Efesus 5:8 - Muna Southern Dialect

⁸ Daanumo endefiꞌini hintimiu meateomu weo kahohondo, tamaka ampa aitu pesuamoomu we mentaleaꞌano, seꞌisemoomu bhe Ompu. Dadiꞌanomo dadiomu peda mie meateno ne mentaleaꞌano.

Efesus 5:8 Iomraidhean Croise

Matius 3:8

Dadiꞌanomo fotiwohaeꞌomu ne podiumiu, ingka gahaꞌa fetompaanemoomu dhosamiu.

Matius 4:16

Mie dumadino weo kahohondo, dowohamo tilanga bhalano; meateno we liwu mewisekino mate, noumbatidamo tilanga.”

Lukas 1:79

naꞌumulawi mie dumadino weo kahohondo bhe mewisekino mate. Anoamo so tumonda kaita ne kaangkaꞌa humopeꞌano ne katohopono dadi.”

Lukas 16:8

Kafeompuꞌano nopudhi sepaliꞌa mintahano kahangkaeano tapa melaano lalo naꞌa hampano kakoꞌakalano. Daanumo miendo dhunia ini dofoliu kakoꞌakalando ne mie bhaindo ane dopototoane bhe miendo kantalea.

Yohanes 1:9

Tilanga amaitu tilanga sakotuꞌuno, nahumatomo we dhunia somo tumilano kosasawindo manusia.

Yohanes 12:35

Ambano Yesus, “Tana seendai tempono tilanga nandumandoo ne olotamiu. Tinangke nandoo bhe tilanga maitu mekala-kalamoomu, keana nohatofikoomu kahohondo. Sasuka mekala-kalano weo kahohondo miina namandeꞌaanea so kahopeꞌano.

Yohanes 12:36

Parasaeamoomu ne Tilanga maitu, tinangke nandooꞌe bhe hintimiu, neanomo membaliomu miendo tilanga ⸤ maꞌanano mie mangkafino kapoindalono Lahataꞌala⸥ .” Pada nopugau peda naꞌa Yesus nokalamo, nokiidomo namotiwoha Wutono ne andoa.

Yohanes 12:46

Kahatoꞌaku ne dhunia ini aembali tilanga, neanomo sasuka marasaeano ne Idi paise naeate weo kahohondo.

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Roma 1:21

Mahingga manusia dopandeꞌao Lahataꞌala, miina damosibhalae peda Lahataꞌala bhe miina dua natumumpua lalondo ne Anoa. Bhahamoa tadofekihi sumia-siaꞌano sampe totono lalondo kumabhohe-bhoheno nohohondomo.

Roma 13:12

Nobhalamo nekundono alo, nomaꞌomo kamentae. Dadiꞌanomo hunsa kaitaeꞌomu podiuno kahohondo, fokana kaitaomu katokano habu metaa so nehabu ne mentaleaꞌano.

Roma 2:19

Hintimiu parasaeaꞌomu mpuu membalimoomu mie metondano kabunto, membalimoomu dua kantalea so mie meateno weo kahohondo.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

2 Korintus 3:18

Ampa aitu kosasawintoomu ini sanea tapa mekantutuno, ulantoomu miina natidapohia, tapedamo paeasa motiwohano kakalabhiano Ompu. Kanandooꞌanomo intaodiomu dotibhaliiꞌomu dhulu kapototo bhe ulano Wutono, dhulu kaompona dhulu kakalabhia. Kakalabhia amaitu ingka nomaiꞌao ne Ompu, Rohinomo Lahataꞌala.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

2 Korintus 6:14

Koise foseꞌise wutomiu bhe mie tapa marasaeano ne Kristus. O ae bhahaa pototoꞌano kabanara bhe podiu modai? O ae bhahaa pototoꞌano kantalea bhe kahohondo?

Galatia 5:25

Rohino Lahataꞌala padamo nowaꞌa kaita dadi buꞌou, dadiꞌanomo tabeano nahumelasi dua lalonto nafokuasai Rohino Lahataꞌala.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Efesus 4:18

Fekihindo nohohondo, miina daeala dawu ne dadi buꞌou newaꞌaono Lahataꞌala, kapaꞌamo miina dokonipandeꞌaoa bhe notuꞌa fotundo.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Efesus 6:12

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Kolose 1:12

Sadhia dua naowula lalomiu mefoampeomu katumpuno lalo ne Amantoomu. Anoamo mekapantasikoomu umawaomu dawu nefontaa-ntaa so umatino mongkilono weo kafopahintaꞌano mentaleaꞌano.

Kolose 1:13

Lahataꞌala nofosalamati kaita maiꞌao weo kuasano kahohondo maka nofogampi kaita weo kafopahintaꞌano Anano kamoasiꞌaono.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.