Efesus 3:12 - Muna Southern Dialect

¹² Weo kaseꞌisentoomu bhe Anoa, dokadomoomu domaꞌoti wiseno Lahataꞌala hampano kaparasaeanto, lalonto miinamo napoibhahaa.

Efesus 3:12 Iomraidhean Croise

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Roma 5:2

Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

2 Korintus 3:4

Kapugauꞌa mani peda anaꞌa, mbaꞌinomo kabhalano posahunaꞌao mani ne Lahataꞌala hampano Kristus.

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Ibrani 10:35

Dadiꞌanomo, koise hunsaomu kaposahunaꞌaomiu! Ane sadaa-daa kaposahunaꞌaomiu, ingka nandoo bhe ponambo bhalano so netahimamiu.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Yohanes 2:28

Dadiꞌanomo anaꞌiku, dadi seꞌiseomu bhe Kristus neanomo humato namotiwoha toha Wutono, daokado dapoꞌawaane, paise daꞌumukoꞌao kaambano ne oleo kahatoꞌano.

1 Yohanes 3:21

Bhahitieꞌiku timoasiꞌaono! Ane paemo namoꞌala kaita totono lalonto, maka tetewei daokado dua dadumoli ne Lahataꞌala.