Efesus 6:12 - Muna Southern Dialect

¹² Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Efesus 6:12 Iomraidhean Croise

Matius 16:17

Ambano Yesus, “Kodawua sepaliꞌa Simon anano Yunus, kapaꞌamo suano manusia mohatoangkoe, tamaka Amaku te surugaa.

Markus 4:19

Tamaka nobhahi dofekihi so kadadiꞌando, nobhohe-bhoheꞌida dua kahangkaeano dhunia, pakade nobhahi kapoindalondo sigaoꞌano. Kosasawiꞌae maitu nopesua weo totono lalondo, noꞌontiꞌi bhoasaono Lahataꞌala, sampe miina nakohasilia.

Lukas 13:24

Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia.

Lukas 22:53

Ingka seꞌo-seꞌoleo apoowa-owa bhe hintimiu weo Lambuno Lahataꞌala tamaka miina humako kanauꞌomu. Ampamo kaowu aitu nohatomo wakutuumiu, ainiꞌaemo tempono kuasano kahohondo.”

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

Yohanes 14:30

Paemo naobhahia apuga-pugau bhe hintimiu, kapaꞌamo Mowano Dhunia ⸤ maꞌanano Kafeompuꞌando seetani⸥ nahumatomo. Tamaka anoa miina sepaliꞌa nakokuasa ne Idi.

Yohanes 16:11

Namoꞌinsafuanda dua kabhotusino Lahataꞌala, hampano Mowano Dhunia ⸤ maꞌanano Kafeompuꞌando seetani⸥ padamo nobhotusie.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Roma 8:38

Aparasaea mpuu pae bhe so fopogaatiꞌaono bhe kanini kaasino Lahataꞌala: naetaa mate naetaa dadi, mahinggamo malaꞌekati mahinggamo kokuasano, naetaa kadhadhia ampa aitu naetaa kadhadhia mada kaowu, tawa kuasa sigaoꞌano,

1 Korintus 15:50

Bhahitieꞌiku, nepulaoꞌaoku peda aini: o dagi bhe hea pae bhe kapooli namesua weo Kafopahintaꞌano Lahataꞌala; o mbadha so binasano pae bhe kapoolia naeꞌawa dawu ne dadi so pata binasano.

2 Korintus 11:14

Pae damentea, kapaꞌamo mahingga Kafeompuꞌando seetani nesahangkamo ne malaꞌekatino tilanga.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Galatia 1:16

Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.

Efesus 1:21

Kaengkohaꞌano Kristus ini nofoliuda sabhaha kuasa te surugaa, sabhaha mintahano kuasa, sabhaha mie neangka bhe kafeompuꞌa, bhe laꞌae maka dua meꞌawano soda, naetaa dumadino dhamani aini naetaa we dhamani mbuhumai.

Efesus 1:3

Pudhi kaitaomu Lahataꞌala, Amano Ompuntoomu Yesus Kristus, kapaꞌamo weo kaseꞌisentoomu bhe Kristus nowaꞌa kaita sabhaha kabarakati maiꞌao te surugaa.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Efesus 3:10

Patudhuno Lahataꞌala, ampa aitu sabhaha mintahano kuasa bhe rohi neangka te antara, damandeꞌaane dua kandalono fehikino Lahataꞌala mangkaꞌano ne umatino.

Kolose 1:13

Lahataꞌala nofosalamati kaita maiꞌao weo kuasano kahohondo maka nofogampi kaita weo kafopahintaꞌano Anano kamoasiꞌaono.

Kolose 2:15

Maiꞌao te sau salipu Kristus notalodamo sabhaha rohi mahintano bhe kokuasano. Kafotalono Kristus dowohae sabhaha mie; rohi mahintano bhe kokuasano naꞌa kanggetumo katohongku dotapuda weo hame-hameno kafotalono Kristus.

2 Timotius 2:5

Seemie meangkafino pogoloꞌa dotende, pae naeꞌawa kawaꞌao nefontaa-ntaa so fotalono, ane pae namangkafi sabhaha atorano potandingiꞌa.

Ibrani 12:1

Intaodiomu ini dofowaliligi sakusii bhahino naꞌa, tapedamo o olu dofokaputi. Dadiꞌanomo ⸤ kanggetu meangkafino pogolo-goloꞌa⸥ hunsa kaitaeꞌomu toha sabhaha fofekabhieno bhe foꞌonto-ontomino bhe dhosa mansopikano. Tende kaitaomu kansuhu, potaami kaitaomu weo pogolo-goloꞌa newisekintoomu ini.

Ibrani 12:4

Kapaꞌamo weo poewangiꞌamiu bhe dhosa, ingka miinaꞌo namotuhua heamiua.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.