Efesus 3:8 - Muna Southern Dialect

⁸ Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Efesus 3:8 Iomraidhean Croise

Lukas 14:22

Palusi anaꞌa nohatomo bhatua nopolele ambano, ‘Pahinta waompu padamo adhalangie, tamaka nandoo dua kaengkohaꞌa.’

Yohanes 1:16

Kabhalano kanini kaasi sampe kosasawintoomu nopoangka-angkatulu deꞌawaomu kabarakati.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

Roma 11:33

Kabhalano kahangkaeano Lahataꞌala! Kalalesano timbangino bhe kandalono kapandeno! Miina mpuu natisonsoa sabhaha kabhotusino! Miina mpuu natilosangia sabhaha dhalano nokonihabu!

Roma 12:10

Mpuu-mpuunieꞌomu pomoni-pominiꞌao peda mie sibhahi-bhahitieno; fosibhalaomu mie bhaimiu nalumiuꞌe kafosibhala ne wutomiu.

Roma 2:4

Mepandaaneomu gahaꞌa kataano lalono Lahataꞌala pontalabhi-labhino, kakosabahano bhe kakowaweno lalono ne hintimiu? Miina mandeꞌaanemoomu bhahaa putae kataano lalono Lahataꞌala nokopatudhu namatokoomu so metompaꞌao dhosamiu maka dumoliomu ne Lahataꞌala?

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

1 Korintus 15:9

Kapaꞌamo idi ini foliunomo kandidiki ne olotando rasulu, sakotuꞌuno pae namantasia dakumona kanau rasulu hampano padamo afodee-dee umatino Lahataꞌala.

1 Korintus 2:9

Aini noposahataa bhe tibuhino weo Kitabi peda aini, “Pata newohano mata, pata nefetingkeno tingala, pataꞌo dua tiumbaꞌano ne fekihindo manusia, aitumo nefontaa-ntaano Lahataꞌala so mie moasiane.”

Galatia 1:16

Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.

Galatia 2:8

Kapaꞌamo Lahataꞌala maꞌaono kapooli ne Petrus mbali rasulu so miendo Yahudi, Anoamo dua maꞌa kanau kapooli aembali rasulu so mie suano Yahudi.

Efesus 2:7

Patudhuno Lahataꞌala neanomo ne dhamani te wise namotiwoha kabhalano kataano lalono ne intaodiomu ini. Kataano lalono bhe kanini kaasino nofosampue ne intaodiomu noangka ne Kristus Yesus.

Efesus 3:1

Kanandooꞌanomo idi, Paulus asambaheaꞌangkoomu. Idi ini atitohongku hampano afeompu ne Kristus Yesus bhe aꞌondofao hintimiu mie suano Yahudi.

Efesus 3:16

Asambahea sio-siomo Lahataꞌala kumalabhiano kuasa, namekatangka totono lalomiu, namekaꞌosaane Rohino.

Efesus 3:19

Sio-siomo kanini kaasi anaꞌa lumosangieꞌomu, mahinggamo sakotuꞌuno pae damondoiꞌe damahamue, neanomo dadimiu nakumabhintiemo sifatino Lahataꞌala foliuno kasumangka.

Efesus 3:2

Teteweimo fetingkemoomu putae weo rahamatino, Lahataꞌala nowaꞌa kanau taka kaꞌondofao aembali rasulu so hintimiu.

Filipi 2:3

Koise konihabuomu mbaꞌinomo fekihi kaowu faraluuno wutomiu, tawa fekalangke diumiu. Tamaka fekapanda wutomiu, abhidaomu mie bhaimiu detaa dua andoa bhe wutomiua.

Filipi 4:19

Lahataꞌala nesombaiku namokapoangkoomu sabhaha kafaraluumiu namaiꞌao ne kahangkaeano Kristus Yesus pontalabhi-labhino.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

1 Timotius 1:13

Gahaꞌaitumo endefiꞌini idi ini mie mekaꞌaebuno Lahataꞌala, mie fofodee-deeno, o mie kaꞌosa lalo. Tamaka Lahataꞌala nobhela kanau lalo, kapaꞌamo wakutuuno ahabu kosasawiꞌae naꞌa miinaꞌo amarasaeaꞌa, dadiꞌanomo miina amandeꞌaane nehabukua.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

1 Timotius 2:7

Kanandooꞌanomo idi ini nosangke kanau aembali guru bhe rasulu meowano bhihita ne mie suano Yahudi, amoleleanda bhihitano kaparasaea bhe kabanara. Wambaku ini nokotuꞌu, miina akopahaa.

2 Timotius 1:11

Somo Bhihita Metaa aini, Lahataꞌala nosangke kanau so mosampeno bhoasaono, o rasulu bhe guru.

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.