Efesus 1:1 - Muna Southern Dialect

¹ Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala. Apakatue so hintimiu umati mongkilono Lahataꞌala we Efesus, motangkano kaparasaea ne Kristus Yesus.

Efesus 1:1 Iomraidhean Croise

Lukas 16:10

Ambano toha Yesus, “Ane seemie nembali doposahunaꞌaane giu mohobu, tetewei natiposahunaꞌao dua ne giu bhalano. Tamaka ane miina naembali daposahunaꞌaane giu mohobu, tetewei dua paise natiposahunaꞌao ne giu bhalano.

Tula-tulando rasulu 16:15

Pada takadiu saranie bhe kosasawindo mie weo lambuno, nosaliꞌi kainsamimo ambano, “Ane fekihi kanauꞌomu idi ini aparasaeamo mpuu ne Yesus, mai butuomu se lambuku.” Nofosuhu kainsami sampe taangkafie kamesalono.

Tula-tulando rasulu 18:19

Dohato we kotano Efesus Priskila bhe Akwila nohunsadamo ne itu. Paulus nopesua weo lambu kasambaheaꞌa maka nopuga-pugau bhe miendo Yahudi.

Tula-tulando rasulu 18:21

Paulus nofealaimo ambano, “Seꞌinawono toha asumulikikoomu ane namolalesa kanau Lahataꞌala.” Pada anaꞌa nohunsamo Efesus.

Tula-tulando rasulu 9:13

Ambano Ananias, “Ompu, nobhahimo kafetingkeꞌaku mie anaꞌa, notolau kadaino podiuno ne umatimu mongkilono we Yerusalem.

Roma 1:1

Suha aini nomaiꞌao ne idi, Paulus, palima-limano Kristus Yesus. Idi nobhasi kanau Lahataꞌala aembali rasulu bhe nofekopuꞌuni kanau aefolele Bhihita Metaa maiꞌao ne Lahataꞌala.

Roma 1:7

Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

1 Korintus 4:12

Insaodi takahadhaa mobhie tapake lima mani. Ane dofeꞌawuti kainsami tafosambaheaꞌao, ane dofodee-dee kainsami tapotaami.

1 Korintus 4:17

Kanandooꞌanomo atuduangkoomu Timotius, anaku timoasiꞌaono bhe kumampuu-mpuuno ne Ompu. Anoa nameꞌulaiangkoomu kodadiku peda seemie mangkafino Kristus Yesus, pedamo nefoinaꞌuꞌaoku ne kosasawindo umati ne amai maka kahatoꞌaku.

2 Korintus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe nomaiꞌao dua ne Timotius bhahitientoomu. Apakatue so umatino Lahataꞌala we Korintus bhe kosasawindo umati mongkilono we kosekaꞌewaꞌae kadieno Akaya.

Galatia 1:1

Suha aini nomaiꞌao ne idi, Paulus, seemie rasulu. Kaembaliꞌaku rasulu ini miina hampano dotudu tawa dosangke kanau manusia, tamaka nosangke kanau Yesus Kristus bhe Lahataꞌala Amantoomu madano mowanue maiꞌao ne mate.

Galatia 3:26

Hintimiu membalimoomu anaꞌino Lahataꞌala, hampano kaparasaeamiu ne Kristus Yesus.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

Galatia 3:9

Abraham noparasaea ne Ompu, maka neꞌawa kabarakati. Dadiꞌanomo kosasawindo marasaeano daeꞌawa dua kabarakati peda neꞌawano Abraham.

Efesus 1:15

Dadiꞌanomo safetingkeku putae parasaeamoomu ne Ompu Yesus bhe moasiandaomu kosasawindo umati mongkilo,

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Efesus 2:13

Tamaka ampa aitu nobhaliimo hampano kaseꞌisemiu bhe Kristus Yesus. Endefiꞌini hintimiu mokodoꞌoomu bhe Lahataꞌala, tamaka hampano tuhuno heano Kristus ampa aitu momaꞌomoomu.

Efesus 2:6

Hampano kaseꞌisentoomu bhe Kristus Yesus, Lahataꞌala nofowanu kaitamo dua maiꞌao ne mate maka nowaꞌa kaita dua kaengkohaꞌa dopoowa-owa bhe Kristus te surugaa.

Efesus 6:21

Tikikus namai namohatoangkoomu bhahi-bhahiꞌae netompaloiku we ini. Tikikus ini bhahitientoomu timoasiꞌaono bhe kumampuu-mpuuno weo kaꞌondofao ne Ompu. Patudhuku neanomo mandeꞌaaneomu dua ngkoha-ngkohaku bhe kahadhaaku we ini.

Kolose 1:2

Apakatue so hintimiu bhahitieꞌiku, umati mongkilono Lahataꞌala we Kolose, motangkano kaparasaea ne Kristus. Sio-siomo kabarakati bhe katohopono dadi maiꞌao ne Lahataꞌala Amantoomu sadhia napobhaiangkoomu.

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.