Efesus 2:20 - Muna Southern Dialect

²⁰ Hintimiu tapedamo lambu bhalano, nefoeheno Lahataꞌala te wawono kontu sandi. Sandi anaꞌa padamo dofongkohae rasuluꞌi bhe ana-anabii. Sandi foliuno kabhala ingka wutono Kristus.

Efesus 2:20 Iomraidhean Croise

Matius 16:18

Amohatoko, hintumo Petrus ⸤ maꞌanano nea aini o kontu dempa,⸥ maka te wawono dempa aini amoehe umatiku. Mahingga kuasano mate pae natumaloea.

Matius 21:42

Ambano Yesus, “Miinaꞌo basaeꞌomua gahaꞌa tibuhino weo Kitabino anabii peda aini, ‘Kontu neꞌohondo mefelambuno, gahaꞌa nembalimo sandi bhalano. Kapedaꞌano naꞌa hampano kuasano Ompu, wohaꞌano giu timenteꞌaono.’

1 Korintus 12:28

Lahataꞌala padamo nefotantu mie weo umati: kabhao-bhaono nandoo membalino rasulu, kahaa iseno nandoo membalino anabii, katolu iseno nandoo membalino guru. Pada anaꞌa nandoo metahimano kapooli dehabu tanda timenteꞌaono, kapooli defekaꞌosa mie mosaki, kapooli dotulumi mie bhaindo, kapooli dembali neangka, bhe kapooli dopugauꞌao sabhaha wambano Rohi.

Galatia 2:9

Dowoha kaowu rahamati netahimaku so aembaliꞌao rasulu, maka Yakobus, Petrus bhe Yohanes dopointaha lima kanaumo bhe Barnabas dua, peda tandano pobhahitie. Andoa ini ingka kapasandeꞌandomo mie marasaeano. Tapoꞌunda-undapianemo insaodi taefolele Bhihita Metaa ne mie suano Yahudi, andoa daefolele Bhihita Metaa ne miendo Yahudi.

Efesus 3:5

Ne dhamani wawono rahasia aini miina sepaliꞌa damotiwohae ne manusia, tamaka ampa aini nofekantaleaꞌiemo Rohino Lahataꞌala ne rasuluꞌi bhe ana-anabii mongkilono.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

1 Petrus 2:6

Kapaꞌamo notibuhi weo Kitabi peda aini, “Padamo aepili sepoi kontu koharagaa, ahunsae te kabhawono Sion somo sandi bhalano. Sabhaha mie marasaeano ne Anoa paise nandidikiane lalondo.”

Powoha 21:14

Sandino benteno kota amaitu ompulu haa poi kontu bhalano, te wawono notibuhi neando koompulu hoduando rasuluno Anano Dhumba.