2 Yohanes 1:12 - Muna Southern Dialect

¹² Nandoo nobhahi sepaliꞌa so nefohatoꞌaoku ne hintimiu, ampamo kaowu naetaa pae abuhie ne suha. Aposahunaꞌao amai adumongawikoomu maka daetula-tula dapowise-wiseomu, nosangkaꞌao kaꞌiantoomu.

2 Yohanes 1:12 Iomraidhean Croise

Yohanes 15:11

Kosasawiꞌae ini afohatoangkoeꞌomu neanomo kawulano laloku naeate we lalomiu bhe kawulano lalomiu nasumungku.

Yohanes 16:12

Nandoo nobhahi dua so nefohatoꞌaoku ne hintimiu, ampamo kaowu aitu paeꞌo sumodaiꞌeomua.

Yohanes 16:24

Ampa oleo itu miinaꞌo konimesaloomu weo neaku. Dadiꞌanomo tamesalomoomu, tetewei tumahimaeꞌomu neanomo nasumangkamo kawulano lalomiu.

Yohanes 17:13

Aitu asumulimo te Hintu. Aekapunaꞌao kosasawiꞌae ini tinangke nandoo kanau we dhunia ini, neanomo andoa dakumabhintida mpuu kawulano laloku.

Yohanes 3:29

Kohakuꞌaono loꞌia buꞌou hobhine ingka loꞌia buꞌou moꞌane; tamaka sabhangkano loꞌia buꞌou moꞌane neehe-ehe ne sohihino nofeti-fetingkeda. Nowula mpuu lalono ane nofetingke suahano loꞌia buꞌou moꞌane maitu. ⸤ Peda sabhangkano loꞌia buꞌou naꞌa,⸥ idi ini nowulamo mpuu laloku, nosungkumo kaꞌiaku.

Roma 15:24

maka patudhuku weo kala-kalaku ahumope we Spanyol, naembali amangka apoꞌawaangkoomu. Mahingga nasebantaha kaowu, natisangke dua laloku dapoꞌawa-awaomu, mada anaꞌa naembali tumulumi kanauꞌomu amopansuhu kala-kalaku ne watu.

2 Timotius 1:4

Afeꞌulai kaowu ndawuno luumu, nokamba laloku apoꞌawaangko toha, nosungkuꞌao kaꞌiaku.

Filemon 1:22

Tadua sehonda kamesaloku: mefontaa-ntaa kanau so kabutuꞌaku, kapaꞌamo aposahunaꞌao hampano sambaheamu, dapikifosuli kanau we hintimiu.

Ibrani 13:19

Puuno kamesaloku sambaheaꞌomu, neanomo naehimba damosuli kanau we hintimiu.

Ibrani 13:23

Naetaa mandeꞌaaneomu bhahitientoomu Timotius dofolimbaemo maiꞌao we katohongku. Ane napikihato se ini, awowoꞌoe amai we hintimiu itu.

1 Yohanes 1:4

Bhahi-bhahiꞌae ini tabuhiangkoeꞌomu so nosangkaꞌao kawulano lalontoomu.

3 Yohanes 1:10

Dadiꞌanomo ane amai kaowu, atumalesaane sabhaha habu modaino bhe wamba kabuangkano nopulaoꞌao insaodi. Bhahi-bhahiꞌae ini miinaꞌo dua natumumpuane lalono, sampe nokiido natumahima bhahitieꞌi mengkahatono. Suano kaowu taꞌo anaꞌa, bhahamoa umati dua sigaoꞌano noꞌeleꞌaanda datumahima bhahitieꞌi mengkahato maitu. Ane miina damangkafie, nofogampida maiꞌao ne kaseꞌisendo umati.