Efesus 5:10 - Muna Southern Dialect

¹⁰ Ulei lalomiu so mandeꞌaoꞌomu o ae mekaꞌiano lalono Lahataꞌala.

Efesus 5:10 Iomraidhean Croise

Roma 14:18

Mie meompuno ne Kristus peda amaitu, anoamo itu mekaꞌiano lalono Lahataꞌala bhe nefosibhalando mie bhaino.

Filipi 1:10

Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.

Filipi 4:18

Kosasawiꞌae atahimaemo, nokapotiemo kafaraluuku, tanokolabhimo dua. Pada atahima kapakatumiu ne Epafroditus, miinamo akonikaea. Kawaꞌaomiu ini tapedamo kapopanga mowondu, mekaꞌiano lalono Lahataꞌala bhe nemoasiꞌaono.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

1 Tesalonika 5:21

Tamaka bhahi-bhahiꞌae tabeano damesoloe, metaaꞌano damintahakie.

1 Timotius 2:3

Sambaheamo pedando aini metaaꞌano, poangkafiꞌano bhe kapoindalono Lahataꞌala, mosalamati kaitaomu.

1 Timotius 5:4

Tamaka ane seemie bhihinanda koanano koawuano, netaa mefeꞌulaianda putae andoamo kadeki so umondofaono lee walakando. Pedamo anaꞌa dameompu ne Lahataꞌala bhe dabhoosi kawulendo kamungkula bhe awuando. Habu medando ini pokantibhaꞌano bhe kapoindalono Lahataꞌala.

Ibrani 12:28

Kanandooꞌanomo naetaa daefoampe katumpuno lalo ne Lahataꞌala, hampano detahimaomu kafopahintaꞌa tapa tifoguguno. Naetaa natumumpu lalontoomu bhe dasumombaomu weo kamihi bhe kafosibhala ne Lahataꞌala, naposahataa bhe kapoindalono Wutono.

1 Petrus 2:20

O ae bhahaa kapudhiano ane potaamiꞌao kakadee-dee mbaꞌinomo kokaꞌala? Tamaka ane humabu metaaꞌomu maka potaamiꞌao kakadee-deemiu, ingka fekaꞌiamoomu lalono Lahataꞌala.

1 Petrus 2:5

Hintimiu tapedamo dua kontu dumadino, dadiꞌanomo undaomu namakekoomu Lahataꞌala so namoeheꞌao lambu so katisombaiꞌano. Ane nada naꞌa, ingka membalimoomu imamu mongkilono mefoampeno kapopanga posahataano bhe lalono Lahataꞌala noangka ne Yesus Kristus.