Efesus 4:12 - Muna Southern Dialect

¹² Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

Efesus 4:12 Iomraidhean Croise

Lukas 22:32

Tamaka Idi padamo asambaheaꞌangko keana nosali kaparasaeamu. Nasumuli kaowu lalomu, fekatangkada lalondo bhahitieꞌimu.”

Tula-tulando rasulu 1:17

Endefiꞌini, o sabhangkantoomu, dopilie dua mbali rasulu, nopototo kahadhaano bhe intaodiomu.”

Tula-tulando rasulu 1:25

so mintahano sodano rasulu nehunsano Yudas. Kapaꞌamo Yudas nopesuamo ne kaeateꞌa mantasiꞌano so wutono.”

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Roma 12:5

Pedamo dua intaodiomu, mahinggamo dobhahiomu, weo kaseꞌise bhe Kristus mbadhantoomu seꞌise kaowu. Intaodiomu ini seemie-seemie dopokai-kai dembali katokano mbadha seꞌiseno naꞌa.

Roma 12:7

Meꞌawano kapooli naꞌumondofao mie bhaindo, naetaa nafoꞌondofao. Meꞌawano kapooli nafofoguhu, naetaa nafofoguhu.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

Roma 15:14

Bhahitieꞌiku! Idi ini aparasaeakoomu mpuu nobhahi sepaliꞌa metaaꞌano ne hintimiu, sabhaha kapande nefaraluumiu nonandoomo dua sampe nembalimo potanga-tangahiomu.

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

Roma 15:29

Apandeꞌaane humato amai apoꞌawaangkoomu, teteweimo aeowaangkoomu kabarakatino Kristus pontalabhi-labhino.

1 Korintus 12:27

Hintimiu itu saneamo mbadhano Kristus, seemie-seemie ingka o katokanomo.

1 Korintus 12:7

Tamaka ne manusia seemie-seemie notiwoha kapooli nedawuꞌaono Rohino Lahataꞌala so kaetaaꞌantoomu.

1 Korintus 14:12

Pedamo dua hintimiu, daanumo uleiꞌeomu lalomiu meꞌawaomu kapooli nedawuꞌaono Rohino Lahataꞌala, tamaka fofoliuꞌano uleiꞌeomu lalomiu so mekamatangkaꞌaoꞌomu kaparasaeando umati.

1 Korintus 14:14

Kapaꞌamo ane asambahea aepake wambano Rohi, ingka o alusuku sumambaheano tamaka miina napoangkafi bhe fekihiku.

1 Korintus 14:26

Bhahitieꞌiku! Kaowu nadamo amai? Ane pohompu-hompuomu, naetaa seemie-seemie bhe taiꞌano: nandoo so melaguno, nandoo so fofoinaꞌuno, nandoo so mefosampeno powoha maiꞌao ne Lahataꞌala, nandoo so mepakeno wambano Rohi, nandoo dua so maꞌanakino wambano Rohi naꞌa. Ampamo kaowu bhahi-bhahiꞌae naꞌa tabeano sanea so kamatangkaꞌano kaparasaeando umati.

2 Korintus 12:19

Fenaiku nomponamo nokoduku we lalomiu insaodi tapobenteꞌao wuto mani ne wisemiu. ⸤ Ingka miina.⸥ Sabhaha pugau mani ini takowambaane ne wiseno Lahataꞌala nopoangkafi bhe kapoindalono Kristus. Bhahitieꞌiku timoasiꞌaono, bhahi-bhahiꞌae ini tahabue so kamatangkaꞌano kaparasaeamiu.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Korintus 13:9

Kapaꞌamo nowula lalo mani ane taonale tamaka hintimiu moꞌosaomu. Ingka ainimo sadhia nesambaheaꞌao mani neanomo nasumangka dadimiu.

2 Korintus 3:8

mangke-mangkemo podhandiꞌa buꞌou mengkohano ne Rohino Lahataꞌala, tetewei nasedhuluꞌa dua kakalabhiano.

2 Korintus 4:1

Insaodi tatahima taka kaꞌondofao aini hampano kabhelano lalono Lahataꞌala, patamo kaotembeꞌano lalo mani.

2 Korintus 5:18

Kosasawiꞌae ini nomaiꞌao ne Lahataꞌala. Noangka ne Kristus Lahataꞌala padamo nopometaa kaita bhe Wutono bhe nowaꞌa kainsami taka kaꞌondofao tapometaaꞌao manusia bhe Wutono.

2 Korintus 6:3

⸤ Weo dhalangiꞌano taka mani⸥ takiido taehabu tingku so katifoꞌalaꞌa mani ne laꞌae maka dua, neanomo taka kaꞌondofao mani ini paise natisambili modaia.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Efesus 1:23

Umati marasaeano ingka o mbadhanomo Kristus, nofosangkaemo Anoa mosangkano bhahi-bhahiꞌae ne amai maka dua.

Efesus 4:16

Ane Anoa nofefotu kaita, kosasawiꞌae katokano mbadha dopotudu-tudumiane doangkafi losuano dembali sembadha. Ane sehonda-sehonda katokano mbadha nadhumalangi takano meteetaa, o mbadha aini tetewei sadhulu kabhala bhe kamatangka weo pomoni-moniniꞌa.

Efesus 4:29

Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

Efesus 4:4

Kapaꞌamo intaodiomu ini sembadha kaowu; Rohino Lahataꞌala, Kaseemie-mieꞌano. Pedamo dua kaposahunaꞌaondo mie nebhasino Lahataꞌala, ingka sehonda kaowu.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Kolose 4:17

Fohatoomu dua Arkipus, “Fotokaemo kahadhaa netahimamu weo kaꞌondofaomu ne Ompu.”

1 Timotius 1:12

Notumpu laloku ne Kristus Yesus Ompuntoomu mekamatangka kanau, kapaꞌamo noabhi kanau atiposahunaꞌao, katifoparasaeaꞌakumo taka aini so ameompuꞌao ne Anoa.

2 Timotius 4:11

Tamo Lukas pobhai kanau. Uleiꞌe bhe Markus maka wowoꞌoe we ini, kapaꞌamo nokofahalaa sepaliꞌa so kaꞌondofaoku.

2 Timotius 4:5

Tamaka hintu, fotoho lalomu o ae maka dua newisekimu, kosabaha potaamiꞌao kakadee-dee, dhalangie kansuhu takamu mefolele Bhihita Metaa, mpuu-mpuunie taka kaꞌondofao netahimamu.

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

Ibrani 6:1

Dadiꞌanomo dohunsaeꞌanaomu kadeki kafoinaꞌu kabhao-bhaono pokaiꞌano bhe Kristus, maka damopansuhueꞌomu dapoguhuꞌao so dadi motangka peda mie marasaeano. Koemo tadofendu-fenduaꞌomu kafoinaꞌu kabhao-bhaono, putae manusia tetewei nametompaꞌao podiu meowano mate, maka damarasaea ne Lahataꞌala.