Efesus 4:30 - Muna Southern Dialect

³⁰ Koise fekakompeahaomu lalono Rohino Lahataꞌala. Rohino Lahataꞌala ini katandainomo hintimiu fehebuano Lahataꞌala. Hampano Rohino neate weo totono lalontoomu, paemo dapoibhahaa putae ingka tetewei nahumato oleo so katifobebasiꞌanto.

Efesus 4:30 Iomraidhean Croise

Markus 3:5

Yesus noꞌamaha poowa nofolilianda matano, tamaka nobhelaanda dua lalono hampano katuꞌano fotundo. Pada aitu nopugaumo ne kepe saꞌituini ambano, “Fonsoho limamu!” Mie aitu nofonsoho limano, gahaꞌa lasao noꞌosa.

Lukas 21:28

Ane mohaomu kaowu kafetompunaꞌino kadhadhia amaitu, eheomu, fowanu fotumiu kapaꞌamo nomaꞌomo tempono damosalamatikoomu.”

Yohanes 3:33

Tamaka tumahimano bhihitano nefosampeno maitu noꞌakuiꞌemo kabanarano Lahataꞌala.

Tula-tulando rasulu 7:51

⸤ Ambano toha Stefanus,⸥ “Hintimiu katuꞌa fotu! Lalomiu miina naongkiloa. Tingalamiu nopoꞌopi. Hintimiu sadhia ewangiomu Rohino Lahataꞌala, nopototo bhe awuaꞌimiu!

Roma 8:11

Ane Rohino Lahataꞌala madano mowanuno Yesus maiꞌao ne mate neate weo totono lalomiu, maka Anoa mowanuno Kristus Yesus maiꞌao ne mate naꞌa, teteweimo dua namodadi mbadha kasaramiu itu, namangka ne Rohino meateno weo totono lalomiu.

Roma 8:23

Suano kaowu taꞌalamu bhalano, intaodiomu dua ini dombaꞌuhu weo totono lalontoomu. Ingka padamo dotahimaomu Rohino Lahataꞌala. Rohimo aini kawaꞌao kabhao-bhaono maiꞌao ne Lahataꞌala, tamaka nandoo dua dofenta-fentaa Lahataꞌala nasumangke kaita daembali anaꞌino bhe namobebasi mbadhantoomu.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

1 Korintus 15:54

Namada mbadha binasa natibhalii ne tapa binasaꞌano, namada mbadha momate natibhalii ne tapa momateno, ingka nakoꞌulamo bhoasaono Ompu tibuhino peda aini, “O mate dotoloemo, o kafotalo nosangkamo.”

1 Tesalonika 5:19

Koe sobueꞌomu kahadhaano Rohino Lahataꞌala.

Ibrani 10:29

Ane peda anaꞌa, nada amai bhahaa kolauno mie minda-mindaꞌino Anano Lahataꞌala, mabhino heano podhandiꞌa o giu mohaku tapa kofahalaano? Gahaꞌaitumo hampano tuhuno heano naꞌa dhosano nonggelamo. Pakade nofekandidiki dua Rohino Lahataꞌala fowaꞌaono rahamati. Ingka kahukumu so neꞌawano mie medano naꞌa sedhuluꞌa kabhieno!

Ibrani 3:10

Ainimo kaꞌamahaꞌaku ne mie dhamani anaꞌa, ambaku, ‘Totono lalondo sadhia nokolilino, dongahe damangkafi pahintaku.

Ibrani 3:17

Kaowu ne laꞌae bhahaa Lahataꞌala noꞌamaha kaomponano fato fulu taꞌu? Ingka ne andoa mehabuno dhosa bhe mate kambaha-mbahano we pandaso bhalano.