Efesus 2:2 - Muna Southern Dialect

² Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Efesus 2:2 Iomraidhean Croise

Matius 11:19

Pada anaꞌa Anano Manusia - Idimo ini - nohato nohumaa nofohoꞌu, ambado mie, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’ Tamaka kakotimbangino Lahataꞌala notipandeꞌao kakotuꞌuno ne hasilino.”

Matius 13:22

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala, tamaka nobhahi dofekihi so kadadiꞌando bhe nobhohe-bhoheꞌida kahangkaeano dhunia. Kosasawiꞌae naꞌa nopesua weo totono lalondo noꞌontiꞌi bhoasaono Lahataꞌala sampe miina nakohasilia.

Matius 13:38

Kaampono, maꞌanano dhunia ini. Wine metaa, maꞌanano umatino Kafopahintaꞌano Lahataꞌala; dana nokomaꞌanaꞌao mie tumaino ne Kafeompuꞌando seetani.

Markus 4:19

Tamaka nobhahi dofekihi so kadadiꞌando, nobhohe-bhoheꞌida dua kahangkaeano dhunia, pakade nobhahi kapoindalondo sigaoꞌano. Kosasawiꞌae maitu nopesua weo totono lalondo, noꞌontiꞌi bhoasaono Lahataꞌala, sampe miina nakohasilia.

Lukas 16:8

Kafeompuꞌano nopudhi sepaliꞌa mintahano kahangkaeano tapa melaano lalo naꞌa hampano kakoꞌakalano. Daanumo miendo dhunia ini dofoliu kakoꞌakalando ne mie bhaindo ane dopototoane bhe miendo kantalea.

Lukas 22:31

“Simon, Simon, fetingke kanauꞌo. Kafeompuꞌando seetani pada nofealai nasumolo-solokoomu, tapedamo mie detepisao pae.

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

Yohanes 13:2

Yesus bhe anaguhuꞌino nandoo dohumaa. Kafeompuꞌando seetani padamo nokamuntui Yudas anano Simon Iskariot, nowaꞌane patudhu modai weo totono lalono so namowaꞌao Yesus ne limando kaewa.

Yohanes 13:27

Sanoꞌawa roti anaꞌa Yudas nopesuakiemo Kafeompuꞌando seetani. Ambano Yesus ne Yudas, “Habumo fekahimba so nehabumu itu.”

Yohanes 14:30

Paemo naobhahia apuga-pugau bhe hintimiu, kapaꞌamo Mowano Dhunia ⸤ maꞌanano Kafeompuꞌando seetani⸥ nahumatomo. Tamaka anoa miina sepaliꞌa nakokuasa ne Idi.

Yohanes 15:19

Ane hintimiu maiꞌaoꞌomu ne dhunia, tetewei dhunia damasiangkoomu peda fehebuaꞌando. Tamaka padamo apilikoomu, dadiꞌanomo hintimiu suanomo fehebuaꞌano dhunia, katibansiꞌamiumo ne dhunia.

Yohanes 16:11

Namoꞌinsafuanda dua kabhotusino Lahataꞌala, hampano Mowano Dhunia ⸤ maꞌanano Kafeompuꞌando seetani⸥ padamo nobhotusie.

Yohanes 7:7

Dhunia pae bhe kapooli dabansikoomua, tamaka dobansi Idi, hampano Idi sadhia afeꞌulaianda kadaino habundo.

Yohanes 8:23

Yesus nopugaumo dua ambano, “Hintimiu maiꞌaoꞌomu we panda. Idi amaiꞌao te wawo. Hintimiu maiꞌaoꞌomu we dhunia ini, Idi miina amaiꞌao ne dhunia.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Tula-tulando rasulu 19:35

Panda-pandano dhurutulusino kota aitu nopooli dua nofohempo mie bhahi maitu. Ambano, “Miendo Efesus! Ingka kosasawindo mie ne dhunia ini dopandeꞌaane putae kotanomo Efesus ini mohilalono lambu katisombaiꞌano dewa Artemis fofoliuno kakalabhia. Intaodiomu dua mohilalono kontu mongkilono sandahano, sumampuꞌano maiꞌaono te lani.

