Efesus 1:3 - Muna Southern Dialect

³ Pudhi kaitaomu Lahataꞌala, Amano Ompuntoomu Yesus Kristus, kapaꞌamo weo kaseꞌisentoomu bhe Kristus nowaꞌa kaita sabhaha kabarakati maiꞌao te surugaa.

Efesus 1:3 Iomraidhean Croise

Lukas 2:28

Simeon lasao noala anaꞌi aitu maka noꞌawie bhe nopudhi Lahataꞌala ambano,

Yohanes 14:20

Ne oleo anaꞌa mandeꞌaaneomu Idi aseꞌise bhe Amaku, hintimiu seꞌiseomu bhe Idi, Idi aseꞌise bhe hintimiu.

Yohanes 17:21

Aesalo sio-siomo kosasawindo daseꞌise, peda Hintu Ama seꞌise bhe Idi, Idi aseꞌise bhe Hintu. Sio-siomo dua daseꞌise bhe Intaodi, neanomo dhunia damarasaea Hintumo tumudu kanau.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Roma 12:5

Pedamo dua intaodiomu, mahinggamo dobhahiomu, weo kaseꞌise bhe Kristus mbadhantoomu seꞌise kaowu. Intaodiomu ini seemie-seemie dopokai-kai dembali katokano mbadha seꞌiseno naꞌa.

Roma 15:6

Ane nada naꞌa, ingka sekakolalomoomu membaliomu sesuaha mefoampeomu kapudhi ne Lahataꞌala, Amano Ompuntoomu Yesus Kristus.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

1 Korintus 12:12

O mbadha seꞌise, katokano nobhahi; mahinggamo nobhahi katokano, ingka sembadha kaowu. Pedamo dua aitu Kristus.

2 Korintus 1:3

Notipudhi mpuu Lahataꞌala Amano Ompuntoomu Yesus Kristus, Waꞌama kokabhelano lalo bhe kamaiꞌanomo sabhaha kalawesino lalo.

2 Korintus 11:31

Lahataꞌala, Amano Ompu Yesus, nopandeꞌaane miina akopahaa. Natipudhi neano ampa suhue dhamani.

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Galatia 3:9

Abraham noparasaea ne Ompu, maka neꞌawa kabarakati. Dadiꞌanomo kosasawindo marasaeano daeꞌawa dua kabarakati peda neꞌawano Abraham.

Efesus 1:10

Patudhuno anaꞌa peda aini: bhahi-bhahiꞌae ndumandoono te surugaa bhe we dhunia namoseꞌiseda bhe Kristus somo neangkando. Aini tetewei namekakoꞌulae Lahataꞌala, nahumato kaowu tempono.

Efesus 1:17

Aesalo ne Lahataꞌalano Ompuntoomu Yesus Kristus, Amantoomu kumalabhiano, sio-siomo namaꞌangkoomu Rohino. Rohi aitu namaꞌangkoomu kapande bhe kantaleano fekihi sampe kotu-kotuꞌu mandeꞌaaneomu Lahataꞌala.

Efesus 1:20

nepakeno nofowanu Kristus maiꞌao ne mate, maka nowaꞌane kaengkohaꞌa foliuno kalangke ne suanano te surugaa.

Efesus 2:6

Hampano kaseꞌisentoomu bhe Kristus Yesus, Lahataꞌala nofowanu kaitamo dua maiꞌao ne mate maka nowaꞌa kaita dua kaengkohaꞌa dopoowa-owa bhe Kristus te surugaa.

Efesus 3:10

Patudhuno Lahataꞌala, ampa aitu sabhaha mintahano kuasa bhe rohi neangka te antara, damandeꞌaane dua kandalono fehikino Lahataꞌala mangkaꞌano ne umatino.

Efesus 6:12

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Filipi 2:11

Kosasawindo naꞌa daꞌumakui putae Yesus Kristus maitu o Ompu, somo kakalabhiano Lahataꞌala Amantoomu.

Ibrani 8:5

Kahadhaando dembali imamu maitu sakotuꞌuno mbali kaowu sandaha bhe kaꞌibahati ndumandooꞌano te surugaa. Aini noposahataa bhe bhoasaono Lahataꞌala ne anabii Musa endefiꞌini wakutuuno nefoehe tenda kaeateꞌano Lahataꞌala. Lahataꞌala nokobhoasao peda aini, “Tandaiꞌe! Bhahi-bhahiꞌae itu tetewei humabue angkafi sandaha nefotiwoha ne hintu te kabhawo.”

Ibrani 9:23

Bhahi-bhahiꞌae ndumandooꞌano ⸤ weo tenda naꞌa⸥ , kaꞌibahatino ndumandooꞌano te surugaa, tabeano dofekangkiloe peda anaꞌa. Tamaka bhahi-bhahiꞌae kanandoo sakotuꞌuno te surugaa nofaraluu damekangkiloane kapopanga sedhuluꞌano kataa.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.