Efesus 6:1 - Muna Southern Dialect

¹ Hintimiu anaꞌi, meangkaomu ne kamungkulamiu, kapaꞌamo aituꞌaemo mantasiꞌano so mie marasaeano ne Kristus.

Efesus 6:1 Iomraidhean Croise

Lukas 2:51

Pada aitu Yesus nosulimo we Nasaret nopoowa-owa bhe kamungkulano. Ne itu Yesus sadhia neangka ne kamungkulano. Inano tanofekataa sabhaha kadhadhia amaitu weo totono lalono.

Roma 12:2

Koemo mesandahaomu ne sabhaha podiu bhe kaneano dhunia ini, tamaka hunsaꞌanomo Lahataꞌala namahabuꞌouni fekihimiu sampe natibhalii dadimiu. Ane nadamo anaꞌa mandeꞌaaneomu medano ae kapoindalono Lahataꞌala: sabhaha podiu metaaꞌano, mekaꞌiano lalono bhe sumangkaꞌano.

Roma 16:2

Tahima metaaꞌeomu weo neano Ompu, hampano ingka pedamo aitu mantasiꞌano mie marasaeano dopotahi-tahima. Tulumieꞌomu ane nefaraluu katulumi o ae maka dua, kapaꞌamo anoa itu nobhahimo netulumi mie, bhemo dua idi.

Roma 7:12

Tubhono agama Yahudi nomaiꞌao ne Lahataꞌala, dadiꞌanomo sabhaha pahintano netaa, nobanara bhe nongkilo.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

1 Timotius 5:4

Tamaka ane seemie bhihinanda koanano koawuano, netaa mefeꞌulaianda putae andoamo kadeki so umondofaono lee walakando. Pedamo anaꞌa dameompu ne Lahataꞌala bhe dabhoosi kawulendo kamungkula bhe awuando. Habu medando ini pokantibhaꞌano bhe kapoindalono Lahataꞌala.

1 Petrus 2:13

Hampano kafosibhalamiu ne Lahataꞌala, tuhuomu ne sabhaha mintahano kuasa ne olotano manusia. Tuhuomu ne Omputo Kaisar, mintahanomo pahinta foliuno kalangke.