Efesus 4:10 - Muna Southern Dialect

¹⁰ Anoa madano sumampuno, ingka Anoamo dua monino te wawono wawo, noliuꞌe sabhaha lani, neanomo o ae maka dua ndumandooꞌano namosangkae.

Efesus 4:10 Iomraidhean Croise

Matius 24:34

Amohatokoomu! Kotu-kotuꞌu mie dhamani aini paeꞌo daopulia damate, nakumadhadhiamo kosasawiꞌae naꞌa.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Yohanes 1:16

Kabhalano kanini kaasi sampe kosasawintoomu nopoangka-angkatulu deꞌawaomu kabarakati.

Yohanes 19:24

Dadiꞌanomo tantaraꞌi dopugaumo sapada-pada andoa ambado, “Koemo dobhini-bhinieꞌomua, naetaa dapodaduane bhahaꞌi naꞌumawae laꞌae.” Kanandooꞌano peda naꞌa somo nokoꞌulaꞌao wambano Kitabi, “Andoa dodawu-dawu pakeaku, dhubaku dopodaduane.” Pedamo anaꞌa nehabundo tantaraꞌi maitu.

Yohanes 19:28

Pada anaꞌa, Yesus nopandeꞌaanemo bhahi-bhahiꞌae nopalusimo. Dadiꞌanomo nopugaumo ambano, “Nokekele wuꞌuku!” Kanandooꞌano peda ini somo nakoꞌulaꞌao wambano Kitabi.

Yohanes 19:36

Kapaꞌamo kosasawiꞌae maitu nokadhadhia somo nakoꞌulaꞌao tibuhino weo Kitabino anabii, “Pae bhe bukuno so netampundo.”

Tula-tulando rasulu 1:11

“Miendo Galilea, noafa gahaꞌa mentoha-ntohaꞌaoꞌomu te lani? Yesus, newohamiu notisangke saꞌituini, namada kaowu nasumuli toha we dhunia ini, napototo hatono bhe kalano newohamiu saꞌituini.”

Tula-tulando rasulu 1:9

Pada nopugau peda naꞌa, notisangkemo ne wisendo; sampe noꞌontomie olu maka miina damohaea.

Tula-tulando rasulu 2:33

Pada nosangkee Lahataꞌala te melangkeꞌano bhe nowaꞌane kuasa, notahimamo Rohino Lahataꞌala nedhandiꞌaono maitu. Rohi aitu nofosampuemo dua ne insaodi ini, peda newoha bhe nefetingkemiu aitu.

Tula-tulando rasulu 3:18

Ampamo kaowu pedamo anaꞌa Lahataꞌala nofekakoꞌula nekobhoasaꞌaono endefiꞌini. Bhoasaono naꞌa nofosampeandae ana-anabii, putae Mesias Omputo Fosalamatino maitu tetewei nakumadee-dee.

2 Korintus 12:2

Apandeꞌaane seemie sarani, ompulu fato taꞌu kumundoꞌano maitu notisangke te lani katolu sunsuno, ⸤ maꞌanano surugaa⸥ . (Miina amandeꞌaanea bhahaꞌi kotu-kotuꞌu mbadhano tisangkeꞌano bhahaꞌi weo powoha kaowu, ampamo wutono Lahataꞌala mandeꞌaane).

Efesus 3:19

Sio-siomo kanini kaasi anaꞌa lumosangieꞌomu, mahinggamo sakotuꞌuno pae damondoiꞌe damahamue, neanomo dadimiu nakumabhintiemo sifatino Lahataꞌala foliuno kasumangka.

Kolose 1:19

Kapaꞌamo noposahataa bhe kapoindalono Lahataꞌala, bhahi-bhahiꞌae sifatino Lahataꞌala nosangka dua ne Kristus Anano.

Kolose 2:9

Kapaꞌamo bhahi-bhahiꞌae sifatino Lahataꞌala nosangkamo ne wutono Kristus, neate ne mbadha kamanusiano.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Ibrani 4:14

Kanandooꞌanomo tetewei damintahakieꞌomu mpuu kaparasaea neꞌakuintoomu, kapaꞌamo bhe imamuntoomu, Imamu Bhalano kumalabhiano toka mangkano surugaa ampa te wiseno Lahataꞌala. Anoamo itu ingka Yesus, Anano Lahataꞌala.

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.

Ibrani 8:1

Puuno bhahi-bhahiꞌae nepuga-pugauꞌaontoomu ini: intaodiomu bhe Imamuntoomu Bhalano medano anaꞌa, mengkohano ne suanano kaengkohaꞌano Lahataꞌala fofoliuno kakalabhia te surugaa.