Efesus 1:4 - Muna Southern Dialect

⁴ Mpini miinaꞌo natifokonandoo dhunia, Lahataꞌala nofopilimo noangka ne Kristus, neanomo daembali mie mongkilo bhe pata kodengono ne wiseno.

Efesus 1:4 Iomraidhean Croise

Matius 24:22

Ane ibahano Ompu pae nakumuhangi tempono, kotika dumadino pae bhe so sumalamatino. Tamaka mbaꞌinomo nandoo umati tipilino, Ompu nakumuhangi tempono.

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 24:31

Duhulele bhalano nakondii. Anano Manusia natumudumo malaꞌekatino dalumimba dahumompunao umati tipilino namaiꞌao ne kofatowalaꞌae alamu, maiꞌao we tompano lani sewetano ampa we sewetano.

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Yohanes 10:16

Nandoo dua dhumbaku sigaoꞌano tapa maiꞌaono ne katondo aini. Andoa maitu tetewei dua amatoda maka datumandaiꞌe dua suahaku, dadiꞌanomo daembalimo naseguluma, dhagando naseemie.

Yohanes 15:16

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Yohanes 17:24

Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Tula-tulando rasulu 13:48

Dofetingke anaꞌa kosasawindo mie suano Yahudi doꞌia bhe dopudhi bhoasaono Lahataꞌala; o mie nepilino Lahataꞌala so dumadino suhue dhamani doparasaeamo.

Tula-tulando rasulu 15:18

Ompu nofofohatoꞌao bhahi-bhahiꞌae ini mpini dhamani wawono.

Tula-tulando rasulu 18:10

O idi apobhaiangko kansuhu, pae bhe so dumingkukoa tawa modee-deekoa hampano dobhahi umatiku weo kota aini.”

Roma 8:33

Nandoo bhahaa so mobhieꞌaono mie nepilino Lahataꞌala? Ingka miina, kapaꞌamo wutono Lahataꞌala padamo nofotahima peda mie banara.

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Efesus 3:17

Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.

Efesus 4:2

Naetaa sadhia mekapanda wutomiu, naomalu lalomiu bhe kosabahaomu. Fotiwohaeꞌomu kanini kaasimiu weo potulu-tulumiꞌa.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Efesus 5:27

Kahabuꞌano peda amaitu, neanomo namowa umatino te wiseno Wutono ⸤ peda loꞌia buꞌou hobhine⸥ , naombena ulano, pae nakotindu-tindua, pae nakongkuhu-ngkuhua tawa kadengo sigaoꞌano, tamaka umati daongkilo bhe pae dakodengo-dengoa.

Filipi 2:15

Ane nada anaꞌa motiwohaemoomu ingka hintimiu anaꞌino Lahataꞌala tapa kodengo-dengono, metaano diu bhe melaano lalo, dumadino ne wunta-wuntando mie dhamani aini, kosikadhi modaino bhe kolilinono totono lalo. Hintimiu membaliomu tapedamo kulipopo te lani kotilangano ne wunta-wuntando andoa maitu,

Kolose 1:22

Tamaka ampa aitu hampano mateno Anano peda seemie manusia, Lahataꞌala nopometaaꞌangkomoomu. Nadamo anaꞌa Kristus namowakoomu ne wiseno Lahataꞌala, naongkilo bhe namoinda totono lalomiu, paemo kodengo-dengoomua.

Kolose 2:2

Bhahi-bhahiꞌae ini ahabue so naotangkaꞌao lalondo umati bhe daseꞌise weo kanini kaasi. Ane nada naꞌa andoa daeꞌawa kabarakati bhalano, maꞌanano kotu-kotuꞌu dalumosangie kabanara, paemo dapoibhahaanea. Damandeꞌaane dua rahasiano Lahataꞌala, ingka wutono Kristus.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

1 Tesalonika 3:12

Sio-siomo dua Ompu namodhulu kabhalano kanini kaasimiu sapada-pada hintimiu bhe ne sabhaha mie ampa napontalabhi-labhi, pedamo dua kanini kaasi mani ne hintimiu.

1 Tesalonika 4:7

Kapaꞌamo Lahataꞌala miina nafosaliꞌi dadumadi pokawite-wite, tamaka dadumadi mongkilo.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

1 Petrus 1:20

Kristus tokamo nopilie Lahataꞌala mpini miinaꞌo bhe dhunia, tamaka kaneꞌo notiumba ne pandano dhamani aini, so kasalamatiꞌamiu.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.

1 Yohanes 4:16

Ingka dopandeꞌaane bhe doparasaeaꞌemoomu kanini kaasino Lahataꞌala ne intaodiomu. Lahataꞌala maitu o kanini kaasi. Mie dumadino weo kanini kaasi noseꞌise bhe Lahataꞌala bhe Lahataꞌala neate weo totono lalono.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.