Efesus 5:30 - Muna Southern Dialect

³⁰ Katipandeꞌaoꞌano ingka intaodiomu ini saneamo katokano mbadhano Kristus.

Efesus 5:30 Iomraidhean Croise

Roma 12:5

Pedamo dua intaodiomu, mahinggamo dobhahiomu, weo kaseꞌise bhe Kristus mbadhantoomu seꞌise kaowu. Intaodiomu ini seemie-seemie dopokai-kai dembali katokano mbadha seꞌiseno naꞌa.

1 Korintus 6:15

Bhahaa miina mandeꞌaaneomua o mbadhamiu itu ingka o katokanomo dua mbadhano wutono Kristus? Naembali bhahaa katokano mbadhano Kristus amakee so mbadhano karambole? Ingka tantumo paise!

Efesus 1:23

Umati marasaeano ingka o mbadhanomo Kristus, nofosangkaemo Anoa mosangkano bhahi-bhahiꞌae ne amai maka dua.

Efesus 5:29

Kapaꞌamo miina bhe mie bansino mbadhano wutono, tamaka tetewei nodambaꞌaane bhe nopiarae, pedamo dua Kristus nodambaꞌaanda umatino.

Kolose 2:19

Tamaka andoa miinamo damasande ne Kristus fofefotuꞌaono. Gahaꞌaitumo hampano nofefotuane Kristus, o mbadha ⸤ maꞌanano umati marasaeano⸥ nodadi metaa koseꞌulu-uluno, sabhaha katokano mbadha noseꞌise nopotudu-tudumiane noangkafi losuano. Pedamo anaꞌa o mbadha dhulu kabhala bhe kamatangka, noposahataa bhe patudhuno Lahataꞌala.