Efesus 4:18 - Muna Southern Dialect

¹⁸ Fekihindo nohohondo, miina daeala dawu ne dadi buꞌou newaꞌaono Lahataꞌala, kapaꞌamo miina dokonipandeꞌaoa bhe notuꞌa fotundo.

Efesus 4:18 Iomraidhean Croise

Matius 13:15

Kapaꞌamo totono lalondo mie andoa ini nofekontumo, tingalando nopoꞌopimo, matando nopilomo. Kanandooꞌano peda anaꞌa keana dofowohaꞌao matando, keana dofofetingkeꞌao tingalando, keana dua dolosangiꞌao totono lalondo, bhaha sala dodoli se idi maka amekaꞌosada.’

Markus 3:5

Yesus noꞌamaha poowa nofolilianda matano, tamaka nobhelaanda dua lalono hampano katuꞌano fotundo. Pada aitu nopugaumo ne kepe saꞌituini ambano, “Fonsoho limamu!” Mie aitu nofonsoho limano, gahaꞌa lasao noꞌosa.

Yohanes 12:40

⸤ Ambano Lahataꞌala,⸥ “Padamo afekabuntoda bhe asongko totono lalondo, keana dofowohaꞌao matando bhe dolosangiꞌao totono lalondo. Dadiꞌanomo paise dadumoli se Idi maka amekaꞌosada.”

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Tula-tulando rasulu 3:17

Bhahitieꞌiku, apandeꞌaane kahabuꞌamiu peda aitu hampano miina mandeꞌaaneomua, nopototo bhe kosasawindo neangkamiu.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

Roma 11:7

Kaowu pedamo amai? Ingka neꞌondofindo miendo Israel miina daꞌumawaea, tamaka ⸤ seendaino⸥ tipilino doꞌawaemo. We simbalino mie tipilino maitu saneamo dembali katuꞌa fotu.

Roma 2:19

Hintimiu parasaeaꞌomu mpuu membalimoomu mie metondano kabunto, membalimoomu dua kantalea so mie meateno weo kahohondo.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Korintus 2:8

Miina bhe mintahano kuasa ne dhamani aini lumosangino kapande anaꞌa, kapaꞌamo ane dalumosangie, ingka Ompu Kumalabhiano tetewei paise dakumantaiꞌe te sau salipu.

2 Korintus 3:14

Fekihindo nopapa, kapaꞌamo taꞌampamo haꞌoleo ini kantutu endefiꞌini sadaa-daaꞌe dopakee ane debasa Kitabino podhandiꞌa ngkodau. Kantutu aini kaneꞌomo natilengka ane o mie doseꞌise bhe Kristus.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Galatia 4:8

Endefiꞌini miinaꞌo mandeꞌaoꞌomu Lahataꞌala, hintimiu nofobhatuakoomu sabhaha kuasa nefeompuniꞌimiu peda ompu, gahaꞌaitu suano Ompu sakotuꞌuno.

Efesus 2:1

Endefiꞌini hintimiu kao-kaomo momateomu hampano kodhosaomu bhe kangkalaꞌiomu pahintano Lahataꞌala.

Efesus 2:12

Wakutuu anaꞌa miinaꞌo bhe taiꞌamiu ne Kristus, hintimiu mie we sembalino miendo Israel, miinaꞌo tilentuomu umati nepilino Lahataꞌala. Miinaꞌo dua mealaomu dawu weo podhandino Lahataꞌala toka nedhandiꞌaono ne umatino. Hintimiu dadiomu te dhunia miinaꞌo bhe neposahunaꞌaomiu, miina dua mandeꞌaoꞌomu Lahataꞌala.

Kolose 1:21

Hintimiu dua endefiꞌini nokodoꞌo bhe Lahataꞌala bhe poewangianeomu hampano fekihi bhe habu modaimiu.

1 Tesalonika 4:5

Weo dadimiu, koe taangka-angkafimo nafusuuno mbadhamiu, peda nehabundo bansano liwu tapa mandeꞌaono Lahataꞌala.

Ibrani 5:2

Seemie Imamu Bhalano nembali nomalu-malusi mie tapa konipandeꞌaono bhe kolilinono fekihi, kapaꞌamo wutono nonale dua peda mie bhaindo.

Ibrani 9:7

Tamaka membalino mesuano weo boloku we sewetano naꞌa ⸤ Boloku Foliuno Kangkilo⸥ mpahinomo Imamu Bhalano, sepaku kaowu setaꞌu. Wakutuuno nopesua ne itu Imamu Bhalano tetewei newowoꞌo bhe heano mbali kapopanga so katiꞌamponiꞌano dhosano wutono bhe dhosando tapa nefepuundo nehabundo umati bhahino.

Yakobus 4:4

Hintimiu mie kumangkalaꞌino podhandimiu bhe Lahataꞌala. Miina mandeꞌaaneomua bhahaa putae ane posabhangkaomu bhe dhunia modai, ingka membalimoomu kaewano Lahataꞌala? Dadiꞌanomo ane dopoindalo doposabhangka bhe dhunia modai, dohabumo wutondo mbali kaewano Lahataꞌala.

1 Petrus 1:14

Membaliomu anaꞌi meangka ne Lahataꞌala, koemo dadiomu angkafiomu kapoindalomiu endefiꞌini, wakutuuno miinaꞌo mandeꞌaoꞌomu Lahataꞌala.

1 Yohanes 2:11

Tamaka mie bansino bhahitieno, neate weo kahohondo bhe nekala-kala weo kahohondo. Anoa miina namandeꞌaanea bhahaꞌi nohope ne amai, hampano miinamo napomboha-mbohaa.