2 Yohanes 1:6 - Muna Southern Dialect

⁶ Dofomoasiꞌao, maꞌanano dodadi doangkafi pahintano Lahataꞌala. Pahintano ingka fetingkeemoomu mpini pakaparasaeamiu, dadiomu weo kanini kaasi.

2 Yohanes 1:6 Iomraidhean Croise

Yohanes 14:15

“Ane moasi kanauꞌomu, tetewei mangkafieꞌomu sabhaha pahintaku.

Yohanes 14:21

Sasuka mintahakino pahintaku bhe nodhalangie, anoamo itu moasi kanau. Sasuka moasi kanau naoasiane dua Amaku, o Idi aoasiane dua maka amotiwoha Wutoku ne anoa.”

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

Yohanes 15:10

Ane mangkafiomu pahintaku, maka meateomu weo kanini kaasiku. Pedamo dua anaꞌa Idi aeate weo kanini kaasino Amaku kapaꞌamo aangkafi pahintano.

Yohanes 15:14

Hintimiumo sabhangkaꞌiku, sumanomo mangkafiomu pahintaku.

1 Yohanes 2:24

Dadiꞌanomo hintimiu, dhaganieꞌomu mpuu bhihita toka nefetingkemiu mpini pakaparasaeamiu weo totono lalomiu. Ane nefetingkemiu naꞌa sadaa-daaꞌe weo totono lalomiu, maka hintimiu sadaa-daaꞌe seꞌiseomu bhe Anano Lahataꞌala bhe Amantoomu.

1 Yohanes 2:5

Tamaka mie mangkafino bhoasaono Lahataꞌala, nosangkamo kanini kaasino ne Lahataꞌala. Aitumo katandaino dodadi doseꞌise bhe Lahataꞌala.

1 Yohanes 2:7

Bhahitieꞌiku timoasiꞌaono! Nebuhiku so hintimiu ini suano pahinta buꞌou, tamaka pahinta ngkodau toka nefetingkemiu notanda parasaeaꞌomu ne Kristus. Pahinta ngkodau ini bhoasaono Lahataꞌala nefosampe ne hintimiu endefiꞌini.

1 Yohanes 5:15

Ane dopandeꞌaanemo Lahataꞌala sadhia nofetingke kamesalontoomu, ingka dopandeꞌaanemo dua o ae maka dua nemesalontoomu dotahimaemoomu.

1 Yohanes 5:3

Kapaꞌamo ane doasiꞌao Lahataꞌala, maꞌanano doangkafi sabhaha pahintano, bhe pahintano Lahataꞌala miina naobhiea.

2 Yohanes 1:5

Aitu waꞌina, aesalo mpuu ne hintu sio-siomo intaodiomu ini dapomoa-moasiꞌao. Nebuhiku ini suano pahinta buꞌoua, tamaka ingka dofetingkeemoomu mpini pakaparasaeantoomu.