini kaasi ini nabentengikoomu tapedamo bhadhu uti nepakendo popahisano. Pakade daposahunaꞌao dua ne kasalamati; kaposahunaꞌao ini somo bentengikoomu tapedamo songkono tantara.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

2 Tesalonika 3:16

Ompu kamaiꞌaoꞌano katohopono dadi. Sio-siomo sadhia namaꞌangkoomu katohopono dadi ne sabhaha waweno dadimiu. Sio-siomo Ompu sadhia napobhaiangkoomu.

1 Timotius 1:14

Bhahamoa nopontalabhi-labhi rahamatino Ompuntoomu ne idi. Nowaꞌa kanau dua kaparasaea ne Kristus Yesus bhe kanini kaasi ne mie bhaiku.

1 Timotius 1:3

Gaoku mpuu meate kansuhu we kotano Efesus, pedamo kamesaloku wakutuuno akala we kadieno Makedonia. Kapaꞌamo we Efesus nandoo seemie hodua mefomantaleno kafoinaꞌu tapa kumotuꞌu, dadiꞌanomo hintumo so mofetumpudaa.

1 Timotius 5:8

Ampamo kaowu ane nandoo tapa umondofaono bhahitieꞌino, mangkenomo mie weo lambuno, ingka mie aitu nokukundoemo kaparasaeano, nodaimo dua anoa bhe mie tapa marasaeanoa.

1 Petrus 5:14

Pofea-feabhaomu bhe pomoni-moniniꞌaoꞌomu peda bhahitie pomoa-moasiꞌaono. Sio-siomo hintimiu seꞌiseno bhe Kristus sadhia napobhaiangkoomu katohopono dadi. Amin.

3 Yohanes 1:14

Aposahunaꞌao naehimba dapoꞌawa toha maka daetula-tula dapowise.

Powoha 1:4

Salam aini nomaiꞌao ne Yohanes so kofitu tombuꞌae umati we kadieno Asia. Sio-siomo sadhia napobhaiangkoomu kabarakati bhe katohopono dadi nomaiꞌao ne Anoa ndumandoono, toka ndumandoono bhe so humatono, bhe nomaiꞌao dua ne kofitu bansaꞌae Rohi ne wiseno kaengkohaꞌano kumalabhiano,