Efesus 2:3 - Muna Southern Dialect

³ Sakotuꞌuno endefiꞌini kosasawintoomu nopototo dua bhe andoa; dodadi doangkafi nafusuu bhe kapoindalono mbadha bhe fekihi modai. Sakotuꞌuno nopantasi mpuu Lahataꞌala nafoꞌamahaki, peda dua andoa maitu.

Efesus 2:3 Iomraidhean Croise

Markus 4:19

Tamaka nobhahi dofekihi so kadadiꞌando, nobhohe-bhoheꞌida dua kahangkaeano dhunia, pakade nobhahi kapoindalondo sigaoꞌano. Kosasawiꞌae maitu nopesua weo totono lalondo, noꞌontiꞌi bhoasaono Lahataꞌala, sampe miina nakohasilia.

Yohanes 1:13

Dembali anaꞌino Lahataꞌala, maꞌanano miina peda lentendo manusia, nomaiꞌao ne kapoindalono mbadha tawa kapoindalono moꞌane, tamaka dadi buꞌou naꞌa nomaiꞌao ne Lahataꞌala.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Tula-tulando rasulu 14:16

Nandoo dhamani wawono Lahataꞌala tanokatahodamo sabhaha bansano liwu damangkafi totono lalondo seemie-seemie.

Roma 1:24

Kanandooꞌanomo Lahataꞌala nofolapasadamo nokuasaida kapoindalondo daehabu podiu hamesa, sampe tadopokada-kadaelesaꞌaomo mbadhando sapada-pada andoa.

Roma 11:30

Endefiꞌini hintimiu meguuliomu ne Lahataꞌala, tamaka ampa aitu tahimamoomu rahamatino Lahataꞌala, hampano kameguulindo miendo Yahudi.

Roma 13:14

Fokanaomu Ompu Yesus Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ , koe folalesaea mbadhamiu so namangkafiꞌao sabhaha kapoindalono.

Roma 2:14

Tubhono agama Yahudi miina damandeꞌaanea bansano liwu sigaoꞌano. Ampamo kaowu ane habundo nomaiꞌao weo totono lalondo nopokantibha bhe tubhono agama Yahudi, ingka nokomaꞌana totono lalondo nembalimo tubhono agama so andoa, mahinggamo sakotuꞌuno miina damandeꞌao tubhono agama Yahudi.

Roma 5:10

Wakutuuno nandoo dopomodaiꞌomu bhe Lahataꞌala, Anoa nopometaa kaita noangka ne mateno Anano, mangke-mangkemo aitu padamo dopometaaꞌomu, ingka teteweimo namosalamati kaita noangka ne dadino Anano.

Roma 5:9

Aitu intaodiomu nofotahimamo Lahataꞌala peda mie banara hampano tuhuno heano Kristus, maka teteweimo dua mada kaowu dasumalamati maiꞌao ne amahano Lahataꞌala hampano Kristus.

Roma 6:12

Koemo undaꞌaaneomu o dhosa nokokuasa weo mbadha kasaramiu, keana sadhia angkafiomu kapoindalono.

Roma 7:18

Kapaꞌamo apandeꞌaane ne idi ini miina sepaliꞌa bhe metaaꞌano, patudhuku ne mbadha kamanusiaku ini. Nandoo kapoindalo metaa weo totono laloku, tamaka miina amoolie adhalangiea.

Roma 9:22

Pedamo dua aitu Lahataꞌala, nokopatudhu namotiwoha amahano bhe namotipandeꞌao kuasano. Ampamo kaowu nokosabaha mpuu ne mie so nekangkanaino amahano, mentaa-ntaano kabinasa.

1 Korintus 4:7

Kapaꞌamo laꞌae bhahaa kumonako nofoliu kakofahalaamu bhe mie bhaimu? Kona kanaꞌeomu o ae ndumandooꞌano ne hintimiu itu tapa netahimamiu maiꞌao ne Lahataꞌala! Ane kotu-kotuꞌu bhahi-bhahiꞌae tahimaeꞌomu ne Lahataꞌala, noafa bhahaa sangke-sangkeꞌao wutomiu, kao-kaomo bhahi-bhahiꞌae maitu miina tumahimaeꞌomu?

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Galatia 3:22

Ampamo kaowu weo Kitabi notibuhi putae kosasawindo manusia deate weo kuhumano dhosa. Dadiꞌanomo dhandino Lahataꞌala maitu namaꞌandae kaowu mie marasaeano, maꞌanano nengkoha ne kaparasaeando ne Yesus Kristus.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

Kolose 1:21

Hintimiu dua endefiꞌini nokodoꞌo bhe Lahataꞌala bhe poewangianeomu hampano fekihi bhe habu modaimiu.

1 Tesalonika 4:13

Bhahitieꞌi mani, gao mani mandeꞌaaneomu mpuu peda amai kolaundo mie marasaeano humunsano dhunia ini, keana nokompeaha lalomiu peda mie sigaoꞌano tapa koposahunaꞌaono ⸤ ne dadi buꞌou⸥ .

1 Tesalonika 5:6

Dadiꞌanomo pae naembalia tadaodo-odo peda mie sigaoꞌano, tamaka tabeano dakodhaga dantumaa-ntaa oleo kahatoꞌano Ompu weo katohono fekihi.

1 Timotius 6:9

Mie meꞌambano kahangkaea nehimbamo notiwudhu ne modaiꞌano, kao-kaomo nokonamo ne tandono sabhaha kapoindalo sia-sia bhe fodai-daino. Kapoindalo medando ini mobinasano bhe motonduno manusia.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

1 Petrus 1:14

Membaliomu anaꞌi meangka ne Lahataꞌala, koemo dadiomu angkafiomu kapoindalomiu endefiꞌini, wakutuuno miinaꞌo mandeꞌaoꞌomu Lahataꞌala.

2 Petrus 2:14

Matando noponoꞌao nafusuu kamonsule bhe miina bhe kangaraa dehabu dhosa. Mie monaleno kaparasaea dowudhuda. Totono lalondo dokane-kaneaꞌane kakadau-dau. Andoa o mie somo nekangkanaino balaano narakaa.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

1 Yohanes 2:16

Kanandoono dhunia ini tanofegiu, peda kapoindalono mbadha, kapoindalo damalaꞌi sabhaha newoha, bhe sabhaha giu kaelangkeꞌa diu. Kosasawiꞌae ini miina namaiꞌao ne Amantoomu tamaka nomaiꞌao ne dhunia.

1 Yohanes 2:8

Ampamo kaowu pahinta nebuhiku ini naembali dua dakumonae nobuꞌou, kapaꞌamo kakotuꞌuno notiwohamo ne wutono Kristus bhe ne hintimiu. Ingka aitu o kahohondo dhulumo kasali, tilanga sakotuꞌuno notiumbamo.