Efesus 2:9 - Muna Southern Dialect

⁹ Suano hasilino habumiu, keana bhe so sumangke-sangkeno wutono mbaꞌinomo nosalamati.

Efesus 2:9 Iomraidhean Croise

Roma 11:6

Lahataꞌala nopilida mbaꞌinomo rahamatino, suano mbaꞌinomo habundo. Kapaꞌamo ane kapilino Lahataꞌala maitu naengkoha ne habundo manusia, ingka rahamatino Lahataꞌala suanomo rahamati sakotuꞌunoa.

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Roma 4:2

Ane ibahano katitahimaꞌano Abraham ne Lahataꞌala nengkoha ne habuno, tantumo bhe tingkuno so nasumangke-sangkeꞌao wutono. Gahaꞌaitu miina bhe tingkuno nosangke-sangke wutono ne wiseno Lahataꞌala.

Roma 9:11

Miinaꞌo dalumentea anaꞌi hoduano maitu, miinaꞌo dua daehabu metaaꞌano bhe modaiꞌano, Lahataꞌala padamo nokobhoasao ne Ribka, “Titiisa nameompu ne aino.” Katibhoasaoꞌano peda anaꞌa, so nentaleaꞌao putae kapilino Lahataꞌala miina naengkoha ne habundo manusia, tamaka nengkoha ne kapoindalono wutono Lahataꞌala fobhasino.

Roma 9:16

Dadiꞌanomo kapilino Lahataꞌala maitu miina naengkoha ne kapoindalo tawa kaꞌuleindo manusia, tamaka taneatemo ne rahamatino wutono Lahataꞌala.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.