Efesus 6:17 - Muna Southern Dialect

¹⁷ Tahimaeꞌomu kasalamati neꞌawamiu ne Lahataꞌala, maka fokanaeꞌomu kanggetumo songkono tantara bentengino fotumiu. Tahimaeꞌomu dua Bhoasaono Lahataꞌala, kanggetumo kampuemiu maiꞌaono ne Rohino Lahataꞌala.

Efesus 6:17 Iomraidhean Croise

Matius 4:4

Yesus tanotobhoosi, “Nandoo notibuhi weo Kitabi, ‘Suano kaowu taꞌo roti kaoꞌuhiꞌando manusia, tamaka o ae nekobhoasaono Lahataꞌala doꞌuhiane dua.’ ”

Matius 4:7

Yesus notobhoosie ambano, “Notibuhi dua weo Kitabi, ‘Koe sobaea Ompu Lahataꞌalamu!’ ”

Efesus 5:26

Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.

1 Tesalonika 5:8

Tamaka intaodiomu ini, mie ole-oleo, tabeano natumoho fekihintoomu. Damintaha ne kaparasaea ne Ompu bhe kanini kaasi ne mie bhainto; kaparasaea bhe kanini kaasi ini nabentengikoomu tapedamo bhadhu uti nepakendo popahisano. Pakade daposahunaꞌao dua ne kasalamati; kaposahunaꞌao ini somo bentengikoomu tapedamo songkono tantara.

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.

Ibrani 6:5

Padamo dua dofenami kataano bhoasaono Lahataꞌala, bhe denamisimo kuasa maiꞌao ne dhunia mbuhumai.

Powoha 1:16

Ne suanano neinta-intaha kulipopo fitu ulu, nomaiꞌao ne olotano wiwino nolimba kampue mohoko nokomata haa weta bhe ulano nokotilanga pasae oleo toho indotuno.

Powoha 12:11

Anoa dotaloane heano Anano Dhumba bhe pugau nesakusiiꞌaondo. Andoa miina daooloanea inawando, dohelasi domate.

Powoha 19:15

Nomaiꞌao ne olotano wiwino nolimba semata kampue mohoko so natumaloꞌao sabhaha bansano liwu, maka namahintangida naepake katuko uti. Andoa nameoda nada angguru ne kantobha bhalano kaefeoꞌa angguru, kaꞌibahatinomo kapontalabhi-labhino amahano Lahataꞌala Fofoliuno Kuasa.

Powoha 2:16

Dadiꞌanomo fetompaꞌao podiu modaimiu. Ane paise, apikimaiꞌikoomu apoewangianda amake kampue ne olotano wiwiku ini.