Efesus 3:20 - Muna Southern Dialect

²⁰ Kabhalano maka kuasano Lahataꞌala kumahadhaano weo totono lalontoomu, sampe nemondoino Lahataꞌala noliuꞌe sabhaha kamesalo bhe nefekihintoomu, nobhala mpuu poꞌalaꞌano.

Efesus 3:20 Iomraidhean Croise

Matius 3:9

Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei tasumalamati⸥ ’. Kapaꞌamo Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Yohanes 10:10

Kasoꞌo nomai kaowu nosibu, nofopongko bhe nofofekabinasa, tamaka o Idi amai so daeꞌawaꞌao dadi, bhe dadumadi napontalabhi-labhi.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

Roma 4:21

Anoa noparasaea mpuu putae Lahataꞌala nokokuasa namekakoꞌula nedhandiꞌaono.

1 Korintus 2:9

Aini noposahataa bhe tibuhino weo Kitabi peda aini, “Pata newohano mata, pata nefetingkeno tingala, pataꞌo dua tiumbaꞌano ne fekihindo manusia, aitumo nefontaa-ntaano Lahataꞌala so mie moasiane.”

2 Korintus 9:8

Maka Lahataꞌala nokokuasa namaꞌangkoomu sabhaha kabarakatino napontalabhi-labhi, sampe sabhaha kafaraluu weo dadimiu sadhia napokapo-kapo, bhahamoa tanakolabhimo so mehabuꞌaoꞌomu sabhaha metaaꞌano.

Efesus 1:19

So mandeꞌaoꞌomu dua kabhibhiisano kuasano Lahataꞌala meateno weo totono lalontoomu mie marasaeano. Kuasa aini nopototo bhe kuasano kumalabhiano,

Efesus 3:7

Lahataꞌala nowaꞌa kanau taka amolele Bhihita Metaa anaꞌa. Taka kaꞌondofao aini atahimae nopobutu bhe rahamatino Lahataꞌala, amondoiꞌe hampano kuasano Wutono kumahadhaano ne idi.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

1 Timotius 1:14

Bhahamoa nopontalabhi-labhi rahamatino Ompuntoomu ne idi. Nowaꞌa kanau dua kaparasaea ne Kristus Yesus bhe kanini kaasi ne mie bhaiku.

Ibrani 11:19

Abraham nofekihi lalono putae Lahataꞌala nokokuasa naefodadi mie mate, maka daanumo Ishak suli notahimae, kao-kaomo nomaiꞌao ne mate.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Yakobus 4:12

Gahaꞌaitu ampamo seemie mehabuno pahinta bhe bhitahakino manusia, Anoamo kokuasano nafosalamati bhe nafobinasa. Dadiꞌanomo laꞌae gahaꞌa hintu itu, sampe mokado bhitahaki bhahitiemu?

2 Petrus 1:11

Nadamo naꞌa hintimiu daelengkaangkoomu kaangkaꞌa molalesa mesuaꞌomu weo kafopahintaꞌa suhue dhamani, ingka aitumo kafopahintaꞌano Yesus Kristus Ompuntoomu mosalamati kaitamo.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.