Efesus 1:13 - Muna Southern Dialect

¹³ Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.

Efesus 1:13 Iomraidhean Croise

Lukas 11:13

Dadiꞌanomo sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao Rohino ne laꞌae maka dua mesaloiꞌe.”

Lukas 24:49

Mada kaowu o Idi amakatuangkoomu toka nedhandiꞌaono Amaku. Ampamo kaowu hintimiu tetewei meateomu weo kota ini sampe nakumabhintikoomu kuasa namaiꞌao te surugaa.”

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

Yohanes 15:26

Mada kaowu atumuduangkoomu Fotulumino maiꞌaono ne Amaku, Rohino Lahataꞌala meowano kabanara. Anoamo itu sumakusii kanau.

Yohanes 3:33

Tamaka tumahimano bhihitano nefosampeno maitu noꞌakuiꞌemo kabanarano Lahataꞌala.

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Tula-tulando rasulu 1:4

Sepaku tangasano nohumaa bhe andoa, nopugauandamo ambano, “Koe hunsaomu Yerusalem ini, meateomu ne ini. Antagiomu dhandino Amaku, dhandino nepulaoꞌaoku endefiꞌini.

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Tula-tulando rasulu 2:33

Pada nosangkee Lahataꞌala te melangkeꞌano bhe nowaꞌane kuasa, notahimamo Rohino Lahataꞌala nedhandiꞌaono maitu. Rohi aitu nofosampuemo dua ne insaodi ini, peda newoha bhe nefetingkemiu aitu.

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Roma 4:11

Kasuna maitu notahimae peda sehonda tanda, o bukutii motangka putae Lahataꞌala notahimae peda seemie banara hampano kaparasaeano. Gahaꞌaitumo ingka miinaꞌo naesunaa, noparasaeamo. Pedamo anaꞌa Abraham nembalimo amando kosasawindo mie tapa nesuna marasaeano, neanomo Lahataꞌala natumahimada peda mie banara.

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

2 Korintus 1:22

Padamo dua nokatanda kaita mbali fehebuaꞌano. Anoamo dua fowaꞌaono Rohino weo totono lalontoomu, somo kafekantoono dhandino ⸤ putae tetewei mada kaowu daꞌumawae kosasawiꞌae nedhandiꞌaono⸥ .

2 Korintus 6:7

taefolele bhihitano kabanara, tafotiwoha kuasano Lahataꞌala, dadi banara mbalimo ewanga mani so tapopahisaꞌao bhe tapobentengiꞌao wuto mani;

Galatia 3:14

Yesus Kristus nofobebasi kaitaomu neanomo namangka ne Anoa sabhaha bansano liwu datumahima dua kabarakati nedhandiꞌaono Lahataꞌala ne Abraham. Ane nada anaꞌa intaodiomu marasaeano datumahimamoomu dua Rohino Lahataꞌala toka nedhandiꞌaono.

Efesus 4:21

Kapaꞌamo ingka fetingkemoomu bhihitano Kristus bhe peda mie mangkafie tahimaemoomu dua kafoinaꞌu banara, koꞌulaꞌano ne wutono Yesus.

Efesus 4:30

Koise fekakompeahaomu lalono Rohino Lahataꞌala. Rohino Lahataꞌala ini katandainomo hintimiu fehebuano Lahataꞌala. Hampano Rohino neate weo totono lalontoomu, paemo dapoibhahaa putae ingka tetewei nahumato oleo so katifobebasiꞌanto.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

2 Timotius 2:15

Uleiꞌe lalomu kahadhaa so noꞌiaꞌao Lahataꞌala, membalimo mie tapa moambanoꞌaono nekahadhaano, maꞌanano fofoinaꞌuꞌao bhoasao banara melaa-melaa.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

2 Timotius 3:15

Feꞌulaiꞌe dua, notanda kaanaꞌimu pandeꞌaanemo Kitabi. Nomaiꞌaomo ne Kitabi aini naembali damandeꞌao kaangkaꞌano kasalamati, mangkano weo kaparasaea ne Kristus Yesus.

Titus 2:11

Kapugauꞌaku peda anaꞌa, kapaꞌamo Lahataꞌala padamo nofotiwoha rahamatino nofosalamati kosasawindo manusia.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Yakobus 1:18

Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.

Yakobus 1:21

Dadiꞌanomo ohoeꞌomu toha podiu mohaku bhe sabhaha kanea modai. Fekamalu lalomiu bhe tahimaeꞌomu bhoasaono Lahataꞌala toka netisa weo totono lalomiu, kapaꞌamo bhoasao aitu nokokuasa namosalamatikoomu.

1 Petrus 2:10

Endefiꞌini hintimiu suano umatino Lahataꞌala, ampa aitu membalimoomu umatino. Endefiꞌini miina namasiangkoomu Lahataꞌala, ampa aitu nobhelaangkomoomu lalo.

Powoha 7:2

Awohamo dua malaꞌekati sigaoꞌano nomaiꞌao te mata oleo newowoꞌo kakatandano Lahataꞌala dumadino. Malaꞌekati anaꞌa nokei nofekahaa-haaꞌi ne malaꞌekati popaano meꞌawano kuasa dadumai-dai wite bhe teꞌi,