Tula-tulando rasulu 5:3

Tamaka Petrus nopugaumo ne Ananias ambano, “Ananias, noafa gahaꞌa totono lalomu nokuasaiane Kafeompuꞌando seetani, sampe gau-gaumo Rohino Lahataꞌala? Ingka olino witemu sedawu hunsae so wutomu?

Roma 12:2

Koemo mesandahaomu ne sabhaha podiu bhe kaneano dhunia ini, tamaka hunsaꞌanomo Lahataꞌala namahabuꞌouni fekihimiu sampe natibhalii dadimiu. Ane nadamo anaꞌa mandeꞌaaneomu medano ae kapoindalono Lahataꞌala: sabhaha podiu metaaꞌano, mekaꞌiano lalono bhe sumangkaꞌano.

1 Korintus 5:10

Ampamo kaowu patudhuku suano sabhaha mie ne dhunia ini pokawite-witeno bhe kumadau-dauno, tawa mie fobhohe-bhoheꞌino bhe mesombaino barahala. Kapaꞌamo ane nada naꞌa ingka tabeano gumampianemoomu dhunia inia.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Galatia 1:4

Yesus Kristus nofotawakala wutono sampe dopongkoe mbali katolosino dhosantoomu, so namolapaꞌao intaodiomu maiꞌao ne dhamani modai ini. Habuno Kristus ini noangkafi kapoindalono Lahataꞌala Amantoomu.

Efesus 1:21

Kaengkohaꞌano Kristus ini nofoliuda sabhaha kuasa te surugaa, sabhaha mintahano kuasa, sabhaha mie neangka bhe kafeompuꞌa, bhe laꞌae maka dua meꞌawano soda, naetaa dumadino dhamani aini naetaa we dhamani mbuhumai.

Efesus 2:11

Dadiꞌanomo bhahitieꞌiku, feꞌulaiꞌeomu koeatemiu endefiꞌini. Miendo Yahudi dokona hintimiu suano miendo Yahudi “o mie tapa nesuna”, ⸤ kapaꞌamo miendo Yahudi maitu doabhi wutondo andoamo kaowu umatino Lahataꞌala hampano padamo desuna.⸥ Gahaꞌaitumo kasuna naꞌa ingka dohabue kaowu mie ne mbadhano manusia.

Efesus 2:13

Tamaka ampa aitu nobhaliimo hampano kaseꞌisemiu bhe Kristus Yesus. Endefiꞌini hintimiu mokodoꞌoomu bhe Lahataꞌala, tamaka hampano tuhuno heano Kristus ampa aitu momaꞌomoomu.

Efesus 2:3

Sakotuꞌuno endefiꞌini kosasawintoomu nopototo dua bhe andoa; dodadi doangkafi nafusuu bhe kapoindalono mbadha bhe fekihi modai. Sakotuꞌuno nopantasi mpuu Lahataꞌala nafoꞌamahaki, peda dua andoa maitu.

Efesus 4:17

Dadiꞌanomo, amohatokoomu weo neano Ompu bhe amodhagakoomu: koemo toha dadiomu peda mie tapa mandeꞌaono Lahataꞌala, mefekihino sabhaha tapa kofahalaano.

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

Efesus 5:6

Koise dobhohe-bhoheꞌiangkoomu sabhaha pugau tapa kofahalaa, kapaꞌamo podiu medando naꞌa neowa amahano Lahataꞌala ne mie tapa meangkano.

Efesus 5:8

Daanumo endefiꞌini hintimiu meateomu weo kahohondo, tamaka ampa aitu pesuamoomu we mentaleaꞌano, seꞌisemoomu bhe Ompu. Dadiꞌanomo dadiomu peda mie meateno ne mentaleaꞌano.

