Efesus 4:25 - Muna Southern Dialect

²⁵ Kanandooꞌanomo bhahitieꞌiku, koemo kopahaomu, pugauꞌomu kumotuꞌuꞌano ne mie bhaimiu, kapaꞌamo intaodi ini saneamo katokano mbadhano Kristus.

Efesus 4:25 Iomraidhean Croise

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Roma 12:5

Pedamo dua intaodiomu, mahinggamo dobhahiomu, weo kaseꞌise bhe Kristus mbadhantoomu seꞌise kaowu. Intaodiomu ini seemie-seemie dopokai-kai dembali katokano mbadha seꞌiseno naꞌa.

1 Korintus 10:17

Mbaꞌinomo o roti seꞌonu kaowu bhe kosasawintoomu dopombali-mbaliꞌao roti seꞌonuno naꞌa, maka intaodiomu bhahino ini dosembadhamoomu.

2 Korintus 7:14

Afowoseangkoomu bhakeku ne anoa, ingka miina mekandidikiomu lalokua. Endefiꞌini insaodi sadhia tapugauꞌao kumotuꞌuꞌano ne hintimiu, pedamo dua pugau mani tafowoseangkoomu bhake mani ne Titus, ingka saneamo kumotuꞌuꞌano.

Efesus 4:15

Tamaka ane damintaha ne kabanara, damugauꞌao kumotuꞌuꞌano weo kanini kaasi, tetewei dadintoomu dhulu kasumangka peda dadino Kristus, mefotu kaita.

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

Efesus 4:31

Ohoeꞌomu sabhaha kaleano lalo, ponanti-nantiꞌao bhe amaha. Ohoeꞌomu dua pokei-keisiꞌao amaha, bhe pofeka-fekaꞌaebu. Fekakodoꞌoeꞌomu bhahi-bhahiꞌae naꞌa bhe sabhaha podiu modai.

Efesus 5:30

Katipandeꞌaoꞌano ingka intaodiomu ini saneamo katokano mbadhano Kristus.

Kolose 3:8

Tamaka ampa aitu ohoeꞌomu amaha, pamuhu bhe pomodai. Koise foꞌumbu, koise dua pugau tampahasa ne mie bhaimu.

Kolose 3:9

Koemo popaha-pahaiꞌomu, kapaꞌamo dadi ngkodau bhe sabhaha diuno padamo ohoeꞌomu.

1 Timotius 1:10

mie pokawite-witeno, mie gumaano sapada moꞌane tawa sapada hobhine, mie poꞌoli poasoꞌaono bhatua, bhe mie megau-gauno, sakusii kopaha bhe kotika mie mehabuno kumangkalaꞌino kafoinaꞌu kumotuꞌuꞌano.

1 Timotius 4:2

Kafoinaꞌu anaꞌa dofolelee mie mehaaꞌulano. Andoa miinamo damande dapofelesaoꞌao metaaꞌano bhe modaiꞌano, kao-kaomo totono lalondo kumatanga-tangano dofodapaanemo uti ngkamala-mala.

Titus 1:12

Nandoo seemie anabii, miendo dua Kreta, nopugau ambano, “Miendo Kreta sadhia dokopaha, andoa tapedamo kadadi fohumaano, dokadau-dau bhe domantawa.”

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

Ibrani 12:1

Intaodiomu ini dofowaliligi sakusii bhahino naꞌa, tapedamo o olu dofokaputi. Dadiꞌanomo ⸤ kanggetu meangkafino pogolo-goloꞌa⸥ hunsa kaitaeꞌomu toha sabhaha fofekabhieno bhe foꞌonto-ontomino bhe dhosa mansopikano. Tende kaitaomu kansuhu, potaami kaitaomu weo pogolo-goloꞌa newisekintoomu ini.

Yakobus 1:21

Dadiꞌanomo ohoeꞌomu toha podiu mohaku bhe sabhaha kanea modai. Fekamalu lalomiu bhe tahimaeꞌomu bhoasaono Lahataꞌala toka netisa weo totono lalomiu, kapaꞌamo bhoasao aitu nokokuasa namosalamatikoomu.

1 Petrus 2:1

Dadiꞌanomo, ohoeꞌoomu toha sabhaha modaiꞌano, koemo kopahaomu, koemo fehaaꞌulaomu, koemo nokondua lalomiu bhe koemo dua foꞌumbuomua.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.