Efesus 2:10 - Muna Southern Dialect

¹⁰ Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Efesus 2:10 Iomraidhean Croise

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Yohanes 3:21

Tamaka sasuka mie mangkafino kabanara namai ne kotilangaꞌano, neanomo natiwoha podiuno maitu nohabue noangkafi kapoindalono Lahataꞌala.”

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Tula-tulando rasulu 9:36

We kotano Yope nandoo seemie hobhine mangkafino Yesus, neano Tabita; weo wamba Yunani neano Dorkas. Hobhine anaꞌa nobhahi sepaliꞌa nehabu metaaꞌano, sadhia netulumi mie mokae.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 8:29

Andoa padamo nopilida Lahataꞌala mpini kabhao-bhaono, padamo dua nofotantuda mpini wawono dasekatu bhe Anano. Pedamo anaꞌa Anano maitu nembalimo titiisa, o aino dobhahi.

1 Korintus 3:9

Kapaꞌamo insaodi ini taposabha-sabhangka weo kahadhaa so Lahataꞌala, hintimiu itu tapedamo kaampono Lahataꞌala, tapedamo dua lambu so Lahataꞌala.

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

2 Korintus 5:5

Tamaka ingka wutono Lahataꞌala montaa-ntaa kaitaomu so patudhu anaꞌa, Anoamo dua maꞌa kaita Rohino somo kafekantoono dhandino ⸤ putae tetewei mada kaowu daꞌumawae kosasawiꞌae nedhandiꞌaono⸥ .

2 Korintus 9:8

Maka Lahataꞌala nokokuasa namaꞌangkoomu sabhaha kabarakatino napontalabhi-labhi, sampe sabhaha kafaraluu weo dadimiu sadhia napokapo-kapo, bhahamoa tanakolabhimo so mehabuꞌaoꞌomu sabhaha metaaꞌano.

Galatia 6:15

Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Efesus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala. Apakatue so hintimiu umati mongkilono Lahataꞌala we Efesus, motangkano kaparasaea ne Kristus Yesus.

Efesus 1:4

Mpini miinaꞌo natifokonandoo dhunia, Lahataꞌala nofopilimo noangka ne Kristus, neanomo daembali mie mongkilo bhe pata kodengono ne wiseno.

Efesus 2:13

Tamaka ampa aitu nobhaliimo hampano kaseꞌisemiu bhe Kristus Yesus. Endefiꞌini hintimiu mokodoꞌoomu bhe Lahataꞌala, tamaka hampano tuhuno heano Kristus ampa aitu momaꞌomoomu.

Efesus 2:15

Kapaꞌamo mateno Kristus peda seemie manusia nofosaliemo tubhono agama Yahudi bhe sabhaha pahinta bhe atorano. Patudhuno neanomo bansano liwu haa onuno ini daembali naseꞌonu bansano liwu buꞌou seꞌiseno bhe Kristus. Pedamo naꞌa neowa pometaaꞌa.

Efesus 2:2

Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.

Efesus 2:6

Hampano kaseꞌisentoomu bhe Kristus Yesus, Lahataꞌala nofowanu kaitamo dua maiꞌao ne mate maka nowaꞌa kaita dua kaengkohaꞌa dopoowa-owa bhe Kristus te surugaa.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Efesus 4:24

Dadiꞌoomu toha peda manusia buꞌou nefokonandoono Lahataꞌala peda katuno Wutono, maꞌanano manusia kotu-kotuꞌu banarano, kotu-kotuꞌu mongkilono.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

Filipi 2:13

Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

Kolose 3:10

Ampa aitu dowaꞌangkomoomu dadi buꞌou, hintimiu membalimoomu manusia buꞌou. Mokonandoono dadi buꞌou naꞌa nopahabuꞌounikoomu kansuhu ampa sifatimiu napototo bhe Wutono. Patudhuno neanomo mandeꞌaaneomu mpuu wutono Lahataꞌala maitu.

1 Timotius 2:10

Tamaka wutondo tadalumegasiane habu metaa, mantasiꞌano mbali seemie hobhine mabhino wutono nofeompu ne Lahataꞌala.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

1 Timotius 5:25

Pedamo dua habu metaa lasao notiwoha, tamaka ane miina napikitiwoha, tetewei pae natifebuni kansuhua.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

2 Timotius 2:21

Ane seemie nofekangkilo wutono ne sabhaha modaiꞌano, anoa itu tapedamo kaenteiꞌa so kafaraluuno hame bhalano saꞌituini, ingka padamo dofekangkiloe. Anoa nokofahalaa so kafeompuꞌano, nomantaa-ntaamo so sabhaha kahadhaa metaa.

2 Timotius 3:17

Ane nada anaꞌa, manusia fehebuaꞌano Lahataꞌala nasumangkamo bhe katokano so nahumabuꞌao sabhaha metaaꞌano.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Titus 2:7

Wutomumo so membalino sandahando weo habu metaa. Ane fofoinaꞌu, tabeano naelaa totono lalomu bhe kumampuu-mpuu,

Titus 3:1

Mefeꞌulaianda umatimu, datumuhu ne pamarinta bhe mie kokuasano, daeangka ne pahintando bhe sadhia damantaa-ntaa daehabu metaaꞌano.

Titus 3:14

Mientoomu tabeano dapoguhu dua dakumahadhaa metaaꞌano so kafaraluundo mentae mohondo, koe dembali mie tapa kofahalaa.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Ibrani 10:24

Fodo-fodoli kaitaomu fekihi so dapofeka-fekatangka lalo, neanomo sedhuluꞌa dua kabhalano kanini kaasi bhe habu metaantoomu.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.

1 Yohanes 2:6

Laꞌae mugauno nodadi noseꞌise bhe Lahataꞌala, tabeano nadumadi namangkafi sandahano dadino Yesus Kristus.