Efesus 1:7 - Muna Southern Dialect

⁷ Hampano tuhuno heano Kristus bhe kaseꞌisentoomu bhe Anoa, Lahataꞌala nofobebasi kaitamo, maꞌanano noꞌamponiemo dhosantoomu, noposahataa bhe kabhalano rahamatino.

Efesus 1:7 Iomraidhean Croise

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Matius 26:28

Heakumo inia. Heaku ini damotuhue so mie bhahi, somo mekatangkano podhandino Lahataꞌala bhe manusia, somo dua katiꞌamponiꞌano dhosando.

Matius 6:12

Amponie sabhaha dhosa mani, pedamo dua insaodi tamaꞌafuꞌao mie kokaꞌalano ne insaodi.

Markus 14:24

Yesus nopugaumo toha ambano, “Heakumo inia. Hea aini damotuhue so mie bhahi, somo mekatangkano podhandino Lahataꞌala bhe manusia.

Lukas 1:77

somo mohatono umatino putae Lahataꞌala namosalamatida, hampano dhosando naꞌumamponie.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Yohanes 20:23

Ane dhosando mie umamponidaomu, Lahataꞌala naꞌumamponida dua. Tamaka ane pugauꞌomu dhosando sadaa-daa, dhosando sadaa-daaꞌe.”

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Roma 2:4

Mepandaaneomu gahaꞌa kataano lalono Lahataꞌala pontalabhi-labhino, kakosabahano bhe kakowaweno lalono ne hintimiu? Miina mandeꞌaanemoomu bhahaa putae kataano lalono Lahataꞌala nokopatudhu namatokoomu so metompaꞌao dhosamiu maka dumoliomu ne Lahataꞌala?

Roma 3:24

Hampanomo kaowu rahamatino Lahataꞌala, manusia notahimada Lahataꞌala peda mie banara noangka ne Kristus Yesus fobebasino. Rahamati aini o kawaꞌao pata koꞌoli.

Roma 3:25

Lahataꞌala padamo nofotantue putae Yesus nembali kapopanga mosalino amahano Lahataꞌala, noangka ne tuhuno heano. Kapometaa naꞌa datumahimae ane damarasaea ne Yesus. Aini nohabue Lahataꞌala so notiwohaꞌao kaꞌadhilino, kapaꞌamo padamo nosabahakie sabhaha dhosando manusia endefiꞌini, patamo katihukumuꞌando.

Roma 9:23

Kahabuꞌano peda anaꞌa Lahataꞌala, neanomo namotipandeꞌao kakalabhiano pontalabhi-labhino ne mie nemobhelaꞌaono lalono, mie toka nefontaa-ntaano wawo so tumahimano kakalabhiano.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Efesus 1:14

Rohino Lahataꞌala ini kafekantoono dhandino Lahataꞌala putae tetewei namada kaowu daꞌumawae kosasawiꞌae nedhandiꞌaono. Aini nofekatangka dua kaparasaeantoomu, ingka intaodiomu fehebuaꞌano Lahataꞌala ini, kotu-kotuꞌu dabebasi ⸤ maiꞌao ne kuasano dhosa⸥ . Pudhi kaitaomu Lahataꞌala hampano kakalabhiano!

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.

Efesus 1:6

Nopantasimo mpuu damekakalabhia Lahataꞌala, kapaꞌamo nofotohaiꞌao kanini kaasino noangka ne Anano kamoasiꞌaono.

Efesus 1:8

Kanini kaasi naꞌa nowaꞌa kaitae nopontalabhi-labhi, nopoangkafi bhe kakotimbangino bhe kasangkano fahamuno.

Efesus 2:4

Tamaka kapontalabhi-labhino maka rahamatino Lahataꞌala! Hampano kabhalano kanini kaasino ne intaodiomu,

Efesus 2:7

Patudhuno Lahataꞌala neanomo ne dhamani te wise namotiwoha kabhalano kataano lalono ne intaodiomu ini. Kataano lalono bhe kanini kaasino nofosampue ne intaodiomu noangka ne Kristus Yesus.

Efesus 3:16

Asambahea sio-siomo Lahataꞌala kumalabhiano kuasa, namekatangka totono lalomiu, namekaꞌosaane Rohino.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Filipi 4:19

Lahataꞌala nesombaiku namokapoangkoomu sabhaha kafaraluumiu namaiꞌao ne kahangkaeano Kristus Yesus pontalabhi-labhino.

Kolose 1:14

Noangka ne Anano, nofobebasi kaitaomu, maꞌanano dhosantoomu notiꞌamponimo.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Kolose 2:13

Hintimiu endefiꞌini momateomu hampano sabhaha kaꞌalamiu pakade mbadhamiu miina natisunaa. Tamaka ampa aitu Lahataꞌala nofodadikomoomu poowa-owaomu bhe Kristus. Lahataꞌala noꞌamponiemo sabhaha kaꞌalantoomu.

Kolose 2:2

Bhahi-bhahiꞌae ini ahabue so naotangkaꞌao lalondo umati bhe daseꞌise weo kanini kaasi. Ane nada naꞌa andoa daeꞌawa kabarakati bhalano, maꞌanano kotu-kotuꞌu dalumosangie kabanara, paemo dapoibhahaanea. Damandeꞌaane dua rahasiano Lahataꞌala, ingka wutono Kristus.

1 Timotius 2:6

Anoa ini noowa Wutono mbali katolosino dhosando kosasawindo manusia. Pedamo anaꞌa Lahataꞌala nofotiwohamo kakampuu-mpuuno nofosalamati manusia ne tempo toka nefotantuno.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Titus 3:6

Rohino naꞌa nowaꞌa kaitae Lahataꞌala miina naegana-ganaa, noangka ne Yesus Kristus Fosalamatino.

Ibrani 9:22

Daanumo weo tubhono agama Yahudi naembali dakumonae bhahi-bhahiꞌae dofekangkiloane hea. O dhosa pae bhe kapooli natiꞌamponi ane pae bhe hea lumimbaꞌano.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Yohanes 2:12

Hintimiu membalino anaꞌi, aebuhiangkoomu peda aini kapaꞌamo dhosamiu notiꞌamponimo hampano Kristus.

1 Yohanes 2:2

Kristus nembalimo kapopanga pometaaꞌaono manusia bhe Lahataꞌala, mosalinomo dhosantoomu. Bhahamoa suano kaowu dhosantoomu, tamaka dhosando manusia kosedhuniaꞌae ini.

1 Yohanes 4:10

Suano intaodiomu maꞌinduluno moasiꞌaono Lahataꞌala, tamaka Anoa fomoasiꞌaono sampe notudu Anano nembali kapopanga pometaaꞌaono manusia bhe Lahataꞌala, mosalinomo dhosantoomu. Ainiꞌaemo kanini kaasi sakotuꞌuno.

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.