Efesus 6:12

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Kolose 1:21

Hintimiu dua endefiꞌini nokodoꞌo bhe Lahataꞌala bhe poewangianeomu hampano fekihi bhe habu modaimiu.

2 Timotius 4:10

Kapaꞌamo Demas nohunsa kanaumo, noasiꞌaomo dhunia ini, nokalamo we Tesalonika. Kreskes nokalamo dua we Galatia, bhe Titus we Dalmatia.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.

Yakobus 1:7

Mie pedando naꞌa koemo nefehoo-hooa nakoniꞌawa maiꞌao ne Ompu,

Yakobus 4:4

Hintimiu mie kumangkalaꞌino podhandimiu bhe Lahataꞌala. Miina mandeꞌaaneomua bhahaa putae ane posabhangkaomu bhe dhunia modai, ingka membalimoomu kaewano Lahataꞌala? Dadiꞌanomo ane dopoindalo doposabhangka bhe dhunia modai, dohabumo wutondo mbali kaewano Lahataꞌala.

1 Petrus 1:14

Membaliomu anaꞌi meangka ne Lahataꞌala, koemo dadiomu angkafiomu kapoindalomiu endefiꞌini, wakutuuno miinaꞌo mandeꞌaoꞌomu Lahataꞌala.

1 Petrus 4:3

Ingka endefiꞌini nompona sepaliꞌa angkafiomu kapoindalondo manusia tapa mandeꞌaono Lahataꞌala. Hintimiu angkafiomu sabhaha nafusuu, kapoindalo modai, fohoꞌu ampa mololanuomu, sakahame, mempohoꞌuomu, bhe mesombaiꞌomu barahala timohakuno.

2 Petrus 2:14

Matando noponoꞌao nafusuu kamonsule bhe miina bhe kangaraa dehabu dhosa. Mie monaleno kaparasaea dowudhuda. Totono lalondo dokane-kaneaꞌane kakadau-dau. Andoa o mie somo nekangkanaino balaano narakaa.

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

1 Yohanes 4:4

Anaꞌiku! Hintimiu fehebuaꞌano Lahataꞌala, talodamoomu mpahaana-anabiino, hampano Rohino Lahataꞌala weo totono lalomiu nofoliuꞌe kuasano rohi weo totono lalondo miendo dhunia ini.

1 Yohanes 5:19

Ingka dopandeꞌaanemo intaodiomu ini fehebuaꞌano Lahataꞌala, tamaka kosekaꞌewaꞌae dhunia ini nokuasaiꞌe Kafeompuꞌando seetani.

1 Yohanes 5:4

Kotika anaꞌino Lahataꞌala domondoiꞌe dotalo ⸤ kawudhuno⸥ dhunia. Dotaloane ae bhahaa? Ingka kaparasaeantoomu.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Powoha 13:14

Mie meateno we dhunia nofekakolilinoanda tanda-tanda timenteꞌaono, nefopooliꞌao ne anoa so nahumabu ne wiseno kadadi kabhao-bhaono naꞌa. Anoa notudu dua mie meateno we dhunia daehabu patung so dasumombaiꞌao kadadi mobhelaꞌaono kampue tamaka sadaa-daa nodadi.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 16:17

Palusi aitu malaꞌekati kapipituno nosungkamo mangkono te antara. Gahaꞌa tanotifetingkemo suaha nomaiꞌao ne kaengkohaꞌa kumalabhiano weo Boloku Mongkilo, nohaaꞌi sepaliꞌa ambano, “Nopalusimo!”

Powoha 20:2

Malaꞌekati amaitu nohakomo naga, o ule ngkamukula, nekonando dua Kafeompuꞌando seetani bhe Kolakino rohi modai, maka nokatapue sehewu taꞌu kaomponano.