Efesus 3:10 - Muna Southern Dialect

¹⁰ Patudhuno Lahataꞌala, ampa aitu sabhaha mintahano kuasa bhe rohi neangka te antara, damandeꞌaane dua kandalono fehikino Lahataꞌala mangkaꞌano ne umatino.

Efesus 3:10 Iomraidhean Croise

Roma 11:33

Kabhalano kahangkaeano Lahataꞌala! Kalalesano timbangino bhe kandalono kapandeno! Miina mpuu natisonsoa sabhaha kabhotusino! Miina mpuu natilosangia sabhaha dhalano nokonihabu!

Roma 8:38

Aparasaea mpuu pae bhe so fopogaatiꞌaono bhe kanini kaasino Lahataꞌala: naetaa mate naetaa dadi, mahinggamo malaꞌekati mahinggamo kokuasano, naetaa kadhadhia ampa aitu naetaa kadhadhia mada kaowu, tawa kuasa sigaoꞌano,

1 Korintus 1:24

Tamaka mbali mie toka nebhasino Lahataꞌala, naetaa mieno Yahudi naetaa suano Yahudi, Kristus katiwohaꞌanomo kuasa bhe kapandeno Lahataꞌala.

1 Korintus 2:7

Wambano kapande nepulaoꞌao mani ini nomaiꞌao ne Lahataꞌala, rahasia aini notifebuni sampe miinaꞌo damandeꞌaane mieno dhunia. Tamaka mpini miinaꞌo bhe dhunia Lahataꞌala tokamo nofontaa-ntaaꞌe mbali intaodiomu, so daealaꞌao dawu ne kakalabhiano Lahataꞌala.

Efesus 1:21

Kaengkohaꞌano Kristus ini nofoliuda sabhaha kuasa te surugaa, sabhaha mintahano kuasa, sabhaha mie neangka bhe kafeompuꞌa, bhe laꞌae maka dua meꞌawano soda, naetaa dumadino dhamani aini naetaa we dhamani mbuhumai.

Efesus 1:23

Umati marasaeano ingka o mbadhanomo Kristus, nofosangkaemo Anoa mosangkano bhahi-bhahiꞌae ne amai maka dua.

Efesus 1:3

Pudhi kaitaomu Lahataꞌala, Amano Ompuntoomu Yesus Kristus, kapaꞌamo weo kaseꞌisentoomu bhe Kristus nowaꞌa kaita sabhaha kabarakati maiꞌao te surugaa.

Efesus 1:8

Kanini kaasi naꞌa nowaꞌa kaitae nopontalabhi-labhi, nopoangkafi bhe kakotimbangino bhe kasangkano fahamuno.

Efesus 6:12

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Kolose 1:16

Kapaꞌamo bhahi-bhahiꞌae nefokonandoono Lahataꞌala noangka ne Kristus. Sabhaha ndumandoono te surugaa bhe we dhunia, tiwohaꞌano bhe pata tiwohaꞌano, sabhaha rohi mintahano kuasa, sabhaha neangkando rohi, saneamo nofokonandooda Lahataꞌala noangka ne Kristus bhe nofokonandooda somo dua wutono Kristus.

Kolose 2:10

Weo kaseꞌisemiu bhe Anoa, dadimiu nosangkamo dua, kapaꞌamo Kristus mefotuꞌaonomo sabhaha rohi mahintano bhe kokuasano.

Kolose 2:15

Maiꞌao te sau salipu Kristus notalodamo sabhaha rohi mahintano bhe kokuasano. Kafotalono Kristus dowohae sabhaha mie; rohi mahintano bhe kokuasano naꞌa kanggetumo katohongku dotapuda weo hame-hameno kafotalono Kristus.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.