Efesus 3:3 - Muna Southern Dialect

³ Lahataꞌala nofekantaleaꞌi kanaꞌe rahasiano patudhuno, ingka padamo abuhiangkoeꞌomu, mahinggamo seendai kaowu.

Efesus 3:3 Iomraidhean Croise

Tula-tulando rasulu 22:17

Hato asuli we Yerusalem, tangasano asambahea weo Lambuno Lahataꞌala, akopowohamo.

Tula-tulando rasulu 22:21

Tamaka ambano Ompu, ‘Kalamo, kapaꞌamo atumuduko we kodoꞌoꞌano, we liwundo mie suano Yahudi.’ ”

Tula-tulando rasulu 23:9

Hompuꞌa anaꞌa sadhulu-dhulu kahobho. Pande-pande Kitabi maiꞌaono ne miendo Farisi doehemo maka dopotagali ambado, “Mie anoa ini miina sepaliꞌa nakokaꞌalaa! Kao-kaomo nandoo bhe rohi tawa malaꞌekati mugauno ne anoa.”

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

2 Korintus 12:1

Daanumo miina bhe fahalaano dosangke-sangke wuto, tamaka aitu tetewei asumangke wutoku amohatoangkoomu powoha bhe kafohato neꞌawaku maiꞌao ne Ompu.

Galatia 1:12

Kapaꞌamo Bhihita aini miina atumahimae ne manusia, suano dua manusia moguhu kanaꞌe, tamaka iꞌino Bhihita Metaa ini atahimae ne wutono Yesus Kristus. Anoamo motiumba kanaꞌe.

Efesus 1:17

Aesalo ne Lahataꞌalano Ompuntoomu Yesus Kristus, Amantoomu kumalabhiano, sio-siomo namaꞌangkoomu Rohino. Rohi aitu namaꞌangkoomu kapande bhe kantaleano fekihi sampe kotu-kotuꞌu mandeꞌaaneomu Lahataꞌala.

Efesus 3:4

Ane basaeꞌomu, naembalimo dua mandeꞌaaneomu rahasiano Kristus peda nelosangiku.

Efesus 3:6

Rahasia anaꞌa peda aini: noangka ne foleleꞌano Bhihita Metaa mie suano Yahudi deꞌawamo dua dawu ne kabarakati nefontaa-ntaano Lahataꞌala so miendo Yahudi. Mie suano Yahudi dembalimo dua katokano mbadha dosembadhamo bhe miendo Yahudi. Andoa dotahimamo dua dhandino Lahataꞌala weo kaseꞌisendo bhe Kristus Yesus.

Efesus 3:9

Nowaꞌa kanau dua taka amekantaleaꞌie ne kosasawindo manusia nada amai so nakoꞌulaꞌao patudhuno Lahataꞌala maitu. Patudhuno Lahataꞌala mokonandoono bhahi-bhahiꞌae ini, notifebuni mpini dhamani wawono.

Efesus 6:19

Sambaheaꞌomu dua so idi, neanomo ane amugau, Lahataꞌala namaꞌa kanau pugau kumantibha bhe aokado aefolele rahasiano Bhihita Metaa.

Kolose 2:2

Bhahi-bhahiꞌae ini ahabue so naotangkaꞌao lalondo umati bhe daseꞌise weo kanini kaasi. Ane nada naꞌa andoa daeꞌawa kabarakati bhalano, maꞌanano kotu-kotuꞌu dalumosangie kabanara, paemo dapoibhahaanea. Damandeꞌaane dua rahasiano Lahataꞌala, ingka wutono Kristus.

Kolose 4:3

Sambahea kainsamiomu dua, sio-siomo Lahataꞌala naelengka kainsami fointo tamolele bhihitano Kristus tifebuniꞌano endefiꞌini. Kapaꞌamo katitohongkuꞌaku mbaꞌinomo aefolele bhihitano Kristus ini.

Ibrani 13:22

Bhahitieꞌiku, aesalo mpuu sabahakieꞌomu sabhaha wambano katangahi ini, kapaꞌamo suha nebuhiku ini ingka miina naewantaa.

1 Petrus 5:12

Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

2 Petrus 3:15

Kakosabahano Lahataꞌala tabeano dakumonae mbali kasalawando manusia so dasumalamatiꞌao. Paulus, bhahitientoomu timoasiꞌaono, ingka padamo dua nobuhiangkoeꞌomu, noangkafi kapande neꞌawano.